ÖFAZAWA yawa danga ba zi faola omo khöu. Barö-barö daʼa, öʼila wa inehesi ndraʼugö hegöi soroi yomou. Ifazawa göi yawa danga khöu ba ikaoniʼö ba nomo. Imane, ”Omasido usofu khöu. Hana wa faböʼö sibai ami?” Ösofu khönia, ”Eluahania?” Imane, ”Yaʼia, yaʼami andrö Samaduhuʼö Yehowa lö? Tenga simane niha böʼö ami. Lö fagölö ami ba agama tanö böʼö—lö miʼowasaini ngaluo sebua, ba lö fao ami ba politik hegöi fasuwöta. Lö moroko ami. Ba sökhi gamuata nösi nomou. Hadia mbörö wa faböʼö sibai ami andrö?”

Aboto ba dödöu wa fanema linia moʼamakhaita ba daʼa: So ita barö wamatörö Mbanua Lowalangi. Börö me Razo Yesu, andrö lö ibato wamohouni yaʼita. Itolo ita ba wotara lahenia irege faböʼö moroi ba gulidanö si lö sökhi andre. Ba faosatö daʼa, tafaigi hewisa Mbanua Mesia wamohouni ono mbanua Lowalangi, he ba wamati, ba gamuata, hegöi ba organisasi—fefu daʼö enaʼö tefolakhömi döi Yehowa.