FAMAHAʼÖ 02
Nifabuʼu Zura Niʼamoniʼö Sameʼe Khöda Fanötöna
Ba zi sagörö ulidanö, ato niha si göna abula dödö irege fawuka gera-erara, aombö dödöra ba laʼofökhöi. Hadia no irai alua khöu zimane daʼö? Te no irai tefakao ndraʼugö börö wökhö mazui mate niha niʼomasiʼöu. Te ömane tödöu, ’Hadia simane-mane daʼa manö waʼaurigu?’ Ibeʼe wanema li khöda Sura Niʼamoniʼö si möi fondrara dödöda.
1. Hadia wanötöna nibeʼe Zura Niʼamoniʼö?
Itutunö khöda Sura Niʼamoniʼö hadia mbörö wa oya gabula dödö salua ba gulidanö andre. Ifatunö göi khöda duria somuso dödö wa lö ara tö iheta gabula dödö andrö Lowalangi. Buʼusa li ba Zura Niʼamoniʼö zameʼe khöda ’tötönafö si sökhi ba zi so miföna’. (Baso Yeremia 29:11, 12.) Na faduhu dödöda ba mbuʼusa li daʼö tola tataögö ngawalö gabula dödö, taʼokhögö wangera-ngera si sökhi ba faduhu dödöda wa tola tasöndra waʼomuso dödö sagötö faʼara.
2. Moloʼö Sura Niʼamoniʼö, hadia dötönafö ba zi so miföna si tola taʼokhögö?
Hadia dötönafö ba zi so miföna nifabuʼu Zura Niʼamoniʼö? Imane Sura Niʼamoniʼö, ”Lö hadöi saʼae faʼamate, faʼabu dödö, fege-ege, mazui fökhö.” (Baso Wamaʼeleʼö 21:4.) Hasambalö taya fefu gabula dödö samakao faʼauri niha iadaʼa, simane faʼatosasa, falöʼatulö, fökhö ba faʼamate. No ifabuʼu Sura Niʼamoniʼö wa tola auri niha sagötö faʼara ba Waradaiso, yaʼia daʼö ulidanö si sökhi ba soʼahonoa.
3. Hewisa enaʼö faduhu dödöu wa hasambalö alua fefu nifabuʼu Zura Niʼamoniʼö?
Ato niha sanötöna enaʼö sökhi fefu zalua, hewaʼae simanö lö laʼila latatugöi hadia alua daʼö mazui löʼö. Hizaʼi, hasambalö alua fefu nifabuʼu Zura Niʼamoniʼö. Enaʼö tola faduhu dödöda ba daʼö moguna ’tafareso Mbuku Niʼamoniʼö’. (Halöwö Zinenge 17:11) Ba ginötö öfahaʼö ndraʼugö ba Zura Niʼamoniʼö, öʼila öhalö gangetula samösa hadia tola mufaduhusi tödö mbuʼusa li Zura Niʼamoniʼö sanandrösa ba zi so miföna.
ODÖDÖGÖ NASA WANGALUI
Datatutunö hadia nifabuʼu Zura Niʼamoniʼö sanandrösa ba zi so miföna. Nehegö hewisa dötönafö nibeʼe Zura Niʼamoniʼö möi fanolo niha ba götöda iadaʼa.
4. Ifabuʼu khöda Sura Niʼamoniʼö wa tola taʼokhögö waʼauri si lö aetu si lö abula dödö
Nehegö nifabuʼu Zura Niʼamoniʼö andre. Hadia mbuʼusa li sabölö adöni dödöu? Hadia mbörö?
Baso ayati nisura ba daʼa, ba beʼe wanema li ba wanofu-nofu andre:
-
Hadia terara dödöu me no öbaso ayati daʼö? Moloʼö yaʼugö, hadia terara dödö nösi nomou hegöi si fahuwu khöu ba ayati daʼö?
Khalaigö na simane daʼa zalua ba gulidanö:
|
LÖ HADÖI DANIA . . . |
DOZI NIHA . . . |
|---|---|
|
|
|
|
|
|
|
|
|
|
5. Tobali fanolo khöda iadaʼa dötönafö nifabuʼu Zura Niʼamoniʼö
Ato niha zafatö tödö mazui sofönu ba ginötö alua gabula dödö ba zi fasuira. So zamorege enaʼö itugu sökhi zalua. Datafaigi zi no irai alua sangoromaʼö wa so gunania khöda iadaʼa mbuʼusa li Zura Niʼamoniʼö sanandrösa ba zi so miföna. Futa VIDEO, ba beʼe wanema li ba wanofu-nofu daʼa:
-
Ba video daʼa, hadia walöʼatulö salua khö Rafika?
-
Hewaʼae na lö irai taya walöʼatulö andrö, hewisa Zura Niʼamoniʼö ba wanolo Rafika?
Na tafaduhusi tödö mbuʼusa li Zura Niʼamoniʼö sanandrösa ba zi so miföna, tola talawa waʼafatö dödö ba taʼokhögö waʼomuso dödö hewaʼae alua khöda gabula dödö. Baso Gamaedola 17:22 hegöi Roma 12:12, ba beʼe wanema li ba wanofu-nofu daʼa:
-
Moloʼö yaʼugö, hadia so gunania khöu iadaʼa mbuʼusa li Zura Niʼamoniʼö sanandrösa ba zi so miföna? Hadia mbörö?
SO ZANGUMAʼÖ: ”Lö ikhamö fangera-ngerada nifabuʼu Zura Niʼamoniʼö. Hewisa wa tola tasöndra waʼauri si sökhi simane daʼö?”
-
Moloʼö yaʼugö, hadia mbörö wa moguna taʼalui dandra sangoromaʼö wa tola tafaduhusi tödö zi no ifabuʼu Sura Niʼamoniʼö?
RAHU-RAHU WAMAHAʼÖ
Ba Zura Niʼamoniʼö, oya sibai mbuʼusa li si sökhi sanandrösa ba zi so miföna. Buʼusa li daʼö zameʼe khöda fanötöna irege tola tataögö ngawalö gabula dödö salua.
Hadia Wamahaʼö si Tola Öhalö?
-
Hana wa moguna laʼila niha mbuʼusa li Lowalangi?
-
Hadia nifabuʼu Zura Niʼamoniʼö sanandrösa ba zi so miföna?
-
Hadia mbuania khöu iadaʼa na öfaduhusi tödö mbuʼusa li Zura Niʼamoniʼö sanandrösa ba zi so miföna?
ALUI NASA DANÖ BÖʼÖ
Hewisa dötönafö andrö möi fanolou ba ginötö alua khöu gabula dödö?
”Tötönafö—Hadia Sindruhu-ndruhu So Mbuania?” (Sedarlah! 22 Mbaŵa si Öfa 2004)
Hewisa dötönafö sanandrösa ba zi so miföna möi fanolo niha sanaögö fökhö si lö iʼila döhö?
”Manaögö Fökhö Sabölö-bölö—Hadia Tola Itolo Ndraʼugö Sura Niʼamoniʼö?” (Artikel web)
Na öfaigi video musik andre, khalaigö wa so ndraʼugö hegöi ösi nomou ba Waradaiso si no ifabuʼu Sura Niʼamoniʼö.
Baso waö-waö waʼauri zi samösa ira matua si no irai tobali aktivis. Hewisa wa tola tebulö waʼaurinia me no aboto ba dödönia nifabuʼu Zura Niʼamoniʼö?
”Lö Saʼae Uforege Wamulöʼö Salua ba Gulidanö” (Menara Pengawal, 1 Mbaŵa si Fitu 2013)
Te Göi Adöni Dödöu
SASESE LASOFU NIHA
Hewisa Wamahaʼö Zura Niʼamoniʼö Nifaʼema Ndra Samaduhuʼö Yehowa?
Lö muʼandrö gefe ba program daʼa. Tola öʼogunaʼö gofu hadia manö wamoʼeluaha Zura Niʼamoniʼö somasiʼö. Tola göi ökaoni nawöu mazui ösi nomou ba wefao khöu.
