KOTAK FAMAHAʼÖ 20A
Fombagi Tanö Amabuʼula
Latema wanuturu lala ira niha niʼoloiʼö sanandrösa ba nola-ola danö si no mutatugöi ba mbanua si tumbu ira. Daʼa zameʼe khöra faʼafaduhu dödö wa hasambalö tebohouni soi daʼö. Hadia wamahaʼönia khöda? Datafaigi zi dombua ngawalö ba gangilata daʼa:
Nahia sahono dödö hegöi halöwö si sökhi
Dozi niha niʼoloiʼö si no mangawuli, latema gondröitara ba soi si no tebohouni. Simanö göi iadaʼa, fefu nono mbanua Yehowa so nahiara ba waradaiso wamati. Gofu hawaʼide-ide halöwöda bakha ba organisasi, taʼokhögö nahia sahono dödö ba halöwö si sökhi ba soi wamati. Fefu nono mbanua Yehowa, ebua mbölira ba wamaiginia.
Fagölö dana khöra
Ba gangilata Hezekieli, fefu zowanua ba Danö Amabuʼula si no tebohouni andrö, larasoi zi sökhi ba faʼatabö zinanö ba daʼö, gofu hezo toröi ira zamösana. Simanö göi iadaʼa, no ibeʼe ginötö ba nono mbanuania Yehowa enaʼö tola larasoi howu-howu ba waradaiso wamati.
