Kena. Dios moyo̱lmiktiá kua̱ ágaj yej kitajto̱lkaki kipiá se̱ kokolis. Inó̱n iga, la Biblia kijtowa: «Jehová kipale̱wis kua̱ ágaj ono’ pan icama iga kipiá kokolis» (Salmo 41:3). Nigaj mone̱xtiá e̱yi tejté̱ yej wel tikchi̱waj kua̱ tonokej pux enfermo:

1.   Matiktajtanili̱kan Dios iga mate̱pale̱wi. Dios wel kichi̱wa iga amo pux matimoyo̱lmikti̱kan, iní̱n puxsan te̱pale̱wis wan te̱makas tajpal kua̱ tionoskej pux enfermos (Filipenses 4:6, 7).

2.   Xiyo̱lpa̱ki nochipa. Biblia kijtowa: «Se̱ yo̱loj yej pa̱ki ye̱kti iga tapajtiá, pero ágaj yej moyo̱lmiktijto’ akipiá tajpal» (Proverbios 17:22). Kua̱ ágaj pa̱ki pojpoliwi iga moyo̱lmiktiá, wan kichi̱wa iga mamomachi̱li ma̱j ye̱kti.

3.   Matikchi̱xtokan yej Dios kichi̱was. La Biblia kijtowa iga asis el día kua̱ ni-agaj kijtos: «Ni-ono’ enfermo» (Isaías 33:24). A̱man ono’ enfermedades yej awelij mopajtiá, pero Dios yawi kitamiti nochi iní̱n. Wan no̱ kijtowa iga ayo’ ágaj wewejtiás, la Biblia kijtowa: «Inakayo ma̱j maseliktiá ken kua̱ katka chogo; wan seu’ biáj makipiá tajpal ken kua̱ katka chogo» (Job 33:25). Kua̱ titajla̱mikij pan iní̱n, te̱pale̱wiá iga matipa̱kikan aunke matonokan enfermos (Romanos 12:12).

 Xikita iní̱n: Yej Tajto̱lmoya̱waj de Jehová nikmatij iga Dios yawi ne̱pale̱witij, pero niawij al doctor kua̱ nonokej enfermos (Marcos 2:17). Pero, ayá̱ nikijliáj ágaj te̱ medicamento makoni̱kan, cada persona kimatis te̱ kichi̱was iga mamopajti.