LECCIÓN 01
¿Kén wel mitspale̱wiá la Biblia?
Komatimej timotajtanij te̱ yawi pano̱ti wan tejeme̱n wan yej te̱yo̱lmiktiá, wan te̱ pano̱wa kua̱ timikij. Wan no̱ te̱yo̱lmiktiá seuʼmej tejté̱, ken te̱ tikuaskej, tey tikakiskej, wan kén tikta̱niskej tomin, wan kén matiyo̱lpa̱kikan wan tofamiliaj. Miak gente kasikejya tajto̱lkuepalis pan la Biblia, wan no̱ kitakejya iga la Biblia te̱pale̱wiá pan nochi yej tikchi̱waj. ¿Tikijtowa iga la Biblia wel no̱ mitspale̱wiá?
1. ¿Katiapa tajtanilismej kitajto̱lkuepa la Biblia?
La Biblia kitajto̱lkuepa tajtanilismej ken iní̱n: ¿kén tsi̱ntiʼ la vida?, ¿té íga tonokej nigaj?, ¿té íga timoyo̱lmiktiáj?, ¿te̱ pano̱wa kua̱ timikij?, ¿té íga onoʼ guerra siga nochimej kinekij paz? wan ¿te̱ yawi pano̱ti wan iní̱n ta̱jli? Wel tikasis la respuesta pan la Biblia, miak personas kasikejya la respuesta wan a̱man pux yo̱lpa̱kij.
2. ¿Kén te̱pale̱wiá la Biblia iga matiyo̱lpa̱kikan?
La Biblia te̱ijliá te̱ matikchi̱wakan iga matiyo̱lpakikan, kine̱xtiliá kén mayo̱lpa̱kikan las familias, la Biblia no̱ te̱ijliá te̱ matikchi̱wakan kua̱ onoʼ miak tejté̱ yej te̱yo̱lmiktiá wan te̱ne̱xtiliá kén matiyo̱lpa̱kikan kan titekipanowaj. Kua̱ timosenmachtijtiaskej iní̱n publicación tiá timomachti̱ti te̱ kijtowa la Biblia de iní̱n wan seuʼmej temas, wan tikitas iga nochi yej kijtowa «itájto̱l Dios [...] te̱ne̱xtiliá ken iga matiye̱ʼnemika̱n» (2 Timoteo 3:16, ITM).
Iní̱n publicación ayéj la Biblia, pero mitspale̱wis iga ximomachti wan xikojasi la Biblia. Inó̱n iga nimitsijliáj iga kua̱ timomachtis xiktajto̱lti nochi los textos bíblicos yej tikasis pan cada lección wan xikita kén mitspale̱wiá iní̱n.
MATIMOMACHTI̱KAN MA̱J DE INÍ̱N TEMA
Matikitakan kén kipale̱wij la Biblia seuʼmej personas, wan te̱ matikchi̱wakan iga matiktajto̱ltijnekikan, wan kén te̱pale̱wiá iga ágaj mate̱machti.
3. La Biblia te̱ojkuiltiá
La Biblia ken se̱ lámpara yej pux tawiá yej te̱ne̱xtiliá kan matinejnemikan. Te̱pale̱wiá iga matikmatikan te̱ matikchi̱wakan wan no̱ te̱ne̱xtiliá te̱ yawi pano̱ti.
Xiktajto̱ltikan Salmo 119:105 wan xitajto̱kan de inín:
-
¿Kén kitaya la Biblia yej kijkuiloj iní̱n Salmo?
-
¿Kén tikita téj la Biblia?
4. La Biblia kitajto̱lkuepa yej timotajtanij
Se̱ siwa̱ ki-asiʼ pan la Biblia nochi yej ikiaya kimatisnekiá. Xikitakan el video wan xitajto̱kan de iní̱n: Xikitakan el VIDEO wan xitajto̱kan de inín:
-
¿Te̱ motajtaniá iní̱n siwa̱?
-
¿Kén kipale̱wij kua̱ momachtij la Biblia?
Kua̱ atikmatij tejté̱, la Biblia te̱ijliá iga matitatajtanikan. Xiktajto̱ltikan Mateo 7:7 wan xitajto̱kan de iní̱n:
-
¿Tikijtowa iga la Biblia wel kitajto̱lkuepa yej téj timotajtani? ¿Te̱ timotajtani?
5. Tiknekiskej matiktajto̱ltikan la Biblia
Komatimej kinekij makitajto̱ltikan la Biblia wan kitaj iga pux kipale̱wiáj. Xikitakan el VIDEO wan xitajto̱kan de iní̱n:
-
¿Kén kitaj ini̱nmej chokomej kua̱ kitajto̱ltiáj sekin libros?
-
Pero, ¿kén kitaj kua̱ kitajto̱ltiáj la Biblia?
Yej timomachtiáj pan la Biblia kichi̱wa iga matimomachi̱li̱kan ye̱kti wan te̱ne̱xtiliá iga tikpiaskej tejté̱ yej ye̱kti. Xiktajto̱ltikan Romanos 15:4 wan xitajto̱kan de iní̱n:
-
¿Tikmatisneki kén mitspale̱wiá la Biblia iga ximomachi̱li ye̱kti wan te̱ tejté̱ yej ye̱kti kichi̱was Dios?
6. Si ágaj te̱pale̱wiá wel ma̱j tikojasij la Biblia
Komatimej kitaj ma̱j ye̱kti iga momachtiáj la Biblia kua̱ ágaj kipale̱wiáj ke kua̱ ise̱ltimejsan. Xiktajto̱ltikan Hechos 8:26-31 wan xitajto̱kan de iní̱n:
-
¿Te̱ matikchi̱wakan iga matikojasikan la Biblia? (Xikitakan los versículos 30 wan 31).
Iga makojasi la Biblia, iní̱n ta̱gaʼ de Etiopía kinekiá iga ágaj makipale̱wi. Ijko̱nsan no̱ a̱man, komatimej ma̱j kojasij la Biblia kua̱ mosenmachtiáj wan ágaj.
YEJ SEKIN KIJTOWAJ: «Yej momachtiáj la Biblia kipolowaj itiempoj».
-
¿Te̱ tikijtowa téj? ¿Té íga?
TE̱ TIMOMACHTIJ
La Biblia te̱pale̱wiá iga matikmatikan te̱ matikchi̱wakan, kitajto̱lkuepa yej timotajtanij wan kichi̱wa iga matimomachi̱li̱kan ye̱kti wan te̱ne̱xtiliá iga tikpiaskej tejté̱ yej ye̱kti.
Matikejla̱mikikan te̱ timomachtijkej
-
¿Te̱ consejos tikasij pan la Biblia?
-
¿Te̱ tejté̱ yej timotajtanij kitajto̱lkuepa la Biblia?
-
¿Te̱ tikmatisneki téj de la Biblia?
XIKMATI MA̱J
Xikmati té íga yej kijtowa la Biblia nochipa te̱pale̱wiá.
«La eterna sabiduría de la Biblia» (La Atalaya, núm. 1 2018)
Xikita ken la Biblia kipale̱wij se̱ ta̱gaʼ iga mayo̱lpa̱ki wan ayoʼ makejla̱nto yej aye̱kti.
Xikmati ken yej kijtowa la Biblia te̱pale̱wiá iga matiyo̱lpa̱kikan wan tofamiliaj.
«12 claves para una familia feliz» (¡Despertad!, núm. 2 2018)
Xikita ken la Biblia kitajto̱lkuepa yej miak gente akimatij, ¿a̱ʼ yej el gobernante de iní̱n ta̱jli?
