LECCIÓN 10
¿Té íga xaj ka̱n monechkowaj yej tajto̱lmoya̱waj de Jehová?
¿Ágajya mitsijlij iga xaj ka̱n monechkowaj yej tajto̱lmoya̱waj de Jehová? Siga áya tiá nise̱ biáj, anka achi tipi̱nawa iga xaj. Anka timotajtani: «¿Te̱ kichi̱waj yej tajto̱lmoya̱waj pan itanechko̱lismej? ¿Té íga pux kinekij mamonechkokan? ¿Té íga maniá no̱ʼ?». Pan iní̱n lección timomachtis iga iní̱n tanechko̱lismej ma̱j mitsna̱techos ka̱n Dios wan yawi mitspale̱wi̱ti.
1. ¿Té íga monechkowaj yej tajto̱lmoya̱waj de Jehová?
Se̱ yej kijkuiloj la Biblia kijtoj té íga matimonechko̱kan: «Pan weyi tanechko̱lis nikweyichi̱was Jehová» (Salmo 26:12). Ijko̱nsan no̱ a̱man yej tajto̱lmoya̱waj de Jehová monechkowaj, wan inó̱n pux kiyo̱lpaktiáj. No̱ya̱n la̱j pan ta̱jli, yejeme̱n monechkowaj cada semana iga ki-adora̱rowaj Dios, kitakui̱kiliáj wan kichi̱wiliáj oración. Wan sekin biáj pan el año kichi̱waj tanechko̱lismej yej ma̱j wejweyi.
2. ¿Té̱ timomachtis pan tanechko̱lis?
Pan tanechko̱lis te̱machtiáj de Itajto̱l Dios, wan ompa mone̱xtiá te̱ kijto̱sneki (xiktajto̱lti Nehemías 8:8). Si téj timonechkowa, timomachtis ma̱j de Jehová wan kén yawi yéj. Kua̱ ma̱j tikojasis iga yéj mitsneki, ma̱j timochi̱wasnekis iyamigoj. Tikmatis kén wel mitspale̱wiá yéj iga xiye̱ʼono (Isaías 48:17, 18).
3. ¿Kén wel mitspale̱wiskej las personas yej tiki̱xmatis pan tanechko̱lismej?
Jehová te̱ijliá iga «matimosen-ejlanti̱kan iga matimonekikan wan iga matikchi̱waka̱n yej ye̱kti, amo matikajte̱wakan iga matimonechko̱kan» (Hebreos 10:24, 25, TNM). Ka̱n timonechkowaj tiki̱xmatis personas yej momelaʼnekij wan ijko̱nsan ken téj, ma̱j momachtisnekij de Dios. Nochi yej ompa tikakis de la Biblia yawi mitspale̱wi̱ti (xiktajto̱lti Romanos 1:11, 12). Wan no̱ tiki̱xmatis chokomej wan yej na̱miktitokej yej yo̱lpa̱kij aunke ki̱xtajmakaj tejté̱ yej kiyo̱lmiktijtokej. Iní̱n yawi sékinsan tejté̱ iga Jehová kineki iga nochipa matimonechko̱kan.
MATIMOMACHTI̱KAN MA̱J DE INÍ̱N TEMA
Matikitakan te̱ mochi̱wa ka̱n monechkowaj yej tajto̱lmoya̱waj de Jehová wan té íga te̱pale̱wis iga nochipa matasikan.
4. Tanechko̱lismej de yej tajto̱lmoya̱waj de Jehová
Pan achto siglo, los cristianos monechkowa̱yaj iga ki-adora̱rowa̱yaj Jehová (Romanos 16:3-5). Xiktajto̱ltikan Colosenses 3:16 wan xitajto̱ka̱n de iní̱n:
-
¿Kén ki-adora̱rowa̱yaj Jehová los cristianos de achto siglo?
A̱man no̱, yej tajto̱lmoyawaj de Jehová nochipa yawij pan kajli ka̱n monechkowaj. Iga xikmati kén kichi̱waj itanechko̱lismej, xikitakan el VIDEO. De ompa xikitakan el dibujo de se̱ tanechko̱lis wan xitajto̱ka̱n de iní̱n:
-
¿Té íga yawi ijko̱nsan yej mochi̱wa pan se̱ Kajli ka̱n Timonechkowaj wan yej kijtowa Colosenses 3:16?
-
Pan el video o el dibujo, ¿te̱ yej ma̱j tikye̱ʼita de yej mochi̱wa pan tanechko̱lismej?
Xiktajto̱ltikan 2 Corintios 9:7 wan xitajto̱ka̱n de iní̱n:
-
¿Té íga ayá̱ motajtani tomi̱n ka̱n monechkowaj yej tajto̱lmoya̱waj de Jehová?
Wan yej mitsmachtiá, xikitaka̱n te̱ timomachti̱skej pan se̱ tanechko̱lis de iní̱n semana.
-
¿Te̱ yej moitas pan iní̱n tanechko̱lis tikita iga wel ma̱j mitspale̱wiá?
¿Tikmatiá?
Pan jw.org wel tikmatis ka̱n wan ke̱man mochi̱wa tanechko̱lis pan diferentes partes del mundo.
-
A) Pan notanechko̱lismej mopano̱ltiáj discursos, demostraciones wan videos. Nochi motsi̱ntiá wan motamiá wan se̱ takuikalis wan se̱ oración.
-
B) Pan sekin partes del programa, yej asij wel kimakaj icomentarios.
-
C) Nochimej yawij bienvenidos: tajta̱gamej wan siwa̱tkej, yej yolejkej wan ko̱kone̱ʼ...
-
D) Pan tanechko̱lismej de yej tajto̱lmoya̱waj de Jehová ayá̱ mitstajtaniliskej tomi̱n iga xikalaki.
5. Moneki matimotekitili̱kan iga matasikan pan tanechko̱lismej
Matitajla̱mikikan pan ifamiliaj Jesús. Yejeme̱n mocha̱ntia̱yaj Nazaret wan iga maya̱kan pan el temploj de Jerusalén cada año, monekiá manejnemikan ken tres días wan ka̱n pano̱wayaj pux takuayoj. Xiktajto̱ltikan Lucas 2:39-42 wan xitajto̱ka̱n de iní̱n:
-
¿Tikijtowaya iga yejeme̱n motekitilijkej iga wel maya̱kan Jerusalén?
-
Wan téj, ¿te̱ tiki̱xtajmaka iga wel xi-asi pan tanechko̱lismej?
-
¿Ticre̱rowa iga yawi mitspale̱wi̱ti? ¿Té íga?
La Biblia kine̱xtiá iga yawi pux importante iga matimonechko̱kan iga matikadora̱ro̱kan Jehová. Xiktajto̱ltikan Hebreos 10:24, 25 wan xitajto̱ka̱n de iní̱n:
-
¿Té íga moneki iga nochipa matia̱kan pan tanechko̱lismej?
YEJ SEKIN KIJTOWAJ : «Ayá̱ moneki iga matimonechko̱kan iga matikadora̱ro̱kan Dios. Desde tocha̱nsan wel timomachtiáj la Biblia».
-
¿Te̱ texto o ejemplo yej onoʼ pan Biblia kine̱xtiá yej Jehová kineki matikchi̱waka̱n?
TE̱ TIMOMACHTIJ
Siga ti-asi pan tanechko̱lismej wel timomachtiá ma̱j de Jehová, timochi̱was iamigoj wan tikadora̱ros wan seuʼmej personas.
Matikejla̱mikika̱n te̱ timomachtijkej
-
¿Té íga te̱ijliá Jehová iga matimonechko̱ka̱n?
-
¿Te̱ timomachtis pan tanechko̱lismej de yej tajto̱lmoya̱waj de Jehová?
-
¿Kén ma̱j wel mitspale̱wiá tanechko̱lismej?
XIKMATI MA̱J
¿Timajmawi o tipi̱nawa iga xaj pan tanechko̱lismej? Se̱ ta̱gaʼ yej ijkó̱n momachi̱lia̱ya, a̱man pux kineki iga mamonechko. Xikita té íga.
Xiki̱xmati se̱ chogo yej pux kinekiá maya̱wi pan tanechko̱lismej wan xikita te̱ kichij iga nochipa mamonechko.
Xiktajto̱lti kén seuʼmej kitaj tanechko̱lismej.
Xikita kén mopataʼ ivida de se̱ pandillero kua̱ asiʼ ka̱n monechkowaj yej tajto̱lmoya̱waj de Jehová.
«No iba a ningún lado sin mi arma» (La Atalaya, 1 de julio de 2014)
