¡MATISATOKAN!
¿Los cristianos wel yawij a la guerra? | ¿Te̱ kijtowa la Biblia?
Guerra yej nentoʼ Ucrania kine̱xtij iga komati líderes de la cristiandad tapale̱wiáj pan la guerra. Xikita kén nemi kipale̱wiáj iní̱n o̱me paísmej:
«Nikhonra̱rojnekij wan nikmakasnekij las gracias nochimej yej lucha̱rojtokej iga makima̱nawikan Ucrania […]. Nochipa nikpale̱wiskej, ni-ora̱roskej iga yejeme̱n wan atikajte̱waskej ise̱ltimej» (metropolitano Epifanio I de Kiev, The Jerusalem Post, 16 de marzo de 2022).
«Iní̱n domingo, pan Rusia, el líder de la Iglesia ortodoxa kichij se̱ misa iga los soldados rusos kan kijlij iga makima̱nawikan ipaís ‹kensan los rusos wel kichi̱waj›. Me̱j, solda̱dojmej de Moscú nemi kalakij pan Ucrania» (Reuters, 3 de abril de 2022).
¿Wel yawij los cristianos a la guerra? ¿Te̱ kijtowa la Biblia?
Yej kijtowa la Biblia
La Biblia kine̱xtiá iga yej kimelaʼtokaj Cristo ayá̱ yawij pan la guerra.
«Xike̱na moespa̱daj [...], iga nochi yej tamiktiáj iga espada, yawij no̱ kimikti̱tij iga espada» (Mateo 26:52, ITM).
Si se̱ persona yawi a la guerra o kiye̱ʼita, ¿melá̱nokta nemi kichi̱wa yej kijtoj Jesús?
«Nimitzmakaj iní̱n nuevo mandamiento: ximosepannekika̱n. Ijkó̱n ken nej nimitznekij, amejwa̱n no̱ ximosepannekika̱n. Siga anmosepannekij, nochi kimatis iga amejwa̱n annodisci̱polojmej» (Juan 13:34, 35, ITM).
Si se̱ persona tapale̱wiá pan las guerras, ¿nemi kine̱xtiá iga kineki seuʼmej ijkó̱n ken Jesús kijtoj?
Si tikmatisneki ma̱j, xiktajto̱lti tamachtilis «El cristianismo y la guerra: ¿son compatibles?».
¿Wel yawij a la guerra los cristianos de iní̱n tiempo?
¿De verdad iga los cristianos ayá̱ ya̱skej a la guerra? De verdad iga ayá̱. La Biblia kijtoj iga pan iní̱n tiempo —se̱ periodo yej moto̱ka̱wiá «los últimos días»— onoya personas de nochi paísmej yej ayá̱ momachti̱skej «iga makichi̱wakan guerra», ijkó̱n ken kine̱xtij Jesús (Isaías 2:2, 4, nota).
Iga xikmati ma̱j, xiktajto̱lti miak tamachtilismej de La Atalaya «¿Te̱ kejla̱miki Dios de las guerras?».
Ayoʼ ke̱ poliwi wan «Dios yej te̱maka paz», kichi̱was iga igobiernoj yej onoʼ ajko makitami nochi yej aye̱kti wan inó̱n yej teyo̱lmiktiá (Filipenses 4:9; Salmo 72:14).
Iga xikmati kén kichi̱was, xikita video ¿Te̱ yéj Irreinoj Dios?
