JW LIBRARY
Download ba Ogunaʼö Zura Niʼamoniʼö—Android
Fombaso hegöi famomaha ba Zura Niʼamoniʼö no fitur siföföna moroi ba JW Libraray.
Oʼö wanuturu lala ba wo-download hegöi ba wangogunaʼö Sura Niʼamoniʼö:
Download Alkitab
Tola ö-download ngawalö terjemahan Zura Niʼamoniʼö enaʼö öbaso ba lö moguna online ndraʼugö.
Bokai menu ba fili Alkitab ba wamaigi döi-töi mbuku Zura Niʼamoniʼö.
Fili Bahasa ba wamaigi ngawalö Zura Niʼamoniʼö si no tehenaigö. Sura Niʼamoniʼö sasese öʼogunaʼö tehenaigö ia tanö yawa daftar. Tola göi öketik li mazui töi Zura Niʼamoniʼö somasi öʼalui. Duma-dumania, ketik ”int” enaʼö ösöndra Kingdom Interlinear ba li Inggris, mazui ”port” ba wangalui Zura Niʼamoniʼö ba li Portugis.
Enaʼö öʼila Zura Niʼamoniʼö si lö mu-download, so gambara lawuo. Fili Alkitab ba wo-download yaʼia. Na no ö-download Zura Niʼamoniʼö, taya saʼe gambara lawuo no mege. Ba fili zui Alkitab andrö enaʼö tola öbaso.
Na lö tehenaigö Zura Niʼamoniʼö niʼaluimö, fuli zui fareso na hawaʼara. Hasambalö lanönö ngawalö Zura Niʼamoniʼö ba aplikasi andre.
Hapus Alkitab
Tola öhapus Zura Niʼamoniʼö na lö öʼogunaʼö ia saʼae mazui na arakhagö afönu perangkatmö.
Klik gambara si so titik tölu ba zi tambai Alkitab somasi öhapus. Aefa daʼö klik Hapus.
Bohouni Alkitab
Itaria, moguna mubohouni Zura Niʼamoniʼö si no irai ta-download.
Enaʼö öʼila Zura Niʼamoniʼö sinangea mubohouni, so tanda panah melingkar. Na öklik Alkitab andrö, so pesan wa moguna mubohouni ia. Fili Download ba wobohouni yaʼia, mazui fili Nanti na omasiʼö nasa öbaso versi si oföna.
Murilis fitur-fitur daʼa ba Mbaŵa si Dua 2015 ba JW Library 1.4, si tola muʼogunaʼö ba Android 2.3 mazui si bohou. Na lö hadöi fitur-fitur daʼa ba perangkatmö, tola öʼoʼö wanuturu lala si so ba artikel ”Ogunaʼö JW Library—Android”, ba faosatö Okhögö Fitur-Fitur si Bohou.
