FAZA FELEZIWA
Ya’ia Zolumö’ö, Ya’ia Zanga’asogö, Lö Awuwu Ia
1, 2. (a) Hadia zalua si fabö’ö ba wa’auri Yosefo hegöi ba nösi nomonia? (b) Hadia duria si lö baga si lö tola lö ifa’ema Yosefo khö Maria?
IBE’E ba hulu galide noro safuria Yosefo. Khalaigö me ifakhölö ia wamaigi Betilekhema si no ogömi, aefa da’ö ida’i-da’i wamözi hulu galide sabölö ba side-ide andrö ena’ö mofanö. Tatu i’angeraigö wa’aröu nitöröra miföna. Miserai! Lö si fa’ila khöra, fabö’ö lira hegöi si to’ölö lafalua—hewisa zi sambua omo andre tola lafaogö ira ba ngawalö zalua?
2 Abua khö Yosefo wanutunö turia si lö baga andre khö Maria, fo’omo ni’omasi’önia, hiza’i i’aro’ö dödönia. Ifatunö khö Maria wa no mangifi ia, samösa mala’ika zama’ema oroisa da’a moroi khö Lowalangi: Edöna Razo Herode wamunu onora! Andrö la’aliokö wofanö. (Baso Matai’o 2:13, 14.) Ata’u sibai Maria. Hewisa wa so zedöna mamunu ononia si lö fa’abölö ba si lö sala? Lö aboto ba dödö Yosefo faoma Maria. Hiza’i, börö me faduhu dödöra khö Yehowa, andrö lafa’anö ira.
3. Tutunö hewisa wofanö Yosefo faoma Maria moroi ba Mbetilekhema. (Faigi göi gambara.)
3 No mörö niha Mbetilekhema me mofanö Yosefo, Maria hegöi Yesu moroi ba mbanua andrö ba zi talu mbongi. Sagötö fofanöra miraya ibörögö oroma haga luo moroi ba gatumbukha, tatu manö ikhala-khalaigö Yosefo hadia zalua. Hewisa wa tola ilumö’ö nösi nomonia tuka geu moroi khö razo sebua kuaso? Hadia tola i’asogö zoguna khöra? Hadia sagu khönia wamalua halöwö sabua andre moroi khö Lowalangi Yehowa ba wondrorogö ono si fabö’ö moroi ba ndraono tanö bö’ö? Oya wanandraigö nitaögö Yosefo. Na tafaigi hewisa wolawania ero sambua fanandraigö, ba da’ö ta’ila hewisa zatua iada’a hegöi ya’ita fefu—wolo’öda famati Yosefo.
Ilumö’ö Nösi Nomonia Yosefo
4, 5. (a) Hewisa wa no aröu fabö’ö wa’auri Yosefo? (b) Hewisa zi samösa mala’ika wanga’aro’ö tödö Yosefo ena’ö itema halöwö sabua?
4 Töra döfi silalö, ba mbanua si tumbu ya’ia sotöi Nazareta, * Tohare samösa mala’ika wangombakha khönia ba wangifi wa manabina Maria andrö börö geheha Yehowa. Inönö nasa wangombakha wa ono si so ba dalu Maria ’ya’ia zangefa’ö banua Lowalangi moroi ba horöra’. Ibe’e göi wa’ahono dödö khö Yosefo, ”Böi ata’ufi wangai Maria andrö, nihamö.”—Mat. 1:18-21.
fabö’ö sibai wa’auri Yosefo me no famatua ia khö nono Heli. I’ila Yosefo wa Maria andrö ono alawe samati ba si sökhi amuata. Hiza’i, ba zi lö arara no manabina Maria! Tumbu ba dödönia wondröi Maria, ilau zi lö hede-hede faböi aila ia.5 Börö me ira matua satulö tödö Yosefo, andrö wa i’o’ö. Itema halöwö sabua andrö soroi ba dödö ba wangebua hegöi ba wondrorogö ono si tenga ononia samösa, hiza’i sebua böli khö Lowalangi. Ba gafuriata, börö fareta kaizaro, i’ohe wo’omonia Yosefo ba Mbetilekhema ba wamasura’ö töira. Ba da’ö tumbu nono andrö.
6-8. (a) Hadia zalua samabö’öni fa’auri Yosefo awö nösi nomonia? (b) Hadia dandra wa moroi khö Zatana ”ndröfi” da’ö? (Faigi nisura ba gahe zura.)
6 Lö ifuli i’ohe nösi nomonia Yosefo ba Nazareta, hiza’i toröi ira ba Mbetilekhema, mato hauga kilometer moroi ba Yeruzalema. Tosasa ira, hewa’ae simanö iforege wohalöwö Yosefo ena’ö tebönökhi zoguna khö Maria hegöi Yesu. Lö ara aefa da’ö, toröi ira ba nomo side-ide. Me no ebua-bua Yesu—te töra döfi wa’ebuania—izumaigö fabö’ö zui wa’aurira.
7 Tohare ndra matua ya’ia da’ö sanahö döfi moroi ba Gatumbukha, te moroi ba Mbabilona saröu. Wa ofeta ira ba nomo Yosefo andrö, börö me lago’ö-go’ö ”ndröfi” ba la’alui nono si tobali razo niha Yahudi. Sökhi sibai gamuatara.
8 He na la’ila he na lö’ö, ya’ira sanahö döfi andrö mbörö wa te’ala wa’auri Yesu. ”Döfi” ni’ilara andrö tenga ba Mbetilekhema idönisi ira hiza’i ba Yeruzalema. * Ba da’ö, la’ombakha’ö khö Razo Herode samu’i wa la’alu-alui nono si tobali razo niha Yahudi. Da’a mbörö wa hulö zakhozi dödö Herode.
9-11. (a) Hadia nifalua wondrege zabölö si tebai ifalua Satana mazui Herode? (b) Hewisa zindruhunia wanörö lala numalö ba Miserai fabö’ö ira nitutunö ba hikaya apokrifa?
9 Ta’andrö saohagölö me so zabölö moroi khö Zatana mazui Herode. Hewisa? Me tohare zanahö döfi andrö ba nomo Yesu ba la’ila ia faoma inania, mamuala ira ba lö la’andrö zulö. Lö Matai’o 2:1-12.
ladöna-döna ira Yosefo ba Maria wa so khöra ’gana’a, kumöyö ba emuri’—gama-gama sebua böli! Ohitö dödö zanahö döfi andre ba wangombakha khö Razo Herode hezo so nono da’ö. Hiza’i, i’oroma’ö wa’abölönia Yehowa. Ba wangifi, iwa’ö khö ndra sanahö döfi andrö ena’ö latörö lala bö’ö ba wangawuli.—Baso10 Lö ara me no mofanö ndra sanahö döfi andrö, itema Yosefo wamangelama moroi khö mala’ika Yehowa, ”Faoso, ohe nono, awö ninania, ba oloi ba danö Miserai ba ba da’ö iagö, irege muhededo khöu; i’alui sa dania nono Herode, ba wamakiko ya’ia.” (Mat. 2:13) Simane si no mututunö ba wamobörö, lö itaha-taha wamalua da’ö Yosefo. I’ofönai’ö wangorifi ononia hegöi ösi nomonia, i’ohe ba danö Miserai. Buala sebua böli nibe’e ndra sanahö döfi andrö, da’ö mböli zoguna khöra sagötö fa’atoröira ba danö wekoli.
Alio Yosefo na so zalua ba itehegö marase ia ba wolumö’ö ononia
11 Hikaya hegöi legenda apokrifa, ba gafuriata lanönö waö-waö wofanö ba danö Miserai andrö lamane wa no i’adogo-dogoi’ö lala Yesu si fao tandra sahöli-höli dödö, ikalaisi zondrabu, ba ifaöndrö döla kurma ena’ö tola iteu mbua inania. * Sindruhuniasa, wa’aröu lala nitörö, marase, ba si lö tatu.
Itehegö marase ia Yosefo börö wolumö’ö ösi nomonia
12. Hadia wamaha’ö nibe’e Yosefo khö zatua ba wangebua iraono ba gulidanö safönu fa’alösökhi iada’a?
12 Oya wamaha’ö si tola lahalö ira satua moroi khö Yosefo. I’anemai iröi halöwönia ba itehegö marase ia börö wolumö’ö ösi nomonia moroi ba de’ala. Ba da’a ta’ila wa famaiginia ösi nomonia no sambua halöwö si sökhi moroi khö Yehowa. Simanö göi zatua iada’a, la’ebua’ö ndraonora ba gulidanö safönu fa’alösökhi, sondrönisi tödö ba wa’elungu, samakiko fa’auri zi bohou ebua. Sinangea tasuno zatua so’ame’egö tödö ba sangai angetula simane Yosefo. Laforege wolumö’ö iraonora!
Ibönökhi Zoguna ba Nösi Nomonia Yosefo
13, 14. Hewisa wa tola toröi Yosefo faoma Maria ba Nazareta ba wangebua iraonora?
13 Te ha sabata toröi ira ba danö Miserai, börö me lö ara aefa da’ö, i’ombakha’ö khö Yosefo mala’ika wa no mate Herode. Ifuli i’ohe nösi nomonia Yosefo ba mbanuara. Tefaudu da’a ba zi Mat. 2:15) Fao Yosefo wamalua da’a, hiza’i hezo i’ohe nösi nomonia iada’a?
no ara tefa’ele’ö wa ikaoni Nononia Yehowa ”moroi ba danö Miserai”. (14 Ihaogö wamatimbaisi Yosefo. Mangelama ia khö Garikhela’o, fogati Herode niha si lö sökhi ba si manga niha. Börö wanuturu lala moroi khö Lowalangi, mofanö Yosefo hegöi ösi nomonia numalö ba gaekhula, fandrö-ndröu moroi ba Yeruzalema hewa’ae so duria fameta’u, mangawuli ira ba mbanuara sotöi Nazareta ba Galilaia. Ba da’ö, falulu fohalöwö ira Maria ba wangebua iraonora.—Baso Matai’o 2:19-23.
15, 16. Hadia halöwö Yosefo ba hadia fakake ni’oguna’önia?
15 Öna-öna sibai wa’aurira ba tenga lö fangodödögö. Sura Ni’amoni’ö zangombakha wa Yosefo andrö tuka geu, eluaha wehede da’a sindruhunia molobö eu, monoro, ba itaba ena’ö tobali döla-döla nomo, tundraha, soroso side-ide, goroba, gaolo-gaolo, hea-hea, ba ngawalö fakake ni’oguna’ö wohalöwö ba danö. (Mat. 13:55) Halöwö sabua da’a. Ba götö Zura Ni’amoni’ö, asese mohalöwö tuka geu föna nomo mazui ba zinga nomonia.
16 Oya fakake ni’oguna’ö Yosefo; te so ösa fakake niröi namania. Tola manö i’oguna’ö siku, buah lot, tali fanandra, fato side-ide, garagazi, to’ia, fanoko si’öli, fanoko eu, fahö, fanöla’ö geu, oya ngawalö wamakitö, osö-osö, hewa’ae ebua mbölinia.
17, 18. (a) Hadia wamaha’ö nihalö Yesu moroi khö namania sangebua’ö ya’ia? (b) Hadia mbörö wa iforege wohalöwö Yosefo?
17 Khalaigö Yesu me ide-ide ia, ifaigi-faigi na mohalöwö namania sangebua ya’ia. Ihaogö wanöngöni hadia nifalua namania; tatu manö ahöli-höli dödönia ba wa’abölö hegöi fa’ebolo galisi namania, tangania si no fandroli-ndroli, nekhe-nekhe danga, ba fa’atua-tua soroma moroi ba nono hörönia. Tola manö, ibörögö ifomaha nononia side-ide andre Yosefo, simane ba wo’alösöi’ö eu i’oguna’ö guli gi’a si no oköli. Ifomaha ia göi ba ngawalö döi-töi geu ni’oguna’ö—duma-dumania, eu gatua, eu ek, mazui eu zaitun.
Ifomaha nononia Yosefo tobali tuka geu
Mat. 13:55, 56) Iforege wohalöwö Yosefo ba wombönökhi soguna khöra fefu.
18 Aboto göi ba dödö Yesu wa tanga sabölö si to’ölö molobö, manila eu, manoko, da’ö danga sangomasi’ö ya’ia, inania hegöi ira akhinia. Atulö, itugu monönö wa’ato nösi nomo Yosefo faoma Maria si lö’ö-lö’önia so khöra daönö tö ndraono baero Yesu. (Aboto ba dödö Yosefo wa abölö moguna mbalazo wamati ba nösi nomonia
19. Hewisa Yosefo wombönökhi soguna ba wamati nösi nomonia?
19 Hiza’i, aboto ba dödö Yosefo wa abölö moguna mbalazo wamati ba nösi nomonia. Andrö, ibe’e ginötönia ba wamaha’ö iraononia sanandrösa khö Lowalangi Yehowa hegöi ngawalö goroisania. La’ohe ndraonora ba sinagoga sahatö ba da’ö, nahia wombaso hegöi famotokhi Oroisa. Aefa da’ö, te oya wanofu-nofu Yesu ba i’odödögö wame’e fanema li Yosefo. I’ohe göi nösi nomonia Yosefo ba Yeruzalema ba gowasa agama. Ba gowasa Fasa si ero röfi, te la’oguna’ö ginötö dua migu ba lala numalö ba Yeruzalema, fa’aröunia kira-kira 120 kilometer, aefa da’ö mangawuli ira.
Lö aetu-aetu i’ohe nösi nomonia Yosefo ba wamosumange Lowalangi ba gosali Yeruzalema
20. Hewisa wo’omo ira matua Samaduhu’ö Yehowa wolo’öra duma-duma Yosefo?
20 Lafalua göi zimane da’ö iada’a ira matua Samaduhu’ö Yehowa si no tobali högö ba nomo. Latehegö marase ira börö ndraonora, la’ofönai’ö wamaha’ö ba wa’alowalangi moroi ba wangalui okhöta. La’odödögö wamalua famaha’ö ba nomo ba la’ohe ndraonora ba gangowuloa sebua hegöi side-ide. Simane Yosefo, aboto ba dödöra wa da’ö harato sabölö sökhi si tola lafalua ba ndraonora.
”Tobali Dödöra”
21. Hewisa ginötö wangowasaini Fasa ba nösi nomo Yosefo, ba hamega la’ila ira Yosefo faoma Maria wa lö hadöi Yesu?
21 Me no irugi 12 fakhe ndröfi Yesu, simane si to’ölö i’ohe fefu nösi nomonia Yosefo ba Yeruzalema ba wangowasaini Fasa. Fao ira wofanö ba nösi nomo sato, latörö mbanua si sökhi famaigi ba musim semi. Me inötö lasösö hili si lö niha-niha sahatö ba Yeruzalema, ato zo’anunöisi sinunö si no tehöngö ba wanösö hili. (Zin. 120-134) Ngaotu ribu niha si tohare ba mbanua andrö. Me no awai gowasa andrö, oi zara mangawuli fefu niha. Börö me oya zinangea lafa’anö ira Yosefo hegöi Maria, lawalingagö no fao Yesu ba nawöra sato. Me no irugi ma’ökhö fofanö moroi ba Yeruzalema, awena taraso khöra ba abu dödöra börö me lö hadöi Yesu!—Luk. 2:41-44.
22, 23. Hadia nifalua Yosefo faoma Maria me la’ila lö hadöi Yesu, ba hadia niwa’ö Maria me falukha ira?
22 Fao fa’ata’u, lafuli latörö fefu mbanua si no latörö mege, irege ofeta ira zui ba Yeruzalema. Khalaigö mbanua nitöröra andrö me lö niha-niha ba mu’ao-ao ira khö nonora andrö. Hezo so nono andrö? Me no irugi tölu ngaluo la’alui, te iwalinga no kala ia Yosefo ba wamalua halöwö sebua nibe’e Yehowa khönia. Ba gafuriata, möi ira ba gosali Lowalangi. Me no la’alui ba da’ö, falukha ira zagalawa sekola, sonekhe ba Goroisa, no owulo ira ba zi sambua nahia ba no mudadao Yesu si bohou ebua ba Luk. 2:45, 46.
gotaluara! Khalaigö hawa’omuso dödö Yosefo ba Maria!—23 Ifondro-ndrongo Yesu niwa’ö ndra niha da’ö ba oya nisofu-sofunia. Ahöli-höli dödöra wa’aboto ba dödö ba fanema li nono da’ö, irege tokea dödö Yosefo hegöi Maria. Molo’ö si no tesura, lö hede-hede Yosefo. Hiza’i, moroi ba wehede Maria oroma hewisa dödöra ma’adarua, ”He onogu! Hana wa ömanö khöma? Faigi, no abu dödöma amau, wangalui ya’ugö.”—Luk. 2:47, 48.
24. Hewisa Zura Ni’amoni’ö wanutunö fa’atobali satua?
24 Ha ba zi hauga ngawua fehede, Taromali Lowalangi zangoroma’ö hewisa zindruhunia na no tobali satua. Tola möi fangabu
dödö—hewa’ae mo’ahonoa ndraonora! Ba wangebua iraono ba gulidanö soya te’ala iada’a, tola ’tobali dödö’ zatua, hewa’ae simanö terara dödöra börö me ifaduhu’ö Sura Ni’amoni’ö gabula dödö nitaögöra andrö.25, 26. Hewisa Yesu wotema li zatuania, ba hewisa dödö Yosefo ba wehede nononia andrö?
25 Omasi Yesu na toröi ia ba nahia si tola mangahatö’ö ya’ia khö Namania Yehowa, ba i’odödögö wananö ba dödönia famaha’ö. Börö da’ö, itema li zatuania imane, ”Hadia wa mi’alui ndra’o? Hadia, lö mi’ila, wa lö tola lö sodo ba nahia Namagu?”—Luk. 2:49.
26 Tatu i’angera-ngeraigö wehede da’ö Yosefo, tola manö si fao fa’omuso dödö. Barö da’a, no i’odödögö wamaha’ö ononia ena’ö simane da’ö dödönia khö Lowalangi Yehowa. Ba wa’awuyunia simane da’ö, no aboto ba dödö Yesu hewisa ”nama” si sökhi sebua fa’omasi börö wa’asökhi gotaluara Yosefo.
27. Hana wa sambua töi si sökhi na tobali ama ndra’ugö, ba hana wa moguna ötörö tödöu duma-duma Yosefo?
27 Na samösa ama ndra’ugö, hadia aboto ba dödöu halöwö si sökhi ba wanolo iraonou ena’ö la’ila hewisa zatua sebua fa’omasi ba solumö’ö ya’ira? Simanö göi na so nonou tiri mazui ono nisou, törö tödöu duma-duma Yosefo—ame’egö tödö ndraonou ba öfaudugö wanguma’ö khöra molo’ö amuatara. Tolo ira ena’ö ahatö khö Namara si so ba zorugo, Lowalangi Yehowa.—Baso Efeso 6:4.
Lö Awuwu Yosefo
28, 29. (a) Hadia zoroma sanandrösa khö Yosefo si tesura ba Luka 2:51, 52? (b) Hadia wo’ömö Yosefo ba wanolo ononia ena’ö isöndra wa’atua-tua?
28 Aefa da’ö, ha ma’ifu nifatunö Zura Ni’amoni’ö sanandrösa ba wa’auri Yosefo, hiza’i moguna ta’osisi’ö. Tabaso wa Yesu ’i’o’ö li’ ndra amania ba inania. Baero Luka 2:51, 52.) Moroi ba wehede da’ö, hadia ni’ilada sanandrösa khö Yosefo? So hauga ngawalö. Sökhi wondrönia’ö Yosefo ösi nomonia irege ononia so’ahonoa manö ifosumange namania ba molo’ö ia.
da’ö, ”Ba tedou khö Yesu wa’atua-tua ba fa’ebua ba fa’ebua dödö Lowalangi, awö wa’ebua dödö niha.” (Baso29 Imane ba ayati da’ö wa itugu tedou wa’atua-tua Yesu. Tatu manö fao Yosefo ba wamalua da’a. Me luo da’ö, so gamaedola niha Yahudi si tola tasöndra ba tabaso iada’a. Imane ba gamaedola da’ö, ha niha sohahau tödö zanöndra fa’atua-tua, hiza’i na sohalöwö ba danö, tuka geu, ba samöbözi si’öli ”tebai fahuhuo ira sanandrösa ba wa’atulö ba fa’atua-tua; ba lö hadöi ya’ira ba nahia wa’orahu”. Hiza’i, iforoma’ö Yesu wa fasala gamaedola da’ö. Me ide-ide ia, asese irongo mamaha’ö namania sangebua ya’ia sanandrösa ba ”wa’atulö ba fa’atua-tua” Yehowa, hewa’ae ha tuka geu si öna-öna Yosefo andrö! Lö aombö dödöda, oya ginötönia wamalua da’ö.
30. Hewisa Yosefo wame’e duma-duma khö ndra matua si no tobali högö yomo ba nomo ba ginötö andre?
30 Ta’ila göi wa mo’ömö Yosefo ba wangebua Yesu. Börö me muhaogö-haogö wondrorogö ya’ia, ebua Yesu tobali ono matua sabölö ba si lö fökhö-fökhö. Baero da’ö, ifaha’ö nononia Yosefo ena’ö so nekhe-nekhe dangania. Aboto ba dödö niha wa Yesu andrö ’tuka geu’, tenga ha ono tuka geu. (Mrk. 6:3) Mofozu wamaha’ö nibe’e Yosefo. Ena’ö la’o’ö duma-duma Yosefo andre ira matua si tobali högö yomo ba nomo, lahaogö wondrorogö iraono ba lafaha’ö ena’ö tola la’alui lala wa’aurira samösa.
31. (a) Molo’ö tandra ni’ilada, hamega mate Yosefo? (Faigi göi kotak.) (b) Hadia duma-duma niröi Yosefo sinangea ta’o’ö?
31 Na tabaso Zura Ni’amoni’ö me tebayagö idanö Yesu me 30 fakhe ndröfinia, lö mutöi-töi Yosefo sa’ae. Tandra wa no tobali lakha mbanua Maria me ibörögö halöwönia Yesu. (Faigi kotak ” Hamega Mate Yosefo?”) Hiza’i, aboto ba dödöda duma-duma niröi Yosefo—ama solumö’ö ösi nomonia, sanga’asogö soguna khöra, ba anau gölönia irugi gamozua. Ero samösa ama, samösa högö ba nomo, ba ero samösa niha Keriso, ena’ö la’ohia’ö wamati Yosefo.
^ par. 4 Me luo da’ö, si no famatua arakhagö fagölö ira zi no mangowalu.
^ par. 8 ”Döfi” da’a tenga döfi si to’ölö manö si so ba dalu mbanua; tenga göi moroi khö Lowalangi. Ba da’a ta’ila wa i’oguna’ö Satana wa’abölö dalu mbanua si tobali delania ba wamunu Yesu.
^ par. 11 Ifatunö Sura Ni’amoni’ö wa awena ifalua dandra sahöli-höli dödö si oföna Yesu me no aefa tebayagö ia idanö.—Yoh. 2:1-11.