FAMAYAGÖ IDANÖ Na lö tebulö dania, no tehenaigö nahia wedadao khö ndra talifusö sedöna mubayagö idanö tanö föna ahatö ba panggung. Enaʼö modadao ira ba daʼö fatua lö mufaʼema huhuo famayagö idanö sihulö wongi hari Satu. Laʼohe handru ba nukha famagati soadu zamösana.

FANOLO SIFÖFÖNA NA SO ZOFÖKHÖ Daʼa ha fanolo sabata.

GAMA-GAMA SI NO TAYA BA SI NO MUSÖNDRA Na so gama-gama si no taya ba musöndra, miʼohe ba Departemen Gama-Gama si No Taya ba si No Musöndra. Na so zi taya, ondrasi ndra talifusö sohalöwö ba fatunö khöra hadia döi gama-gama si taya andrö. Na so ndraono si no elungu ma no fandröndröu ia khö zatuania, ohe ia ba nahia departemen andre. Hizaʼi, enaʼö lö hadöi abula dödö, rorogö nonou zamösana, ba böi fabali ira khöu.

NAHA WEDADAO Onorogö tödö niha böʼö. Tola öhenaigö öhalö naha wedadao ha khö dalifusöu ba waʼaniha, si sambua moto khöu, ba zi sambua omo khöu, ma niha nifahaʼöu ba Zura Niʼamoniʼö. Böi beʼe gama-gama ba gurusi si lö öfake enaʼö laʼogunaʼö niha böʼö.

SOHALÖWÖ BA WAMÖFÖGÖ Yaʼira andre mohalöwö ira ba wanolo ira talifusö. Falulu fohalöwö ita enaʼö taʼoʼö goi-goi si no latatugöi sanandrösa ba nahia hondra faoma moto, ba wangai nahia wedadao, sofanö ma si tohare, ba tanö böʼönia nasa.

SOMASI MOHALÖWÖ Na omasi ötolo wolului halöwö ba gangowuloa, ombakhaʼö khö ndra talifusö bagian Departemen Informasi hegöi Departemen Sukarelawan.

TOLO-TOLO SI NO AOHA GÖLÖ FAMEʼE Ebua gefe niʼogunaʼö ba wangaʼasogö kurusi, fangebua li, ba oya danö böʼönia nasa enaʼö tola ohahau dödöda ba gangowuloa sebua andre ba wangahatöʼö yaʼita khö Yehowa. Tolo-tolo si no aoha gölö fameʼe si otarai ndra talifusö, daʼö wa tola tefalua halöwö ba gangowuloa andre hegöi halöwö fanuriaigö ba zi sagörö ulidanö. Enaʼö aoha khöu wameʼe dolo-tolo, no muhenaigö naha ba daʼa. Tola göi öbeʼe dolo-tolo online, bokai donate.pr418.com. Fefu zi no mibeʼe maʼandrö saohagölö. Boto Solohe laʼandrö saohagölö khö ndra talifusö me no milului halöwö Wamatörö Lowalangi soroi ba dödö.