LECCIÓN 22
¿Kén téj wel tikne̱xtiá ye̱kti noticias?
Kua̱ tikojasiʼ yej la Biblia kine̱xtiá, anka tikejlan: «¡Moneki iga nochimej makimatikan iní̱n!». Wan ijkó̱n yawi, moneki iga nochimej makimatikan. Pero anka tiyo̱lmajmawi iga xikne̱xtili seuʼmej yej nemi timomachtiá. Matikitakan te̱ wel tikchi̱wa iga amo ximajmawi wan iga xiyo̱lpa̱ki iga xikne̱xti ye̱kti noticias yej kine̱xtiá la Biblia.
1. ¿Kén wel tikne̱xtiliá seuʼmej yej nemi timomachtiá?
Idiscipulojmej Jesús kijtojkej: «Awel nikajte̱waj iga nikijtowaj yej nikitakej iwá̱n nikakikej» (Hechos 4:20). Iga pux kiye̱ʼitayaj yej momachtijkej kinekiáj iga nochi la gente makimatikan de iní̱n. ¿Ijko̱nsan no̱ tikchi̱wasneki? Siga ijkó̱n, xikita ke̱man wel tiye̱ʼtajtowa wan mofamiliarmej wan moamigojmej de yej nemi timomachtiá (xiktajto̱lti Colosenses 4:6).
Sekin tejté̱ yej wel mitspale̱wiá
-
Iga xitajto de la Biblia wan se̱ familiar, wel tikijtowa tejté̱ ken iní̱n «Pan iní̱n semana nimomachtij tejté̱ yej puxsan ye̱kti»
-
Kua̱ se̱ de moamigoj onoʼ enfermo o moyo̱lmiktijtoʼ, xikne̱xtili se̱ texto bíblico yej welij makipale̱wi.
-
Kua̱ yej íwan titekipanowa mitstajtani kén tikpano̱ltij el fin de semana, xikne̱xtili tejté̱ yej timomachtij pan la Biblia o pan tanechko̱lis.
-
Xikne̱xtili moamigojmej el sitio de internet jw.org.
-
Wel tikijliá seuʼmej iga maonokan mowa̱n kua̱ timomachtiá de la Biblia o xikne̱xtili kén wel kitajtanij se̱ tamachtilis de la Biblia pan jw.org.
2. ¿Té íga moneki xitajto̱lmoya̱wa wan la congregación?
Idiscipulojmej Jesús ayá̱ kine̱xtilijkej ye̱kti noticias yéjsan ki̱xmatiáj. Jesús «kiti̱tan ojo̱me̱n iga maya̱ka̱n ipan nochi a̱ltepe̱mej» iga makine̱xti̱kan ye̱kti noticias (Lucas 10:1). Iga ijkí̱n kichi̱wakej pux komatimej kikakikej ye̱kti noticias. Wan no̱ idiscipulojmej pux yo̱lpa̱kikej iga tekipanojkej wan seuʼmej iga makine̱xti̱kan ye̱kti noticias (Lucas 10:17). ¿Tiknekiskiá xitekipano wan tokni̱wan iga xikne̱xtili seuʼmej de Itajto̱l Dios?
MATIMOMACHTI̱KAN MA̱J DE INÍ̱N TEMA
Matikitakan te̱ wel mitspale̱wiá iga amo xiyo̱lmajmawi wan iga xiyo̱lpa̱ki iga xikne̱xti ye̱kti noticias.
3. Jehová onos mowa̱n
Sekin personas yej kinekij matajto̱kan de la Biblia kiyo̱lmiktiáj yej la gente kijtowaj o kejla̱mikij de yejeme̱n.
-
Wan téj, kua̱ titajtowa wan seuʼmej de yej nemi timomachtiá, ¿tiyo̱lmajmawi, o ayá̱? ¿Té íga?
Xikitakan el VIDEO, wan xitajto̱kan de iní̱n:
-
¿Te̱ kichijkej chokomej del video iga amo mamajmawikan?
Xiktajto̱ltikan Isaías 41:10, wan xitajto̱kan de iní̱n:
-
¿Té íga moneki xi-ora̱ro siga timajmawi kua̱ titajtowa de la Biblia?
¿Tikmatiá?
Miakejmej yej a̱man tajto̱lmoya̱waj de Jehová tajla̱mikiáj iga nike̱man wel kine̱xtilia̱yaj seuʼmej de Itajto̱l Dios. Ken ejemplo, se̱ ta̱gaʼ yej ito̱ka̱ Sergey kimachi̱liaya iga avale̱rowa̱ya wan kichi̱wilia̱ya difícil iga matajto wan seuʼmej. Pero se̱ día tsi̱ntiʼ iga momachtij de la Biblia. Yéj kijtowa: «Aunke nimajmawiá, nitajtoj wan seuʼmej de yej nemi nimomachtiá. Iga iní̱n nikchij, nimomachi̱lij ma̱j ye̱kti wan kichij iga amo manike̱lkawa yej nimomachtiá de la Biblia».
4. Xiye̱ʼtajto
Achto iga xitajto wan ágaj de la Biblia aya̱san xikejla̱miki te̱ tiá tikijli̱ti, sino kén tiá tikijli̱ti. Xiktajto̱ltikan 2 Timoteo 2:24 wan 1 Pedro 3:15, wan xitajto̱kan de iní̱n:
-
¿Kén wel tikchi̱waya yej kijtowaj ini̱nmej versículos kua̱ xitajto de la Biblia wan seuʼmej personas?
-
Anka ágaj de mofamiliaj o moamigojmej ayá̱ tajla̱mikis ke̱nsan téj. ¿Te̱ wel tikchi̱wa? ¿Wan te̱ amo xikchi̱wa?
-
¿Té íga yawi ma̱j ye̱kti xiye̱ʼtajto wan yejeme̱n en vej iga xikijli te̱ makicre̱rokan?
5. Tiyo̱lpa̱kij kua̱ tikne̱xtiáj ye̱kti noticias
Jehová kiti̱tan Jesús iga makine̱xti ye̱kti noticias. ¿Kén kitaya Jesús iní̱n tekipano̱l? Xiktajto̱ltikan Juan 4:34, wan xitajto̱ka̱n de iní̱n:
-
Kua̱ tiye̱ʼtakuaj tiye̱ʼonokej wan tipa̱kij. ¿Té íga kijtoj Jesús iga kua̱ tikchi̱waj yej Dios kineki, yawi ken kua̱ titakuaj?
-
¿Te̱ wel pano̱s siga tikne̱xtiá ye̱kti noticias?
Sekin tejté̱ yej wel tikchi̱wa
-
Pan tanechko̱lis de entre semana, xikita kén wel titajtowa de Itajto̱l Dios.
-
Xikijli yej mitsmachtiá te̱ wel tikchi̱wa iga xipano pan tanechko̱lis yej mochi̱wa pan la semana. Kua̱ mitsmakaskej se asignación mitspale̱wis iga wel xitajto de yej nemi timomachtiá.
-
Xikita las secciones «Yej sekin kijtowaj» wan «Yej sekin tatajtanij» de iní̱n libro iga ximomachti kén wel tiktajto̱lkuepa tajtanilismej wan objeciones.
YEJ SEKIN TATAJTANIJ: «¿Kén tonoʼ? ¿Te̱ tikchi̱wa?».
-
¿Kén wel titajtowa̱ya de yej nemi timomachtiá kua̱ ágaj mitstajtani iní̱n?
TE̱ TIMOMACHTIJ
Kua̱ titajto̱waj de ye̱kti noticias tiyo̱lpa̱kij, wan iga xitajto wan ágaj ayá̱ yawi pux difícil ken téj titajla̱miki.
Matikejla̱mikikan te̱ timomachtijkej
-
¿Te̱ wel mitsyo̱l-o̱lina iga xitajto de ye̱kti noticias?
-
¿Ken wel tikne̱xtiá respeto kua̱ titajto̱wa de ye̱kti noticias?
-
¿Te̱ wel tikchi̱wa iga amo xiyo̱lmajmawi?
XIKMATI MA̱J
Xikita cuatro tejté̱ yej wel tikchi̱wa iga wel xitajto̱lmoya̱wa wan la tarjeta de contacto de jw.org.
Xikita cuatro cualidades yej wel mitspale̱wiá iga xitajto de ye̱kti noticias.
«¿Está usted dispuesto a ser pescador de hombres?» (La Atalaya, septiembre de 2020)
Xikita se̱ relato de la Biblia yej te̱pale̱wiá iga amo matimajmawi̱kan kua̱ titajto̱waj de ye̱kti noticias aunke áya matiyo̱lejkej.
Xiktajto̱lti kén wel titajtowa de la Biblia wan mofamiliarmej yej áya ki̱xmatij Jehová.
«Cómo llegarles al corazón a familiares no creyentes» (La Atalaya, 15 de marzo de 2014)
