ME DÖFI 1919, so dombua wamaʼeleʼö soʼamakhaita salua yaʼia daʼö sanandrösa ba ’döla soköli’ hegöi si ’darua samaduhuʼö’. Angilata sanandrösa ba ’döla soköli’ daʼö zamaʼeleʼö wa no ara numalö ginötö (ba zi hauga abad), awena ifuli zui teʼorifi nono mbanua Lowalangi sato sibai. (Hez. 37:2-4; Fam. 11:1-3, 7-13) Famaʼeleʼö sanandrösa ba zi ’darua samaduhuʼö’ daʼö zangoromaʼö wa lö ara ginötö (iʼotarai gangohorita 1914 ofeta böröta 1919), ifuli teʼorifi ngawawa nono mbanua Lowalangi si lö atoto. Alua wamaʼeleʼö si dombua andre me 1919 ba ginötö itolo nono mbanuania nibayoini Yehowa enaʼö ”mozizio” ira, eluahania teʼefaʼö ira ba wangoloiʼö Mbabilona Sebua, ba owulo ira ba mbanua niha Keriso si no tebohouni.​—Hez. 37:10.

Hizaʼi, so waʼafaehu wamaʼeleʼö si dombua andrö. Famaʼeleʼö sanandrösa ba ’döla soköli’ zangoromaʼö wa teʼorifi fefu niha nibayoini si toröi nasa ba gulidanö. Hizaʼi si ’darua samaduhuʼö’ zangoromaʼö wa teʼorifi ösa nono mbanua Lowalangi nibayoini yaʼia daʼö niha sondröniaʼö ba organisasi ba nifataro tobali ’sawuyu si lö faröi ba satua-tua’.​—Mat. 24:45; Fam. 11:6. *

1. ME NO AEFA 100 M

   Iʼotarai abad si dua: Hulö zi no mubunu fefu niha Keriso nibayoini irege ’afönu ndraso daʼö töla niha’

2. BÖRÖTA 1919

   1919: Tesusugi ’döla soköli’ yaʼia me iʼefaʼö fefu niha nibayoini andrö Yehowa moroi ba Mbabilona Sebua ba teʼowuloi ira ba mbanua niha Keriso si no tebohouni

1. ANGOHORITA 1914

   manuriaigö ba ”laʼonukha goni”

   1914: ”Darua zamaduhuʼö” sanuriaigö ”laʼonukha goni” tölu fakhe a matonga waʼara aefa daʼö mubunu ira

2. latörö waʼamate

3. BÖRÖTA 1919

   1919: Teʼorifi zi ’darua samaduhuʼö’ yaʼia me so ndra talifusö si lö atoto sondröniaʼö ba organisasi nifataro tobali ’sawuyu si lö faröi ba satua-tua’