Lala Enaʼö Oya Mbua Nitemau moroi ba Wamahaʼö ba Zura Niʼamoniʼö Andre
Fahaʼö ndraʼugö khö ndra Samaduhuʼö Yehowa: Tola öʼandrö ba niha sameʼe khöu brosur daʼa enaʼö ifahaʼö ndraʼugö ba Zura Niʼamoniʼö, mazui faʼoheʼö zuramö ba situs web khöma, jw.org/nia.
FAOSATÖ SIFÖFÖNA
Baso ero sambua ngenoli, farahu ba daʼö wanofu (A) hegöi ayati (B) si no muʼaitöni sangabakhaiʼö tuho siföföna. Na so ayati niwaʼönia ”baso”, eluahania mibaso ayati daʼö na mifalua wamahaʼö.
FAOSATÖ SI DUA
Ngawua wehede si so ba (C) duho Odödögö Nasa Wangalui, daʼö zangombakha khöda hadia nasa nitutunöda. Tuho side-ide (D) daʼö zangabakhaiʼö khöda hadia duho siföföna. Baso fefu ayatinia, beʼe wanema li ba wanofu, ba faigi videonia (E).
Nehegö gambara maʼafefu hegöi nisura ba gambara andrö (F), ba angeragö hewisa enaʼö tola öbeʼe wanema li ba duho So Zangumaʼö (G).
FAOSATÖ SAFURIA
Rahu-Rahu Wamahaʼö hegöi Hadia Wamahaʼö si Tola Öhalö? (H) daʼö zi tobali fangasiwai ba wamahaʼö. Sura hamega awai mitutunö wamahaʼö andrö. Ba duho Tandraigö Falua Daʼa (I) itutunö hadia manö zi tola öfalua enaʼö monönö waʼaboto ba dödöu ba öfalua zi no öfahaʼö yaʼugö. Ba duho Alui Nasa Danö Böʼö (J) so gonönöta si tola öbaso mazui si tola öfaigi.
Lala wanöndra ayati Zura Niʼamoniʼö
Simane daʼa na so ayati sinangea mubaso: Töi mbuku (A), faza (B), hegöi ayati (C). Duma-dumania, Yohane 17:3 eluahania buku Yohane, faza 17, ayati 3.
Te Göi Adöni Dödöu
SASESE LASOFU NIHA
Hewisa Wamahaʼö Zura Niʼamoniʼö Nifaʼema Ndra Samaduhuʼö Yehowa?
Lö muʼandrö gefe ba program daʼa. Tola öʼogunaʼö gofu hadia manö wamoʼeluaha Zura Niʼamoniʼö somasiʼö. Tola göi ökaoni nawöu mazui ösi nomou ba wefao khöu.
