Hadia Tola Samuza Inötö Aheta Ita ba Gabula Dödö?
Hewisa moloʼö yaʼugö?
-
Tola.
-
Tebai.
-
Lö uʼila.
HADIA NIWAʼÖ DAROMALI LOWALANGI
”Lowalangi . . . iʼosi dawa hörö fefu ba höröra. Lö hadöi saʼae faʼamate, faʼabu dödö, fegeʼege, mazui fökhö, me no numalö ziföföna andrö.”—Famaʼeleʼö 21:3, 4, Famoʼeluaha Gulidanö si Bohou.
HADIA GUNANIA KHÖDA
Aboto ba dödöda wa tenga Lowalangi mbörö wa so gabula dödöda.—Yakobo 1:13.
Terara dödöda me taʼila ahakhö dödö Lowalangi ita.—Zakharia 2:8.
So wanötöna wa aheta dania fefu wamakao.—Sinunö 37:9-11.
HADIA TOLA TAFADUHUSI TÖDÖ NIWAʼÖ DAROMALI LOWALANGI?
Tola. Si löʼö-löʼönia so dombua mbörö wa faduhu dödöda:
-
Fatuwu khö Lowalangi zi lö atulö awö wamakao. Angeragö hewisa dödö Lowalangi me lafakao nono mbanuania me föna. Sura Niʼamoniʼö zangombakha waʼabu sibai dödönia ”börö wamakao . . . salua khöra”.—Sanguhuku 2:18.
Fatuwu Lowalangi ba niha sangafökhöiʼö tödö nawönia. Duma-dumania, Sura Niʼamoniʼö zangumaʼö ”tanga samunu niha si lö horö” ogoro Yehowa.—Amaedola 6:16, 17.
-
Iʼameʼegö tödö ita zamösana Lawalangi. Tenga ha yaʼita manö zangila ʼabula dödödaʼ. Iʼila daʼö göi Yehowa!—2 Ngaʼötö 6:29, 30.
Na tohare Wamatörö Yehowa, aheta fefu gabula dödöda. (Mataiʼo 6:9, 10) Irugi maʼökhö, irara dödö niha sangalui ba samalua somasi ia soroi ba dödö.—Halöwö Zinenge 17:27; 2 Korindro 1:3, 4.
SINANGEA MUʼANGERAGÖ
Hana wa itehegö tefakao niha Lowalangi?
Taromali Lowalangi zangombakha khöda hadia wanema li ba zura ROMA 5:12 ba 2 FETERO 3:9.
Te Göi Adöni Dödöu
ESSENTIAL BIBLE TEACHINGS
Hana Wa Itehegö So Wamakao Lowalangi?
Ato niha sanofu hadia mbörö wa no afönu faʼalösökhi hegöi fangarö-ngarö gulidanö andre. So wanema linia ba Zura Niʼamoniʼö, si tefaudu ba si möi fondrara dödö.
FAOSO!
Hadia Börö Lowalangi Wa Tefakao Ita?
Ato zi no mufaelungu ba wamahaʼö si lö faudu sanandrösa khö Lowalangi. Hadia sindruhu daʼö?
FAOSO!
Faʼaboto ba Dödö Zameʼe Fanötöna
Faigi hadia manö mbuʼusa li Lowalangi sameʼe khöda tötönafö ba zi so miföna.
SANANDRÖSA KHÖMA
Hana Wa Moguna Tafahaʼö Ita ba Zura Niʼamoniʼö?
No ihenaigö Sura Niʼamoniʼö wanema li ba wanofu-nofu sabölö moguna ba waʼauri niha si zuta faʼato ba zi sagörö ulidanö. Hadia omasi öʼila wanema linia?
FAMAHA’Ö ZURA NI’AMONI’Ö
Tandraigö Wamaha’ö Nifaluama
Faha’ö ndra’ugö ba Zura Ni’amoni’ö khö zi samösa samaha’ö, lö mu’andrö gefe.
