Ba faosatö daʼa, ifatunö khöda duho nidunö-dunö ba Mbuku Yunani Niha Keriso. Tumbu Yesu ba nösi nomo niha si toʼölö manö si toröi ba mbanua side-ide. Fao ia wohalöwö khö bapania, tuka geu. Yesu nifili Yehowa ba wangefaʼö niha ba tobali ia Razo ba Wamatörö zorugo. Na so khöu ndraono, tolo ia enaʼö aboto ba dödönia wa Yehowa zotatugöi enaʼö teʼebuaʼö Yesu ba nomo niha si sökhi amuata ba niha si lö faröi khönia. Fatunö hewisa Yehowa ba wolumöʼö Yesu enaʼö lö ibunu ia Herode ba hadia mbörö wa lö hadöi si tola manaisi ohitö dödö Yehowa. Fatunö wa Yehowa zamatenge Yohane ba wangehenaigö lala khö Yesu. Abakhaiʼö wanutunö wa iʼotarai ba waʼide-ide omasi Yesu waʼatua-tua moroi khö Yehowa.