FAZA LIMA
”Ira Alawe si Sökhi Bua-Bua”
1, 2. (a) Hadia halöwö nifalua Ruti? (b) Hadia wamaha’ö ni’ila Ruti moroi ba Goroisa Lowalangi hegöi ba nono mbanuania?
IBALÖDUHINI tou danö Ruti ba zinga barli si no i’owuloi ma’ökhö da’ö. Arakhagö bongi, ba ato zohalöwö ba danö ba Mbetilekhema si no erege tödö, mangawuli ira numalö ba mbawa göli ba mbanua side-ide si so ba dete hili. Tatu no erege dödö Ruti wohalöwö i’otarai sihulö wongi. Hiza’i, lö ibato wamaligoi si’onia side-ide ba wangeheta bua barli. Hewa’ae abua halöwönia, omuso dödönia ba zi ma’ökhö da’ö.
2 Hadia no terara dödö lakha mbanua andre? Simane ni’ilada ba faza si no tatalu’i, no ihalö gangetula ba wolo’ö Na’emi, inania matuania, ba no ifabu’u wa lö iröi ia ba ibali’ö Lowalanginia Yehowa, Lowalangi nifosumange Na’emi. Ira alawe si darua andre si no göna fangabu dödö, faoma la’otarai Moabi numalö ba Mbetilekhema. Lö ara, aboto ba dödö Ruti, ira alawe Moabi andrö wa so gamakhoita si tefaudu ba Goroisa Yehowa ba niha si numana ba mbanua Gizara’eli hegöi ba niha si fatewu. Iada’a, terara dödönia me i’ila samösa so zamalua fa’omasi ba gotalua nono mbanua Yehowa satulö tödö si no tefaha’ö ba Goroisa.
3, 4. (a) Hewisa Mboasi wamarou tödö Ruti? (b) Hewisa duma-duma Ruti möi fanoloda ba mbaŵa wa’atosasa ba ginötö andre?
3 Samösa ba gotaluara ya’ia da’ö Boasi, niha si kayo salawa döfi, sokhö kabu nahia Ruti wangozaragö si toröi mbasitö. No iforoma’ö Boasi ma’ökhö andre wa’omasi khö Ruti si no amaedola nama. Iboho mbawa Ruti me itörö tödönia wehede Mboasi sanuno ya’ia me no irorogö Na’emi, ba me ifili zawatönia barö gafi Lowalangi sindruhu sotöi Yehowa.—Baso Ruti 2:11-14.
4 Hiza’i, te manofu-nofu dödö Ruti hewisa wa’aurinia ba zi so föna. Börö me niha si fatewu ia, lö fo’omo mazui ono, hewisa wa tola i’asogö zoguna khönia hegöi khö Na’emi ba zi so
föna? Hadia obönö na ha mangozaragö si toröi mbasitö? Ba, haniha zondrorogö ya’ia na no atua ia dania? Lö fasala na i’abusi tödö da’ö. Ba wa’atosasa ba ginötö andre, ato zabu tödö. Oya zi tola ta’o’ö khö Ruti ba tafaha’ö ita hewisa wamatinia möi fanolonia ba wanaögö abula dödö andrö.Hewisa Wa Mufotöi Sambua Ngambatö?
5, 6. (a) Hadia manö nisöndra Ruti ba ngaluo si oföna me i’ozaragö zi toröi mbasitö ba kabu Mboasi? (b) Hewisa dödö Na’emi me i’ila Ruti?
5 Me no awai iböbörö ba i’ozaragö ngalai barli andrö Ruti, isöndra sambua takaran efa mazui 22 liter barli, fa’abuania te fagölö ira zi 14 kilogram! Aefa da’ö ibukusi faoma lembe ba i’onoro, itörö tanö ofeta ba Mbetilekhema arakhagö bongi.—Rut. 2:17.
6 Omuso dödö Na’emi me mangawuli numönö ni’omasi’önia. Tokea ia me oya barli ni’ohe Ruti. I’ohe nasa gö si töra nibe’e Mboasi khö ndra sohalöwö, aefa da’ö la’a hewa’ae no öna-öna. Manofu Na’emi, ”Heza mangozaragö lai ndra’ugö ma’ökhö, heza mohalöwö’ö? Ya’ahowu zanolo ya’ugö!” (Rut. 2:19) Anehe sibai Na’emi; i’ila wa oya gö ni’ohe Ruti, da’ö dandra wa so zo’ame’egö tödö lakha mbanua si bohou andre ba so zi sökhi amuata khönia.
7, 8. (a) Molo’ö Na’emi, hezo moroi wa’asökhi dödö Mboasi andrö, ba hadia mbörö? (b) Hewisa Ruti wangoroma’ö fa’omasi si lö faröi khö ninania matuania?
7 Fahuo-huo ira ba ifatunö khönia Ruti wa’asökhi dödö Mboasi. Asöndru dödö Na’emi ba imane, ”Yamufahowu’ö ia Yehowa, me lö nibödania fa’ahakhö dödönia, he ba zauri andre ba he ba zi no mate andrö.” (Rut. 2:20) Molo’ö Na’emi, moroi khö Yehowa wa’asökhi dödö Mboasi andrö. Ya’ia zamarou ono mbanuania ena’ö oböwö ba ifabu’u howu-howu ba niha si sökhi tödö. *—Baso Gamaedola 19:17.
8 Iforege Na’emi wanguma’ö khö Ruti ena’ö itema mbuala Mboasi ba wangozaragö si toröi mbasitö ba kabunia, ba ena’ö ahatö ia ba ngai nono alawe sohalöwö khö Mboasi, ena’ö lö lagadu ia ira sohalöwö. Fao dödö Ruti ba mene-mene da’ö. ’Khö ninania matuania sa’ae i’iagö.’ (Rut. 2:22, 23) Sakalitö moroi ba wehede da’a ta’ila gamuata si sökhi khö Ruti ya’ia da’ö fa’omasi si lö faröi. Duma-dumania andre zamarou tödöda wo’angeraigö hadia ta’osinangegö wa’afatalifusöta, lö faröi ita ba niha ni’omasi’öda, ba tatolo ira na moguna. Lö olifu Yehowa wa’omasi simane da’ö.
Duma-duma Ruti ba Na’emi zamasugi ba dödöda wangandrö saohagölö ba nösi nomo ni’okhögöda
9. Hadia wamaha’ö si tola tahalö moroi khö Ruti ba Na’emi sanandrösa ba nösi nomo?
9 Hadia afönu sambua ösi nomo so’ahonoa Ruti ba Na’emi? So zanguma’ö, awena lafotöi ösi nomo ”so’ahonoa” na so wo’omo ira matua, fo’omo ira alawe, iraono, tua, nene, ba tanö bö’ö. Hiza’i, ba duma-duma Na’emi hegöi Ruti itörö tödöda wa ono mbanua Yehowa tola la’omasi’ö ngambatö side-ide si lö ato ba nomo ena’ö larasoi wa’omuso dödö, fa’asökhi dödö, ba fa’omasi. Hadia ö’andrö saohagölö nösi nomou? Iwa’ö Yesu ba zolo’ö khönia wa banua niha Keriso tola tobali ira ösi nomo ba niha si lö satua hegöi talifusö.—Mrk. 10:29, 30.
Ruti ba Na’emi, faoma latolo ba lafarou dödö nawöra zamösana
’Ya’ia Zananu Ya’ita Ena’ö’
10. Hadia wanolo sedöna ibe’e Na’emi khö Ruti?
10 I’otarai wamasi barli me baŵa si Öfa irugi wamasi gandru ba mbaŵa si Önö, lö iböhöli Ruti wangozaragö si toröi mbasitö ba kabu Mboasi. Hauga migu no numalö, tatu mangera-ngera manö Na’emi hadia zi tola ifalua khö numönönia. No irai iwa’ö Na’emi me so ira ba danö Moabi wa tebai ifuli i’alui wo’omo khö Ruti. (Rut. 1:11-13) Iada’a, fabö’ö gera-erania. Fahuhuo ia khö Ruti ba imane, ”Ufaigi khöu zahono ndra’ugö, onogu.” (Rut. 3:1) Me luo da’ö, si to’ölönia satua zangalui fo’omo khö nonora, ba hulö nono Na’emi Ruti andrö. Omasi ia i’alui nahia ’sahono’ khö Ruti, eluahania folumö’ö ba fa’ahono dödö nibe’e zi samösa fo’omo ira matua. Tobali, hadia zi tola ifalua Na’emi?
11, 12. (a) Hadia Goroisa Lowalangi si fao fa’omasi so’amakhaita ba niwa’ö Na’emi me imane wa Boasi andrö niha ”sananu ya’ita ena’ö”? (b) Hewisa dödö Ruti ba niwa’ö Na’emi?
11 Me itötöi Ruti döi Mboasi imane Na’emi, ”Ga’ada niha andrö, sananu ya’ita ena’ö.” (Rut. 2:20) Hadia geluahania? Oroisa Lowalangi ba ndraono Gizara’eli ya’ia da’ö muforoma’ö wa’omasi ba nösi nomo si göna abula dödö börö wa’anumana mazui börö wa’amate nösi nomonia. Na so ndra alawe si tobali lakha mbanua fatua lö so’ono ia, tatu abu dödönia börö me aetu döi hegöi nga’ötö wo’omonia. Hiza’i, itehegö Oroisa Lowalangi khö ga’a mazui akhi ndra matua andrö ba wangai lakhania ena’ö so nga’ötö sanohugö töi wo’omonia si no mate hegöi haratora. *—V Moz. 25:5-7.
12 Ifatunö Na’emi nösi dödönia. Tola takhalaigö hewisa zikhala Ruti me tokea ia ba niwa’ö ninania matuania. Lö aboto sibai ba dödö Ruti Goroisa ba ndraono Gizara’eli hegöi si to’ölö lafalua. Hewa’ae simanö, ifosumange sibai Na’emi ba ihaogö ifondro-ndrongo ngawua wehedenia. Tola manö aila Ruti ba obou döinia ba niwa’ö Na’emi andrö, hiza’i fao dödönia wamalua da’ö. Imane, ”Fefu hadia ia niwa’öu, ba u’o’ö!”—Rut. 3:5.
13. Hadia wamaha’ö si tola tahalö khö Ruti sanandrösa ba wamondro-ndrongo mene-mene zatua moroi khöda? (Faigi göi Yobi 12:12.)
13 Itaria abua ba ndraono si bohou ebua wamondro-ndrongo mene-mene niwa’ö zatuara si no oya manörö sami hegöi safeto ba wa’auri andre. Lamane tödöra, lö aboto ba dödö niha satua gabula dödö zi bohou ebua. Duma-duma Ruti si so Zinunö 71:17, 18.) Tobali, hadia mbua gera-era Na’emi, ba hadia so gunania khö Ruti na i’o’ö da’ö?
fangide-ngide’ö zangoroma’ö wa moguna mufondro-ndrongo wa’aboto ba dödö niha satua sangomasi’ö ya’ita ba somasi ena’ö sökhi wa’aurida. (BasoRuti ba Golayama Mbasitö
14. Hadia nifotöi olayama mbasitö andrö, ba hewisa wangoguna’ö ya’ia?
14 Ba zi bongi da’ö, möi Ruti ba golayama mbasitö, ya’ia da’ö tanö salo’o ba sabe’e, ba da’ö laböbörö ba latafi ngalai barli ira sohalöwö ba danö. Sasesenia, ba gahe hili la’agö mazui ba dete hili börö me abölö-bölö nangi ba da’ö na tanö owi hegöi na arakhagö bongi. Ba wamasafi ösi moroi ba gadaya hegöi töla barli, la’oguna’ö kori-kori mazui tambila ena’ö muzawili ba dalu mbanua. Börö me aoha gadaya, i’oloi’ö angi, ba me abua nösi aekhu tou ba danö.
15, 16. (a) Tutunö zalua ba golayama mbasitö me awai mohalöwö Mboasi bongi da’ö. (b) Hana i’ila Boasi wa no ileagö ia Ruti ba gahenia?
15 Lö hede-hede Ruti ba ifaigi-faigi zohalöwö sarakhagö awai manafi. Boasi zanarogö halöwö da’a irege mozuzu mbua nowi. Me no awai manga ia, ilau mörö ba gero mbaho ngamböbö ngalai. No to’ölö lafalua da’a ba wanaro bua nowi ena’ö lö latagö mazui larabu. Me ibörögö alau hörö Mboasi, ifaigi-faigi ia Ruti. Da’a ginötö wamalua niwa’ö Na’emi.
16 Ikumo-kumo wofanö Ruti, mo’ugu-ugu dödönia. I’ila wa abölö wemörö Mboasi. Aefa da’ö, simane niwa’ö Na’emi, ibokai Rut. 3:8.
gambala tanö ba gahe Mboasi, ba ileagö ia ba ngai gahenia. Ibaloi aefa da’ö. Ibörögö alawa mbongi. Molo’ö Ruti, ara sibai ginötö andrö. Ba gafuriata, te mato talu mbongi, tokea Mboasi. Mogikhi ia, ba iköröbui ia ena’ö tebalu gahenia faoma ambala. Hiza’i, ba worasoinia hulö so niha ba da’ö. Simane nitutunö ba waö-waönia, ”Hiza ndra alawe tanö ba gahenia.”—17. Hadia zi dombua ngawalö si lö la’ame’egö tödö niha sanguma’ö wa fasala nifalua Ruti andrö?
17 Manofu Mboasi, ”Haniha ndra’ugö?” Itema linia Ruti, te manizi-nizi ia, ”Ruti ndra’odo, sawuyumö: bologö gafiu yaŵa zawuyumö, me no sananu ndra’ugö.” (Rut. 3:9) Ba ginötö da’a, ato zanguma’ö wa fehede hokha da’ö khö Ruti hegöi nifaluania. So dombua ngawalö zi lö la’ame’egö tödö. Si oföna, nifalua Ruti andrö to’ölö mufalua me luo da’ö, lö aboto ba dödöda. Börö da’ö, fasala na tafaigi ia molo’ö fa’ara’iö wangera-ngera niha iada’a. Si dua, moroi ba lagu Mboasi ta’ila wa tenga sogoro ita nifalua Ruti andrö ba sökhi sibai.
Tenga sogoro ita nifalua Ruti andrö me ihatö’ö ia khö Mboasi ba tenga ha tana khönia i’era-era
18. Hadia niwa’ö Mboasi ena’ö lö fa’ata’u khö Ruti, ba hadia zi dombua fa’asökhi dödö niwa’ö Mboasi khö Ruti?
18 No ihaogö-haogö wehede Boasi, tatu manö lö fa’ata’u khö Ruti ba wamondrongo ya’ia. Imane, ”Yanifahowu’ö Yehowa ndra’ugö, onogu! Ebua na wa’omasimö safuria, moroi ba ziföföna andrö, me no lö nigohiu ono matua, he si numana, ba he so’ana’a.” (Rut. 3:10) ’Siföföna andrö’ eluahania fa’omasi Ruti si lö faröi me fao ia khö Na’emi wangawuli ba mbanua Gizara’eli hegöi ba wanga’asogö soguna khönia. ”Safuria” eluahania sawena alua andrö. I’ila Boasi wa aoha khö Ruti wangalui fo’omo sawuyu-wuyu, si kayo mazui si numana, börö me awuyu ia nasa. Hiza’i, omasi Ruti wamalua si sökhi tenga ha khö Na’emi, khö wo’omo Na’emi göi si no mate, ba wanohugö töinia ba mbanua si tumbu ya’ia. Toröi-röi ba dödö Mboasi gamuata ndra alawe si lö mangalui tana khönia andre.
19, 20. (a) Hana wa lö i’anemai mangowalu Mboasi kho Ruti? (b) Hewisa Mboasi wangoroma’ö fa’asökhi dödö ena’ö lö te’obousi döi Ruti?
19 Imane nasa Boasi, ”Ba hiza, ba böi busi dödöu, ya’ugö onogu! Fefu hadia ia niwa’öu, ba utörö khöu. Samb[u]a banua Rut. 3:11) Omuso dödönia me tebe’e khönia ginötö ba wangai Ruti tobali fo’omonia; te lö tokea ia me mu’andrö khönia tobali sananu. Boasi andrö niha satulö tödö ba lö ifalua manö zomasi dödönia. Ifatunö khö Ruti wa so samösa tö dalifusö sabölö ahatö ba nösi nomo Na’emi, da’ö zinangea tobali sananu. Oföna ua itehegö Boasi khö ndra matua da’ö tobali fo’omo Ruti.
manö ndra’aga, ba lö si lö aboto ba dödö, wa no ira alawe si sökhi bua-bua ndra’ugö.” (Börö me sökhi dödö Ruti ba niha bö’ö ba i’osinangegö ira, andrö wa i’okhögö döi si sökhi
20 Iwa’ö Boasi khö Ruti ena’ö ifuli ileagö ia ba molombase ofeta arakhagö moluo; ba tola mangawuli ia ba nomo fatua lö niha sangila. Lö omasi Mboasi na te’obousi döi Ruti hegöi töinia samösa, börö tola manö lamane niha no lafalua zi lö sökhi. Ifuli ileagö ia Ruti ba ngai gahenia, ba ahono dödönia börö me sökhi wanema’ö Boasi angandröwania. Aefa da’ö, maoso Ruti fatua lö moluo. Oya mbua barli nibe’e Mboasi ba lembe khönia, ba mofanö Ruti ba Mbetilekhema.—Baso Ruti 3:13-15.
21. Hana la’ila niha wa Ruti andrö ”ira alawe si sökhi bua-bua”, ba hewisa wolo’öda duma-dumania?
21 Hawa’omuso dödö Ruti me i’angeraigö wehede Mboasi, börö me la’ila ia niha wa ”ira alawe si sökhi bua-bua”! Töi da’ö tatu mo’amakhaita ba gohitö dödö sebua ena’ö aboto ba dödönia ba ifosumange Yehowa. No göi iforoma’ö wa’asökhi dödö ba fa’omasi khö Na’emi hegöi soinia, ba lö abua gölönia wamaogö ya’ia ba zi to’ölö lafalua ba da’ö. Na ta’o’ö wamati Ruti, ta’odödögö wangosinangegö niha bö’ö hegöi si to’ölö lafalua ena’ö tola ta’okhögö döi si sökhi.
Nahia Solombase Ruti
22, 23. (a) Hadia geluaha nibe’e Mboasi khö Ruti? (Faigi nisura ba gahe zura.) (b) Hadia nifarou Na’emi khö Ruti ena’ö ifalua?
22 Manofu Na’emi khö Ruti me irugi nomo, ’Haniha ndra’ugö, onogu?’ Manofu ia börö me ogömi-gömi nasa, ba omasi göi i’ila hadia lö tebulö wa lakha mbanua Ruti andrö mazui no tobali ia ira alawe si lö aratö mangowalu. Gösö itutunö Ruti khö ninania matuania hadia zalua ba gotaluara Mboasi. Iforoma’ö wa’oböwö Boasi ba wame’e bua barli khö Na’emi. *—Rut. 3:16, 17.
23 Börö wa’atua-tua Na’emi, ifarou Ruti ena’ö ihonogö ia ba nomo ba ngaluo da’ö ba lö i’ozaragö zi toröi mbasitö ba kabu. Ifaduhu’ö ba dödö Ruti, ”Lö’ö sa ibato niha andrö, balazi ifalua da’ö ma’ökhö.”—24, 25. (a) Hewisa wangoroma’ö Mboasi wa niha sadölö tödö ia ba tenga ha tana khönia i’era-era? (b) Hadia howu-howu nitema Ruti?
24 Atulö niwa’ö Na’emi. Möi Mboasi ba mbawa göli, nahia wa’owulo ndra satua, ba ibaloi irege tohare zi tenga bö’ö Na’emi. Ibe’e ginötö Boasi khö ndra matua andrö föna ndra samaduhu’ö ba wananu tanö Na’emi ba ihalö Ruti tobali fo’omonia. Hiza’i, lö fao dödö ndra matua da’ö. Imane wa tola tekiko dana khönia. Aefa da’ö, föna ndra samaduhu’ö ba mbawa göli, i’ombakha’ö Boasi wa isanu danö Elimelekhi, fo’omo Na’emi si no mate, ba ihalö Ruti tobali fo’omonia, lakha mbanua fo’omo Maloni, ono Elimelekhi. Itötöna Boasi ena’ö ’te’orifi döi zi mate andrö ba danö tana khönia andrö’. (Rut. 4:1-10) Sindruhu-ndruhu wa Boasi andrö niha sadölö tödö ba tenga ha tana khönia i’era-era.
25 Mangowalu Mboasi khö Ruti. Aefa da’ö tabaso, ”Ibe’e khönia Yehowa manabina ia, ba mo’ono, ono matua.” Ira alawe ba Mbetilekhema lafahowu’ö Na’emi ba lasuno Ruti börö me abölö sökhi ia moroi ba zi dafitu ono matua khö Na’emi. Ba gafuriata, ta’ila wa ono Ruti andrö nga’ötönia Razo Dawido. (Rut. 4:11-22) Aefa da’ö, Dawido nga’ötönia Yesu Keriso.—Mat. 1:1. *
Ifahowu’ö Ruti Yehowa, tebe’e khönia döi sebua moroi ba nga’ötönia tumbu Mesia
26. Hadia zi tobali famasugi ba dödöda moroi ba duma-duma Ruti ba Na’emi?
26 Sindruhu-ndruhu tefahowu’ö Ruti, simanö göi Na’emi sanolo ba wangebua’ö ono Ruti simane ononia samösa. Fa’aurira andre tobali famasugi ba dödöda wa Lowalangi Yehowa i’ame’egö tödö niha somasi mohalöwö, gofu hadia halöwö ba wamönökhi soguna ba nösi nomonia hegöi si lö faröi wefao ba nono mbanuania ba wamosumange ya’ia. Lö irai olifu ia wamahowu’ö niha samati, simane Boasi, Na’emi hegöi Ruti.
^ par. 7 Simane niwa’ö Na’emi, tenga ha ba niha sauri iforoma’ö wa’omasinia Yehowa hiza’i ba niha si no mate. No mate wo’omo Na’emi hegöi ononia si darua. No mate göi wo’omo Ruti. Ira matua si datölu andrö omasiöra. Fa’omasi niforoma’ö khö Na’emi hegöi Ruti hulö no laforoma’ö khö ndra matua andrö, börö me omasi ira na tebönökhi zoguna khö ndra alawera.
^ par. 11 Niha sinangea mangai lakha andrö, hegöi sangokhögö haratora, si oföna mube’e khö ga’a mazui akhi zi no mate, awena khö dalifusö sahatö khönia.—IV Moz. 27:5-11.
^ par. 22 Ibe’e Boasi khö Ruti önö fanu’a si lö mufatunö hawa’abua. Te ba wangoroma’ö wa simane fohalöwö si önö ngaluo itete ia luo Sabato, simanö göi ngaluo wohalöwö Ruti, samösa lakha mbanua itete ia ”folombase” nibe’e zi samösa fo’omo ira matua hegöi ösi nomo. Hiza’i, önö fanu’a—te önö tambila fahösö—tola manö ha da’ö zi tola i’onoro Ruti.