FAMAHAʼÖ 4
Moroi ba Wönu Tobali Famunu
Me no laröi Kabu Edena ira Adamo ba Khawa, oya khöra ndraono. Ono siaʼa, Kaʼino. Tobali ia sohalöwö ba danö. Ono numero dua, Habeli. Tobali ia kubalo.
Samuza inötö, ibeʼe Kaʼino zumange khö Yehowa simanö göi Habeli. Öʼila hadia zumange andrö? Daʼö mbuala nibeʼe khö Lowalangi. Omasi Yehowa zumange nibeʼe Habeli, hizaʼi lö omasi ia zumange nibeʼe Gaʼino. Börö daʼö, mofönu sibai Gaʼino. Ifangelama ia Yehowa wa tola ifalua zi lö sökhi na lö ibato wofönu. Hizaʼi lö ifondrondrongo Kaʼino.
Imane Kaʼino khö Habeli, ’Aine, möi ita ba kabu.’ Me ha darua ira ba daʼö, ibözi nakhinia Kaʼino irege mate. Hadia nifalua Yehowa? Ihuku Gaʼino Yehowa, ifofanö ia ba nahia saröu moroi ba nösi nomonia ba lö itehegö khönia Yehowa wangawuli.
Hadia wamahaʼönia khöda? Te mofönu ita na lö alua zi no taʼera-era. Na mofönu ita, mazui na so zoʼamenesi yaʼita ba wönu andrö, moguna alio-lio taʼalösi fatua lö alua zabölö-bölö.
Börö me omasi Habeli khö Yehowa ba ifalua zatulö, andrö lö iʼolifugö ia Yehowa. Ba ginötö ibaliʼö faradaiso gulidanö andre Lowalangi, hasambalö ifuli iʼorifi Habeli.
”Alui dalifusömö andrö, ba atulöʼö ua ndraʼugö khönia. Aefa daʼö, fuliʼö ba wameʼe sumange nibeʼeu.”—Mataiʼo 5:24
Te Göi Adöni Dödöu
MI’OHIA’Ö WAMATIRA
Habeli—”Mohede Ia Na, Hewa’ae No Mate Ia”
Hadia wamaha’ö si tola tahalö moroi khö Habeli hegöi famatinia, hewa’ae lö oya nidunö-dunö Zura Ni’amoni’ö sanandrösa khönia?
