FAZA 19
”Gofu Hezo Mangele Nidanö Andrö, ba Nahia Daʼö Göi So Waʼauri”
TUHO: Alua gangilata sanandrösa ba nungo nidanö sangele moroi ba gosali me mböröta, iadaʼa hegöi ba zi so miföna
1, 2. Moloʼö Hezekieli 47:1-12, hadia niʼila Hezekieli hegöi saboto ba dödönia? (Faigi gambara ba wamobörö wamahaʼö.)
OROMA khö Hezekieli sambua gangilata sahöli-höli dödö sanandrösa ba gosali: So nidanö sangele moroi ba nahia niʼamoniʼö! Khalaigö me iʼosisi nungo nidanö sohau-hau andrö. (Baso Hezekieli 47:1-12.) Mangele nidanö daʼö moroi ba mbawandruhö weʼamöi bakha ba naha niʼamoniʼö, numalö ia ba zi fasui osali sahatö ba mbawa göli gatumbukha. Malaʼika si fao khö Hezekieli, iʼohe ia baero gosali ba lasuʼa hawaʼanau nungo nidanö andrö. No hauga kali iʼötö nungo nidanö daʼö Hezekieli moloʼö niwaʼö malaʼika khönia. Iʼila wa abölö-bölö sibai nidanö andrö ba itugu abakha irege muʼolangisi na muʼötö!
2 Ifatunö khö Hezekieli wa mangele nungo nidanö daʼö ba Nasi si Mate, safeto asio ba lö hadöi saliwa-liwa ba danö si tola auri ba daʼö. Ero so zi göna idanö daʼö, ifuli ohahau ba izumaigö oya giʼa. Ba zi sandrohu ungo nidanö andrö, oya ngawalö geu niʼila Hezekieli. Mowua geu daʼö ero waŵa ba tola muʼa mbuania ba bulunia tobali dalu-dalu. Me iʼila fefu daʼö Hezekieli, tatu omuso dödönia ba itugu aro dötönafönia. Hizaʼi,
hadia geluaha gangilata daʼa khö Hezekieli hegöi ba niha niʼoloiʼö tanö böʼö? Ba hadia geluahania khöda?Hadia Geluaha Gangilata Sanandrösa ba Nungo Nidanö Andrö ba Niha Niʼoloiʼö?
3. Hadia mbörö wa laʼila ira niha Yahudi mböröta wa tenga sindruhu-ndruhu ungo nidanö gangilata Hezekieli?
3 Tatu manö aboto ba dödö niha Yahudi me föna wa tenga sindruhu-ndruhu ungo nidanö zi so ba gangilata daʼö. Hizaʼi, te itörö tödöra wamohouni tanö böʼö si no tefaʼeleʼö, nisura Yoeli samaʼeleʼö töra dua ngaotu fakhe silalö. (Baso Yoeli 3:18.) Me labaso wamaʼeleʼö Yoeli ira niha Yahudi niʼoloiʼö, lö manötöna ira wa so zindruhu ’nagu sami sowöi ba hili misa’, ”fahöna susu ba hili-hili” mazui so nungo nidanö ’sangele moroi ba nomo Yehowa’. Tobali, aboto göi ba dödöra wa tenga sindruhu-ndruhu ungo nidanö zi so ba gangilata Hezekieli. * Na simanö, hadia zomasi ifaʼema Yehowa? Itolo ita Sura Niʼamoniʼö enaʼö taʼila ösa geluaha gangilata daʼa. Si löʼö-löʼönia so tölu ngawalö nifaʼeleʼö ba gangilata daʼa, nibeʼe Lowalangi si fao faʼomasi ba wangabölöʼö ono mbanuania.
4. (a) Hadia howu-howu nitötöna niha Yahudi moroi ba gangilata Hezekieli sanandrösa ba nungo nidanö? (b) Hewisa Zura Niʼamoniʼö wangogunaʼönia ”ungo nidanö” mazui ”idanö” enaʼö faduhu dödöda wa ifahowuʼö nono mbanuania Yehowa? (Faigi kotak ”Mangele Howu-Howu moroi khö Yehowa”.)
4 Ungo nidanö solohe howu-howu. Asese iʼogunaʼö Sura Niʼamoniʼö nungo nidanö hegöi idanö ba woʼamaedolagö howu-howu Yehowa sangaʼasogö fangorifi. Ungo nidanö niʼila Hezekieli andrö mangele moroi ba gosali. Börö daʼö, angilata daʼa zangaʼaroʼö ono mbanua Lowalangi ba wombaloi howu-howu wamati moroi khö Yehowa nibeʼenia khöra na lö faröi ira ba wamalua famosumange satulö. Hadia manö howu-howunia? Ifuli latema wanuturu lala ba wamati moroi khö ndra ere. Ba börö me ifuli labeʼe zumange ba gosali, faduhu dödöra wa tola teʼefaʼö horö si no lafalua. (Hez. 44:15, 23; 45:17) Ifuli teʼamoniʼö ira hulö nisasai ba nidanö niʼamoniʼö moroi ba gosali andrö.
5. Moroi ba gangilata sanandrösa ba nungo nidanö andrö, hana wa faduhu dödö niha Yahudi wa lö ambö howu-howu Yehowa ba nono mbanuania?
5 Hadia obönö howu-howu Yehowa ba niha fefu? Taya waʼaombö dödö simane daʼö ba gangilata daʼa. Hewaʼae awena mato dua kilometer mangele nidanö andrö, hizaʼi tobali ungo nidanö sabölö-bölö börö dandra sahöli-höli dödö! (Hez. 47:3-5) Na itugu monönö waʼato niha Yahudi ba danö si no mubohouni, hasambalö fahöna howu-howu Yehowa ba wombönökhi soguna khöra. Ungo nidanö andrö eluahania faʼafahöna howu-howu sahöli-höli dödö!
6. (a) Hadia mbuʼusa li si tesöndra ba gangilata daʼa? (b) Hadia wamangelama si tesöndra ba gangilata daʼa? (Faigi nisura ba gahe zura.)
6 Idanö fangorifi. Ba gangilata Hezekieli, mangele nungo nidanö andrö ba Nasi si Mate ba arakhagö fefu nidanönia ohahau mangawuli. Oya sibai giʼa ba daʼö irege fagölö simane faʼoya giʼa ba Nasi Sebolo mazui nifotöi Asi Mediterania. So zamawa iʼa ba zi fahene zinga Nasi si Mate, si so ba gotalua mbanua si * (Hez. 47:8-11) Moroi ba gangilata daʼa, latema mbuʼusa li ono mbanua Lowalangi si fao faʼafaduhu dödö wa möi fangorifi khöra wamosumange satulö ba daʼö zameʼe khöra faʼakayo ba wamati. Hizaʼi, tebeʼe göi khöra wamangelama wa lö fefu ifahowuʼö niha Yehowa mazui ibohouni.
dombua si no faoma fandröndröu. Imane malaʼika, ”Gofu hezo mangele nidanö andrö, ba nahia daʼö göi so waʼauri.” Hadia daʼö geluahania ikhamö fefu zi sagörö Asi si Mate nidanö sangele moroi ba nomo Yehowa? Löʼö. Itutunö malaʼika andrö wa so ösa danö safönu taimba si lö ikhamö idanö ba ”mutehegö manö moʼasio ia”.7. Moroi ba gangilata Hezekieli sanandrösa ba döla geu, hadia zi faduhu dödö niha niʼoloiʼö?
7 Eu sangaʼasogö balazo hegöi dalu-dalu. Monönö waʼasökhi nungo nidanö andrö börö waʼoya geu si no teʼoli. Hadia geluahania? Tatu omuso dödö Hezekieli hegöi niha si sambua soi khönia na lakhalaigö mbua zinanö sami moroi ba geu daʼö ero waŵa! Duma-duma si sökhi andre zameʼe khöra faʼafaduhu dödö wa iʼasogö zoguna khöra Yehowa ba wamati. Nehegö göi geu daʼö wa ”tobali dalu-dalu” mbulunia. (Hez. 47:12) Aboto ba dödö Yehowa zabölö moguna khö ndra niha niʼoloiʼö si no mangawuli yaʼia daʼö enaʼö tefadöhö ira ba wamati, ba no fawuʼu li ia wa ifalua daʼö. Hewisa wamaluania? Tesöndra wanema linia ba wamaʼeleʼö tanö böʼö sanandrösa ba wamohouni simane nitutunö ba Faza 9.
8. Hezo taʼila wa abölö ebua nasa dania waʼalua gangilata Hezekieli ba zi so miföna?
8 Simane si no tatutunö ba Faza 9, niha niʼoloiʼö si no mangawuli, lö niʼilara faʼalua zi no tefaʼeleʼö andrö sabölö ebua ba zi sagörö ulidanö. Hadia mbörö? Börö zala nifaluara. Lö laböhöli wanörö lala si lö sökhi, faröi ira ba laböhöli wamalua famosumange satulö. Andrö wa lö afönu latema howu-howu moroi khö Yehowa. Hewaʼae simanö, so nasa niha Yahudi si lö faröi. Abu dödöra ba afatö dödöra börö gamuata nawöra niha Yahudi, hizaʼi aboto ba dödöra wa hasambalö ifalua mbuʼusa linia Yehowa. (Baso Yosua 23:14.) Na simanö, hasambalö alua gangilata Hezekieli sabölö ebua ba zi sagörö ulidanö. Hawaʼara alua daʼö?
Mangele Nungo Nidanö Andrö ba Götöda Iadaʼa!
9. Hawaʼara alua gangilata Hezekieli sabölö ebua sanandrösa ba gosali?
9 Simane nitutunöda ba Faza 14, alua gangilata Hezekieli sabölö ebua ba zi sagörö ulidanö ba ”ngaluo safuria”, yaʼia daʼö ba ginötö teʼalawaʼö wamosumange satulö töra moroi ba zilalö. (Yes. 2:2) Hewisa waʼalua gangilata daʼö ba ginötöda iadaʼa?
10, 11. (a) Hadia manö howu-howu sangele si hulö nungo nidanö ba ginötöda iadaʼa? (b) Hawaʼabölö-bölö waʼamangele howu-howu Yehowa ba wombönökhi soguna si tedou ba götö safuria andre?
10 Ungo nidanö solohe howu-howu. Hadia nitörö tödöda na tatutunö nidanö sangele moroi ba nomo Yehowa? Ifasugi ba dödöda fefu howu-howu sondrorogö yaʼita enaʼö lö mofökhö wamatida iadaʼa. Howu-howu sebua yaʼia daʼö höli nibeʼe Keriso Ef. 5:25-27) Hewisa wa tola mangele howu-howu simane daʼö ba götöda iadaʼa?
si tola mangefaʼö horöda irege lö raʼiö ita. Sindruhu andrö moroi ba Daromali Lowalangi, tola göi muʼamaedolagö ia simane idanö fangorifi sanasai yaʼita. (11 Me 1919, ha mato hauga ribu nono mbanua Yehowa ba omasi sibai ira latema gö ba wamati soguna khöra. Me no ngafulu fakhe aefa daʼö, itugu monönö waʼatora. Iadaʼa, töra walu zuta nono mbanua Lowalangi! Hadia abölö-bölö nasa wangele nidanö zindruhu niʼamoniʼö andrö? Abölö-bölö! Itaria ambö gölöda ba waʼoya gö wamati si no tehenaigö. Sagötö ba zi otu fakhe silalö, so ngafulu miliar Zura Niʼamoniʼö, buku, majalah, brosur hegöi risalah si no tebeʼe ba nono mbanua Lowalangi. Simane ungo nidanö ba gangilata Hezekieli, itugu abölö-bölö wangele nidanö zindruhu andrö ba wombönökhi soguna ba niha sowökhi tödö ba wamati ba zi sagörö ulidanö. No ara tefazökhi mbuku si teʼodane-dane ba Zura Niʼamoniʼö. Iadaʼa no lahenaigö publikasi elektronik ba situs web jw.org, ba tesöndra ia ba zi töra 1.000 ngawalö li! Hadia gunania ba niha sadölö tödö?
12. (a) Hadia dandra wa iʼasogö waʼauri hegöi famati saro turia sindruhu andrö? (b) Hadia wamangelama nisöndrada moroi ba gangilata daʼa? (Faigi nisura ba gahe zura.)
12 Idanö fangorifi. Imane khö Hezekieli, ”Gofu hezo mangele nidanö andrö, ba nahia daʼö göi so waʼauri.” Angerönusi hewisa waʼamangele duria zindruhu ba niha si möi ba soi wamati khöda si no tebohouni. Sindruhu ba Zura Niʼamoniʼö zangaʼasogö faʼauri hegöi falöfökhö ba wamati ba niha si hauga zuta sanemaʼö yaʼia. Ba gangilata daʼa göi so wamangelama si tefaudu ba ginötöda iadaʼa: So dania niha si lö moʼameʼegö tödö sindruhu moroi ba Zura Niʼamoniʼö ba laröi Yehowa ba gafuriata. Muʼamaedolagö ira simane nahia solaza-laza ba safönu taimba ba Nasi si Mate. * Enaʼö böi irai tafalua zimane daʼö!—Baso 5 Moze 10:16-18.
13. Hadia mbörö wa möi famarou dödöda döla geu si so ba gangilata andrö?
13 Eu sangaʼasogö soguna hegöi dalu-dalu. Hadia möi famarou dödöda geu si so ba zinga nungo nidanö andrö? Möi! Törö tödöu geu daʼö wa iʼasogö mbua sami ero waŵa ba bulunia tobali dalu-dalu. (Hez. 47:12) Ifuli tefasugi ba dödöda wa lö iböhöli Lowalangi nifosumangeda ba wangaʼasogö soguna khöda hegöi ba wamadöhö fökhö wamati, börö me daʼö zabölö moguna khöda. Tola tawaʼö wa mofökhö ba olofo gulidanö andre ba wamati. Hizaʼi, törö tödöu hadia manö zi no iʼasogö khöda Yehowa. Me no aefa öbaso zi sambua artikel ba majalahda, ba ginötö öʼanunöisi zinunö fangasiwai ba gangowuloa sebua, mazui me no aefa öfaigi video moroi ba organisasi, hadia örasoi wa tefahowuʼö ndraʼugö? Sindruhu-ndruhu wa lö aetu teʼabusoiʼö ita ba wamati. (Yes. 65:13, 14) Hadia möi fangabölöda gö wamati andrö? Möi. Mene-mene si teʼodane-dane ba Daromali Lowalangi zanolo yaʼita faböi mofökhö wamatida, simane famalua fohorö, fakhögusa mazui falömamati. No göi itatugöi Yehowa enaʼö tola tefadöhö niha si no mamalua horö sebua. (Baso Yakobo 5:14.) Sindruhu-ndruhu wa tefahowuʼö ita simane salua ba gangilata Hezekieli sanandrösa ba ngawalö geu.
14, 15. (a) Hadia wamahaʼönia khöda moroi ba nahia sotaimba si lö muhaogö ba gangilata Hezekieli? (b) Hewisa enaʼö so gunania khöda nungo nidanö niʼila Hezekieli?
14 So göi wamahaʼö nihalöda ba nahia safönu taimba si lö muhaogö andrö. Böi tabaʼa ndrela howu-howu Yehowa khöda. Alai ita na lö si tebohouni, mazui na no mululu manö simane niha sato ba gulidanö sofökhö andre. (Mat. 13:15) Hizaʼi, omasi ita na tasöndra mbua moroi ba nungo nidanö solohe howu-howu andrö. Hewisa lalania? Na tabadu nidanö sindruhu yaʼia daʼö Taromali Lowalangi, manuriaigö ita ba niha, tatema wanuturu lala si fao faʼomasi hegöi fondrara dödö ba fanolo moroi khö ndra satua sokubaloi si no lafahaʼö ira sawuyu si lö faröi ba satua-tua. Na tafalua fefu daʼö, te itörö tödöda nungo nidanö si so ba gangilata Hezekieli. Iʼasogö wangorifi hegöi famadöhö ungo nidanö andrö gofu hezo mangele ia!
15 Na simanö, hewisa wa sindruhu-ndruhu alua ba zi so miföna wamaʼeleʼö sanandrösa ba nungo nidanö andrö? Datatutunö hewisa wa alua gangilata daʼa ba zi sagörö ulidanö Faradaiso dania.
Alua Gangilata Daʼö ba Waradaiso Dania
16, 17. (a) Hawaʼabölö-bölö waʼamangele nidanö fangorifi dania ba Waradaiso? (b) Hadia dania mbua nitemada ba waʼamangele howu-howu andrö ba Waradaiso?
16 Hadia tola ökhalaigö hawaʼomuso dödöu dania na auri ndraʼugö ba Waradaiso si fao ösi nomou hegöi si fahuwu khöu? Enaʼö sindruhu-ndruhu alua ia ba waʼaurimö, datatutunö tölu ngawalö niʼamaedolagö ba gangilata Hezekieli sangoromaʼö faʼomasi Lowalangi.
17 Ungo nidanö solohe howu-howu. Itugu abölö-bölö nungo nidanö andrö ba Waradaiso dania, börö me iʼohe howu-howu ba wamati hegöi ba mboto. Sagötö Famatörö Yesu si Saribu Fakhe, Famatörö Lowalangi zanolo niha si lö faröi ba wanöndra bua moroi ba höli. Itugu ara, itugu moʼahonoa ira! Lö hadöi saʼae fökhö, doto, matiri, rumah sakit mazui asuransi kesehatan! Lö aetu-aetu mangele nidanö fangorifi ba zi hauga zuta niha faʼato si no teʼorifi moroi ba Hamagedo, yaʼia daʼö ”ngawawa sato” sauri moroi ba ”wamakao sabölö-bölö”. (Fam. 7:9, 14) Hewaʼae abölö-bölö waʼamangele nidanö andrö, hizaʼi hulö ha wöi-wöi nidanö satoru daʼö na mufaehusi ia moroi ba howu-howu salua dania. Simane ba gangilata Hezekieli, itugu abölö-bölö waʼamangele nidanö andrö enaʼö tebönökhi fefu zoguna ba niha.
Ba Waradaiso dania, ungo nidanö solohe howu-howu tobali fanolo ba niha enaʼö awuyu-wuyu ira ba lö mofökhö (Faigi ngenoli si 17)
18. Hewisa wa inönöi gulidanö ʼungo nidanö fangorifi’ sagötö Famatörö si Saribu Fakhe?
Fam. 22:1) So miliaran niha nisusugi dania ba tebeʼe khöra ginötö ba wanöndra faʼauri si lö aetu ba Waradaiso! Daʼö howu-howu nibeʼe Yehowa ba Wamatörönia. So wanusugi ba niha si no mate sato sibai, si no ara tobali tanö si lö faʼabölö. (Yes. 26:19) Hizaʼi, hadia fefu niha nisusugi dania auri ira sagötö faʼara?
18 Idanö fangorifi. Sagötö Famatörö si Saribu Fakhe, amaedola no anönö danö ”nungo nidanö fangorifi”. (19. (a) Hadia zangoromaʼö wa ifangele dania Lowalangi nidanö sindruhu si bohou ba Waradaiso? (b) Ba zi so miföna, hewisa waʼalua gangilata Hezekieli sanandrösa ba nahia ’nitehegö manö moʼasio’?
19 Fefu niha moguna lafili samösa hadia omasi ira auri sagötö faʼara mazui löʼö. Ba luo daʼö, tebokai gölu-gölu zura si bohou. Daʼö zangoromaʼö wa ifangele nidanö andrö Yehowa si möi fangokafu dödö ba wangombakha sindruhu si bohou mazui fanuturu lala si bohou. Hadia lö ahöli-höli dödöda ba ginötö takhalaigö fefu daʼö? Hewaʼae simanö, so ösa niha sanimbagö howu-howu andrö ba lö moloʼö ira khö Yehowa. Hizaʼi, hewaʼae so zamadaö sagötö Famatörö si Saribu Fakhe, lö tetehegö khöra na lafawukaisi Waradaiso. (Yes. 65:20) Te itörö tödöda gangilata Hezekieli wa so ösa zotaimba ba ”mutehegö manö moʼasio ia” enaʼö lö mowanua ngawalö zauri ba daʼö. Sindruhu-ndruhu wa faʼabodo ba niha sabeʼe högö börö me lö labadu nidanö fangorifi sebua böli! Na no aefa zi saribu fakhe, so ösa ngawawa samadaö sangoʼawögö Satana. Dozi sanimbagö famatörö satulö moroi khö Yehowa, fagölö lua-luara yaʼia daʼö faʼamate sagötö faʼara.—Fam. 20:7-12.
20. Hadia gamakhoita ba Wamatörö si Saribu Fakhe samasugi ba dödöda sanandrösa ba döla geu niʼila Hezekieli?
20 Eu sangaʼasogö balazo hegöi dalu-dalu. Lö omasi Yehowa na so ba gotaluada zi lö manema faʼauri si lö aetu sahöli-höli dödö. Ibeʼe khöda gamakhoita sanolo yaʼita enaʼö tasöndra waʼauri sagötö faʼara. Moguna sibai gamakhoita daʼa simane eu si so ba gangilata Hezekieli. Ba Waradaiso dania, tenga ha howu-howu ba wamati niʼasogö Yehowa, hizaʼi howu-howu ba mboto. Mamatörö Yesu Keriso hegöi awönia si 144.000 moroi ba zorugo, tobali ira razo sagötö zi saribu fakhe. Börö me no tobali ere zi 144.000 andre, latolo niha si lö faröi enaʼö moʼahonoa ira irege afönu wanemara bua moroi ba höli nibeʼe Keriso. (Fam. 20:6) Angilata Hezekieli sanandrösa ba döla geu si tola muʼa bua ba si tobali dalu-dalu mbulunia, fakhili sibai ia ba wamaʼeleʼö tanö böʼö si sökhi nisura zinenge sotöi Yohane. (Baso Wamaʼeleʼö 22:1, 2.) Bulu geu moroi ba gangilata Yohane ”muʼogunaʼö ba wamadöhö fefu soi”. Börö daʼö, niha si lö faröi si tebai muʼerai faʼato latema howu-howu me no tobali ere zi 144.000 andrö.
21. (a) Hadia nirasoimö ba ginötö öʼangerönusi gangilata Hezekieli sanandrösa ba nungo nidanö? (Faigi kotak ”Elea Side-ide Tobali Ungo Nidanö Sebua!”) (b) Hadia nitutunöda ba faza aefa daʼa?
21 Ba ginötö öʼangerönusi gangilata Hezekieli sanandrösa ba nungo nidanö, hadia lö owua-wua dödöu ba itugu aro wanötönau? Sindruhu-ndruhu tarasoi waʼohahau dödö ba zi so miföna! Angeragö daʼa: iʼotarai me föna, no oya wamaʼeleʼö nibeʼe Yehowa enaʼö tola takhalaigö hewisa Waradaiso andrö dania. Sagötö ba zi hauga ribu fakhe, ikaoni niha si fao faʼebolo dödö enaʼö auri ira ba Waradaiso si no ifabuʼu. Hadia so dania ndraʼugö ba daʼö? Te manofu-nofu ndraʼugö, hadia so nahiamö mazui halöwöu ba Waradaiso? Datafatunö faosatö safuria moroi ba gangilata Hezekieli si tola mangeheta khöda faʼaombö dödö.
^ par. 3 Te latörö tödöra ira niha Yahudi hewisa waʼalawa ba faʼaloʼo mbanuara me luo daʼö. Tatu aboto ba dödöra wa tenga sindruhu-ndruhu ungo nidanö nitutunö andre, börö me iwaʼö ba gangilata daʼö wa mangele nidanö andrö ba hili salawa sibai. Sindruhunia sa, lö hadöi hili salawa sibai ba nahia nitutunö andrö. Baero daʼö, itutunö göi ba gangilata andrö wa mangele nidanö andrö numalö ba Nasi si Mate, adölö manö lö taha-taha. No faböʼö sibai daʼa na tafaigi moloʼö letak geografis.
^ par. 6 Moloʼö ira sameʼe bua gera-era, ngawua wehede daʼa zangoromaʼö ngawalö zi sökhi börö me ba gamaudu Nasi si Mate tola laʼowuloi nasio niʼogunaʼö faböi alio obou gö irege lasöndra hare sebua. Hizaʼi, ifatunö Sura Niʼamoniʼö wa ”lö muhaogö” nahia sotaimba. Eluahania, lö hadöi sauri si toröi ba daʼö börö me lö ikhamö ira idanö fangorifi moroi ba gosali Yehowa. Na simanö, eluaha ngawua wehede ”latehegö manö moʼasio” moʼamakhaita ia ba zi lö sökhi.—Si. 107:33, 34; Yer. 17:6.
^ par. 12 Fakhili-khili gangilata daʼa ba gamaedola Yesu sanandrösa ba ndriala. Oya sibai giʼa si teʼuʼu ba ndriala andrö, hizaʼi lö fefu oi ”sökhi”. Iʼa si ”lö sökhi” latiboʼö. Börö daʼö, ibeʼe wamangelama Yesu wa so moroi ba gotalua niha si fao ba organisasi Yehowa si lö famati dania.—Mat. 13:47-50; 2 Ti. 2:20, 21.