KOTAK FAMAHAʼÖ 18A
Famangelama si Otarai Yehowa Sanandrösa ba Wasuwöta Sebua
Oya wamaʼeleʼö ba Zura Niʼamoniʼö sameʼe famangelama sanandrösa ba wasuwöta sebua. Ba wasuwöta daʼö, ihori fefu nudunia Yehowa hegöi solawa ono mbanuania. So ösa wamaʼeleʼönia nifatunöda dania ba daʼa. Haogö nehegö hadia manö zi fagölö ba wamangelama daʼa fefu, ba faigi göi hewisa Yehowa ba wotatugöi enaʼö tefangelama fefu niha ba tebeʼe khöra ginötö ba wangai angetula.
BA GÖTÖ NDRAONO GIZARAʼELI
HEZEKIELI: ”Imane Yehowa Lowalangi Fondrege Zalawa, ’Ukaoni dania wöda ba wolawa [Gogi] ba hili andrö khögu fefu.’”—Hez. 38:18-23.
YEREMIA: ”Ihuku niha gulidanö maʼafefu [Yehowa], ba fefu niha si lö sökhi ilulu ba mbawa wöda.”—Yer. 25:31-33.
DANIELI: ”Ifasindro wamatörönia Lowalangi si so ba zorugo, . . . idudugö ba ihori dania fefu gamatöröwa no mege.”—Dan. 2:44.
ME ABAD SIFÖFÖNA M
YESU: ”So wamakao sabölö-bölö si lö irai alua, iʼotarai me tewöwöi gulidanö.”—Mat. 24:21, 22.
FAULO: ’Yesu si fao ira malaʼika sabölö, molau balö ira ba niha si lö faʼaboto ba dödö khö Lowalangi.’—2 Te. 1:6-9.
FETERO: ”Hulö weʼaso zanagö waʼatohare luo Yehowa. . . . Fefu zi so . . . ba danö . . . simanö göi halöwö nifalua ba daʼö ahori tefakiko.”—2 Fe. 3:10.
YOHANE: ”Ba mbawa [Yesu] kalua wöda sanau ba satarö, niʼogunaʼönia ba wamakiko ngawalö soi.”—Fam. 19:11-18.
BA GINÖTÖDA IADAʼA
Sagötö sejarah, buku sabölö oya lafoʼeluaha ba mufazawili yaʼia daʼö Sura Niʼamoniʼö
ONO MBANUA YEHOWA BA GINÖTÖDA IADAʼA . . .
-
So miliaran mbuku si teʼodane-dane ba Zura Niʼamoniʼö si no labeʼe ba niha ba zi hauga ngaotu ngawalö li
-
Laʼogunaʼö miliaran jam ero röfi ba wanuriaigö
