JW LIBRARY
Ogunaʼö Penanda—Android
Tola öʼogunaʼö fitur penanda si so ba JW Library ba wotandrai pulikasi nibasou. Hulö pita si so ba mbuku ia. Ero sambua publikasi ba JW Library no mufaʼanö fulu penanda.
Oʼö wanuturu lala ba wangogunaʼö Penanda:
Fazökhi Penanda si Bohou
Tola ötandrai tuho, faza, ngenoli, mazui ayati Zura Niʼamoniʼö.
Lala ba wotandrai tuho mazui faza, klik Penanda. Aefa daʼö, teboka daftar penanda moroi ba publikasi nibokaimö, ba fili penanda si kosong ba wotandrai duho mazui faza nibokaimö.
Lala ba wotandrai ngenoli mazui ayati Zura Niʼamoniʼö, fili ngawua wehedenia, aefa da’ö klik Penanda si so ba layar ngawua wehede.
Faigi zi No Mutandrai
Ba wamaigi ngawua wehede si no ötandrai, bokai publikasinia, aefa daʼö klik Penanda. Fili penanda somasi öbokai.
Tukari mazui Hapus Penanda
Tola öhapus mazui ötukari penanda zi no öfazökhi.
Lala ba wohapus nitandraimö, klik Penanda, aefa daʼö klik gambara si tölu titik ba zinga penanda zinangea öhapus. Aefa daʼö, klik Hapus.
Lala ba wotukari nitandraimö, klik Penanda, aefa daʼö klik gambara si tölu titik ba zinga penanda zinangea ötukari, ba klik Ganti. Aefa daʼö tetukari penanda andrö. Tola öʼogunaʼö penanda andre ba wotandrai publikasi nibasou. Duma-dumania, tola ötandroi fombaso Zura Niʼamoniʼö nifaluau ero maʼökhö.
Murilis fitur-fitur daʼa ba Mbaŵa si Lima 2014 ba JW Library 1.2, si tola muʼogunaʼö ba Android 2.3 mazui sabölö ebohou. Na lö hadöi fitur-fitur daʼa ba perangkatmö, tola öʼoʼö wanuturu lala si so ba artikel ”Oguna’ö JW Library—Android,” ba faosatö Okhögö Fitur-Fitur si Bohou.
