FAZA 18
”Mohola Wönugu Sabölö-bölö”
TUHO: Mofönu Yehowa börö wasuwöta nifalua Gogi, ba itolo nono mbanuania Yehowa ba Hamagedo
1-3. (a) Hadia lua-luania me ’mohola wönu Yehowa sabölö-bölö’? (Faigi gambara ba wamobörö wamahaʼö.) (b) Hadia nitutunöda ba faza daʼa?
KHALAIGÖ me mozizio mato hadauga ndra matua, ira alawe hegöi iraono ba laʼanunöisi zinunö Mbanua Lowalangi. Aefa daʼö, samösa zatua sokubaloi mangandrö ia soroi ba dödö, iʼandrö wolumöʼö moroi khö Yehowa. Faduhu dödö zangondrasi wa irorogö ira Yehowa. Hewaʼae simanö, moguna nasa khöra wondrara dödö ba faʼafaduhu dödö. Larongo-rongo ugu-ugu wasuwöta salua moroi baero. No tebörögö Hamagedo!—Fam. 16:14, 16.
2 Sagötö wasuwöta ba Hamagedo, ihori fefu niha Yehowa börö me ’mohola wönunia sabölö-bölö’ tenga me lö khönia faʼahakhö dödö. (Baso Hezekieli 38:18.) Iduwagö wönunia sabölö-bölö ba niha si tebai muʼerai faʼato ba zi sagörö ulidanö, tenga ha ba zi sambua ngawawa ndra saradadu mazui ba zi sambua soi. Ba luo daʼö, fadela tou ba danö fefu niha nibubunu Yehowa, ”iʼotarai ba wondrege danö numalö ba wondrege danö misa”.—Yer. 25:29, 33.
2 Mo. 34:6; 1 Yo. 4:16) Datafatunö daʼa börö me ibeʼe khöda wondrara dödö, faʼabarani hegöi famarou dödö ba wanuriaigö.
3 Hana wa ’mohola wönu Yehowa’? Hadia tenga Lowalangi sebua faʼomasi ia, ’sahakhö tödö ba si sökhi tödö’ ba si ”lö alio mofönu”? (Hadia Mbörö Wa ’Mohola Wönu Yehowa Sabölö-bölö’?
4, 5. Hadia gamaehuta wönu Lowalangi faoma fönu niha?
4 Moguna aboto ba dödöda wa faböʼö wönu nifalua Yehowa moroi ba wönu niha gulidanö si lö moʼahonoa. Si toʼölönia, lö laʼila lataha wönura niha irege nifaluara andrö möi famaʼala niha böʼö. Duma-dumania, ono siaʼa khö Gadamo sotöi Kaʼino ”mofönu sibai” ia börö me lö omasi Yehowa zumange nibeʼenia hizaʼi itema zumange nibeʼe Habeli. Lua-luania, ibunu nakhinia hewaʼae lö hadöi sala nifaluania. (1 Mo. 4:3-8; Heb. 11:4) Duma-duma tanö böʼö yaʼia daʼö Dawido nifotöi niha sangomusoiʼö tödö Yehowa. (Hal. 13:22) Yaʼia andre niha si sökhi simanö göi nono buania, hizaʼi me iʼoʼaya ira Nabalo, arakhagö ifalua horö sebua khö Nabalo niha si kayo ba sebolo tanö andrö. Börö waʼaukhu dödönia khö Nabalo si lö mangila mangandrö saohagölö, ’iböbö wödania Dawido ba löwi-löwinia’ simanö göi ndraono buania, möi ira ba wamunu Nabalo awö ndra matua si so ba nösi nomonia. Harazaki me mofozu Abigaila foʼomo Nabalo ba wondrara tödö Dawido hegöi ono buania enaʼö lö lasulöni zi lö sökhi andrö. (1 Sa. 25:9-14, 32, 33) Daʼö mbörö wa lö ahöli dödöda me isura mbukunia Yakobo niʼehehaini Yehowa imane, ”Börö me fönu niha andrö, lö iʼasogö waʼatulö ba wamaigi Lowalangi.”—Yak. 1:20.
Na mofönu Yehowa tola itaha ba lö ifalua-lua manö na lö börö
5 Na mofönu Yehowa tola itaha ba lö ifalua-lua manö na lö börö, tenga simane fönu niha. Hewaʼae na mofönu sibai ia ba lö tebulö ifalua zatulö. Ba ginötö isuwö zi faʼudu khönia, lö irai ”ihori niha satulö fao ba niha si lö sökhi”. (1 Mo. 18:22-25) So mbörö wa mofönu Yehowa. Datafaigi hadia mbörö ba hadia göi wamahaʼönia khöda.
6. Hadia nifalua Yehowa ba ginötö laʼoʼaya döinia?
6 Si tobali börö: Teʼoʼaya döi Yehowa. So niha sangotöigö wa yaʼira andrö salahi Yehowa, hizaʼi laʼobousi döinia börö gamuatara si lö sökhi. Andrö wa sinangea na mofönu Yehowa. (Hez. 36:23) Simane si no tafatunö ba faza silalö, amuata hegöi nifalua ndraono Gizaraʼeli sindruhu-ndruhu wa möi fangoʼaya döi Yehowa. Andrö wa sinangea na mofönu khöra Yehowa. Hewaʼae simanö, so nola wanguhuku nifalua Yehowa ba nono mbanuania ba tenga si lö faʼahakhö dödö. (Yer. 30:11) Na no aʼozu wanguhukunia, lö saʼae abao dödönia.—Si. 103:9.
7, 8. Hadia manö wamahaʼönia khöda nifalua Yehowa ba ndraono Gizaraʼeli?
Yes. 43:10) Fehede hegöi amuatada zondrönisi tödö niha khö Lowalangi nisalahinida. Böi taʼodödögö wamalua horö irege teʼoʼaya döi Yehowa. Na tafalua zimane daʼö, hasambalö mofönu Yehowa börö me hulö zamodombua tödö ita. Alio ara, hasambalö ifalua wönunia Yehowa börö döinia si sökhi.—Heb. 3:13, 15; 2 Fe. 2:1, 2.
7 Famahaʼönia: Tobali famangelama sabeʼe khöda nifalua Yehowa ba ndraono Gizaraʼeli. Simane yaʼira, no tebeʼe khöda döi sebua ba wangotöigö töi Yehowa. Yaʼita andre Samaduhuʼö Yehowa. (8 Me no tebeʼe khöda wamangelama wa tola ’mohola wönu Yehowa sabölö-bölö’, hadia alawö ita ba wangondrasi yaʼia? Löʼö. Aboto ba dödöda wa sebolo tödö Yehowa ba somasi mangefaʼö sala. (Yes. 55:7; Rom. 2:4) Hizaʼi, aboto göi ba dödöda wa ibeʼe degu-degu na moguna. Na lö iböhöli wamalua horö si samösa niha, mofönu Yehowa ba lö itehegö so zimane daʼö ba gotalua nono mbanuania. (1 Ko. 5:11-13) Daʼa mbörö wa itugu tafosumange Yehowa. No göi ifatunö khöda hadia zi tola mangandrö fönunia. Andrö, dataʼaröuʼö ita ba gamuata hegöi nifaluada si möi börö wönunia.—Yoh. 3:36; Rom. 1:26-32; Yak. 4:8.
9, 10. Hadia nifalua Yehowa na edöna teʼala nono mbanuania? Beʼe duma-duma.
9 Si tobali börö: Tefakao nono mbanua Yehowa si lö faröi. Mofönu Yehowa na so zanuwö ono mbanuania si lö faröi ba somasi molumöʼö yaʼira khönia. Duma-dumania, me no aheta ndraono Gizaraʼeli ba danö Miserai, maoso Waraʼo awö ndra saradadunia sagabölö lagohi nono mbanua Lowalangi si no teʼuʼu ba zinga Nasi Soyo ba hulö zi lö faʼabölö ira. Hizaʼi, me lagohi ndraono Gizaraʼeli ira saradadu Waraʼo ba dalu nasi soköli, iʼefasi gaolo-gaolo gureta wasuwöta khöra Yehowa ba ihöndrögö ira ba nasi. ”Samösa lö sauri.” (2 Mo. 14:25-28) Mohola wönu Yehowa ba niha Miserai börö ’waʼomasinia si lö faröi’ ba nono mbanuania.—Baso 2 Moze 15:9-13.
Simane malaʼika solumöʼö ono mbanua Lowalangi ba danga zaradadu Asiria ba götö Hizikia, lalumöʼö göi ita ira malaʼika iadaʼa (Faigi ngenoli si 10, 23)
10 Börö waʼomasi Yehowa, andrö wa ihalö gangetula ba wanolo ono mbanuania ba götö Razo Hizikia. Me luo daʼö, tehöngö waʼabölö hegöi faʼalösökhi zaradadu Asiria, lafetaʼu ba edöna lafaʼuʼu mbanua Yeruzalema. Na aʼozu lafaʼuʼu, tola manö tefakao ba tehori nono mbanua Yehowa si lö faröi. (2 Ra. 18:27) Börö daʼö, ifatenge samösa malaʼikania Yehowa ba wamunu saradadu si 185.000 ha ba zi sara wongi! (2 Ra. 19:34, 35) Khalaigö atö waʼataʼu sabölö-bölö salua ba zi fasui ose zaradadu Asiria ba zihulö wongi daʼö. No fadela tou mboto zi mate ba zinga nose si lö nini-nini. Lö hadöi li dorofe sanusugi ira saradadu me tohare zanuwö. Toho, baluse hegöi födara, samösa lö hadöi sombambaya.
11. Hana wa möi fondrara dödöda ba itugu barani ita na itörö tödöda duma-duma nifalua Yehowa me arakhagö teʼala nono mbanuania?
Heb. 10:31) Hizaʼi, duma-duma salua andrö tobali fondrara dödö ba ibeʼe khöda waʼabarani. Terara dödöda börö me taʼila wa lö mofozu nududa sebua yaʼia daʼö Satana. Famatörönia si ”lö ara tö” hasambalö tehori! (Fam. 12:12) Fatua lö alua daʼö, lö khöda faʼataʼu ba wamosumange Yehowa börö me faduhu dödöda wa lö niha, organisasi mazui ira samatörö si tola manaisi yaʼita ba wamalua ohitö dödö Lowalangi. (Baso Zinunö 118:6-9.) Faʼafaduhu dödöda fagölö simane niwaʼö zinenge sotöi Faulo si no manema eheha, ”Na fao khöda Lowalangi, haniha zolawa yaʼita?”—Rom. 8:31.
11 Famahaʼönia: Tobali famangelama ba zi faʼudu khöda nifalua Yehowa andrö me lafetaʼu nono mbanuania. ”Hawaʼataʼuda na aekhu ita ba danga Lowalangi sauri” ba ginötö mohola wönunia. (12. Sagötö wamakao sabölö-bölö, hadia mbörö wa mofönu Yehowa?
12 Sagötö wamakao sabölö-bölö, ilumöʼö ita Yehowa simane folumöʼönia iraono Gizaraʼeli si no lafaʼuʼu ira niha Miserai ba iʼefaʼö göi niha Yahudi si so ba Yeruzalema nifaʼuʼu ndra saradadu Zak. 2:8, 9) Ifalua wangohori sebua si lö irai alua. Hizaʼi sindruhunia, lö tokea nudu Lowalangi Yehowa ba ginötö mofönu ia khöra. Hadia mbörö?
Asiria. Na edöna nudu ba wangohori yaʼita, mofönu sibai Yehowa börö me iʼomasiʼö ita. Udu sambö tödö sanuwö yaʼita, amaedola zombambaya ono hörönia. Iʼanemaiʼö ihalö gangetula. (Hadia Manö Wamangelama Nibeʼe Yehowa?
13. Hadia manö wamangelama nibeʼe Yehowa?
13 ”Lö alio mofönu” Yehowa. No hauga kali ibeʼe wamangelama ba niha solawa ba samakao ono mbanuania wa hasambalö ihori ira. (2 Mo. 34:6, 7) Iʼogunaʼö ndra samaʼeleʼö khönia Yehowa simane Yeremia, Hezekieli, Danieli, simanö göi Keriso Yesu hegöi ira sinengenia sotöi Fetero, Faulo ba Yohane ba wameʼe famangelama wa fefu nudunia tehori dania ira ba wasuwöta sebua.—Faigi kotak ”Famangelama si Otarai Yehowa Sanandrösa ba Wasuwöta Sebua”.
14, 15. Hadia manö zi no ifalua Yehowa ba hadia mbörö?
Zef. 1:14; Si. 2:10-12; 110:3) Ifarou nono mbanuania ba wamoʼeluaha publikasi si teʼodane-dane ba Zura Niʼamoniʼö ba zi hauga ngaotu ngawalö li. Labeʼe göi ginötöra miliaran jam ero röfi ba wanuriaigö buʼusa li hegöi famangelama si otarai Daromalinia.
14 No itatugöi Yehowa enaʼö tesura wamangelama andrö ba Daromalinia. No ihonogöi enaʼö Sura Niʼamoniʼö zabölö oya mufoʼeluaha ba tefazawili misa. Ba zi sagörö ulidanö, ifarou niha si hulu tödö si no amaedola ngawawa zaradadu sato ba wanolo niha enaʼö tobali ira si fahuwu khö Lowalangi ba labeʼe göi wamangelama wa ”no ahatö ngaluo sebua andrö khö Yehowa”. (15 Yehowa zotatugöi enaʼö toföfö wamalua halöwö andrö ”börö me lö omasi ia na tekiko fazamösa. Omasi ia enaʼö dozi lafalalini gera-erara”. (2 Fe. 3:9) Sindruhu sa wa no töi sebua khöda ba wosalahini Lowalangida sebolo tödö ba sebua faʼomasi me fao ita ba wamaʼema turia moroi khönia! Hizaʼi, ba zi lö ara tö, lö saʼae inötö ba niha si lö mamondrondrongo famangelama si otarai Lowalangi.
Hawaʼara ”Mohola” Wönu Yehowa?
16, 17. Hezo iʼila Yehowa hawaʼara lasuwö nono mbanuania? Tutunö.
16 No ihonogöi Yehowa hawaʼara alua wasuwöta safuria andrö. No iʼila hawaʼara tohare nudu ba wanuwö ono mbanuania. (Mat. 24:36) Hezo iʼila daʼö Yehowa?
17 Simane nitutunöda ba faza silalö, imane Yehowa khö Gogi, ”Ubeʼe gai ba zimbimö.” Idönisi dania ngawalö soi enaʼö lafalua wasuwöta si tobali fangöndru wasuwöta safuria andrö. (Hez. 38:4) Hewaʼae simanö, tenga daʼö geluahania wa Yehowa zamörögö fasuwöta mazui ifaso nudunia ba wamalua ohitö dödönia. Hizaʼi, daʼa zangoromaʼö wa iʼila nösi dödö niha Yehowa ba aboto ba dödönia nifalua nudu ba zi sambua inötö.—Si. 94:11; Yes. 46:9, 10; Yer. 17:10.
18. Hana wa edöna fasuwö niha khö Lowalangi Fondrege Zabölö?
18 Na tenga Yehowa zamörögö fasuwöta andrö mazui ifaso nudunia wamalua fasuwöta, hana wa omasi niha lalawa Wondrege Zabölö? Ba ginötö daʼö, no aʼozu ira ba wangohori organisasi agama sofaya ba gulidanö. Andrö, te lamane tödöra wa lö hadöi Lowalangi mazui lö ilau rörönia nifalua niha ba Fam. 17:16, 17.
gulidanö. Na sindruhu so Lowalangi, tatu manö wa iʼoʼawögö organisasi sosalahini yaʼia. Lö laʼila wa Yehowa zameʼe ba dödöra faʼedöna ba wangohori agama si no manaʼunöisi töinia.—19. Hadia zi tola alua na no aefa tehori agama sofaya?
19 Ba zi samuza inötö me no tehori agama sofaya, te ibeʼe halöwö ba nono mbanuania Yehowa ba wamaʼema turia sabeʼe. Iʼamaedolagö duria daʼö ba mbuku Wamaʼeleʼö hulö deu esi, faʼabuania ero sambua mato 20 kilogram. (Fam. 16:21) Turia daʼö te angombakhata wa lö ara tö tehori politik hegöi lala wogale. Alangu dödö niha samondrongo irege laʼoʼaya Lowalangi. Te turia daʼö mbörö wa aukhu dödö ngawalö soi ba lahori nono mbanua Lowalangi. Omasi ira na laduhö mbawada sagötö faʼara. Lawalinga lö faʼabölöda ba aoha sibai wamunu yaʼita lawaʼö. Sindruhu-ndruhu wa fasala ira!
Hewisa Wangoromaʼö Yehowa Fönunia?
20, 21. Haniha Gogi andrö, ba hadia dania zalua khönia?
20 Simane si no tatutunö ba Faza 17, ifaʼeleʼö Hezekieli sanandrösa khö ’Gogi moroi ba danö Magogi’, yaʼia daʼö angorudua fefu soi sanuwö yaʼita. (Hez. 38:2) Hizaʼi, ha bana si sara zangosambuaʼö soi daʼö fefu. Hewaʼae na hulö zi no falulu fohalöwö ira, sindruhunia lö laböhöli wahindrisa, lawaʼö wa yaʼira zabölö pade ba abölö laʼofönaiʼö soira zamösana. Aoha sibai khö Yehowa enaʼö faoma lasuwö nawöra. (Hez. 38:21) Hizaʼi, sangohori yaʼira dania tenga famakao nilau niha.
21 Fatua lö tehori zi faʼudu khöda, laʼila dania dandra Nono niha andrö. Te daʼa dandra sahöli-höli dödö sangoromaʼö faʼabölö Yehowa hegöi Yesu. (Mat. 24:30) Oroma ba nudu ngawalö zi möi famanizi dödöra. Ifaʼeleʼö Yesu, ”Atata döla niha börö waʼataʼu ba börö me lakhalaigö hadia zalua ba gulidanö.” (Luk. 21:25-27) Manizi ira ba waʼataʼu börö me awena aboto ba dödöra wa tenga sinangea menaʼö lasuwö nono mbanua Yehowa. He na omasi ira he na löʼö, hasambalö laʼila hewisa Zomböi, Yehowa samatörö saradadu zorugo tobali ia Kafalo Zaradadu ba wasuwöta. (Si. 46:6-11; Hez. 38:23) Ifarou ndra saradadunia Yehowa si so ba zorugo hegöi faʼabölö mbanua awö danö ba wolumöʼö ono mbanuania si lö faröi ba tehori fefu nudunia.—Baso 2 Fetero 2:9.
Ba ginötö lafetaʼu nono mbanuania, ifarou ndra saradadunia Yehowa si so ba zorugo hegöi faʼabölö mbanua awö danö ba wamalua fönunia (Faigi ngenoli si 21)
22, 23. Haniha zolumöʼö ono mbanua Lowalangi, ba hewisa dödöra ba halöwö nibeʼe khöra?
Börö me aboto ba dödöda sanandrösa ba ngaluo Yehowa, hadia zi tobali famarou dödöda?
22 Khalaigö waʼaterou dödö Yesu me idöniaʼö wasuwöta ba wangohori si faʼudu khö Lowalangi ba ilumöʼö niha sangomasiʼö ba sangai halöwö Namania. Khalaigö göi hewisa dödö ndra niha nibayoini. Fatua lö tohare Hamagedo, tefazawa dania ba zorugo niha nibayoini si toröi ba gulidanö, irege fefu zi 144.000 fao ira khö Yesu ba wasuwöta. (Fam. 17:12-14) Sagötö ngaluo safuria, ato moroi ba gotalua niha nibayoini zi falulu fohalöwö ba si fahuwu ba mbiri-biri tanö böʼö. Ba Hamagedo dania, no tebeʼe kuaso hegöi halöwö ba niha nibayoini ba wangoʼawögö niha sotuhini yaʼira sagötö me alua mbaŵa si lö sökhi.—Mat. 25:31-40.
23 Saradadu Yesu ba zorugo farahu göi ndra malaʼika. (2 Te. 1:7; Fam. 19:14) No latolo ia me ifofanö Zatana awö ndra malaʼika si lö sökhi ba zorugo. (Fam. 12:7-9) Fao göi ira ba wangowuloi niha somasi mamosumange Yehowa. (Fam. 14:6, 7) Börö daʼö tefaudu sibai na iʼogunaʼö dania ndra malaʼika andrö Yehowa ba wolumöʼö ono mbanuania si lö faröi! Hizaʼi sindruhunia, sabölö laʼofönaiʼö ero samösa yaʼia daʼö sanandrösa ba döi si sökhi niʼokhögö Yehowa. Andrö wa tobali töi sebua khöra na fao ira ba wangohori si faʼudu khö Lowalangi börö me daʼö lala ba wangamoniʼö hegöi ba wamaduhuʼö töi Yehowa.—Mat. 6:9, 10.
24. Hadia nifalua ngawawa sato yaʼia daʼö biri-biri tanö böʼö?
24 Börö wolumöʼö moroi khö ndra saradadu sagabölö ba si terou tödö, andrö wa lö hadöi faʼataʼu ba ngawawa sato sibai. Tobali, fefu mbiri-biri tanö böʼö ’mosindro ira ba lafaöga mbawara börö me lö ara tö ginötö wangefaʼö andrö’. (Luk. 21:28) Fatua lö tohare luo Yehowa, moguna sibai tabeʼe ginötöda ba wanolo niha böʼö enaʼö aboto ba dödöra ba laʼomasiʼö Namada sebua faʼahakhö dödö solumöʼö yaʼita!—Baso Zefania 2:2, 3.
Lö fasuwö nono mbanua Yehowa na alua Hamagedo. Ilumöʼö ira malaʼika ba ginötö faoma fasuwö nudura.—Hez. 38:21 (Faigi ngenoli si 22-24)
25. Hadia nifatunöda ba wamahaʼö aefa daʼa?
25 Si toʼölönia faʼafawuka ba famakao, daʼö lua-lua wasuwöta nilau niha. Hizaʼi faʼohahau dödö ba faʼatulö, daʼö lua-lua wasuwöta Hamagedo. Hadia zalua na no alö wönu Yehowa me no lasaembugö wödara ira saradadu, ba lö saʼae terongo li zanuwö? Tafatunö ba faza aefa daʼa ngawalö zahöli-höli dödö salua andrö ba zi so miföna.