Angeragö Hadia Zadöni Dödö Niha Böʼö

FUTA

Goi-goi: ”Faʼomasi . . . lö iʼalui dana khönia.”—1 Ko. 13:4, 5.

Hadia Nifalua Yesu?

VIDEO: Yesu hegöi Ira Alawe ba Zinga Mbaʼa Nidanö

1. Faigi VIDEO, mazui baso Yohane 4:6-9. Aefa daʼö, angeragö wanofu-nofu daʼa:

Hadia nifalua Yesu fatua lö ibörögö wahuhuosa khö ndra alawe andrö?
Imane Yesu: ”Hadia tola uʼandrö khöu nidanö.” Hana wa tefaudu sibai lala wamörögönia fahuhuosa andrö?

2. Abölö omasi niha fahuhuo khöda na tatutunö khöra duho sadöni dödöra.

3. Böi fatandro. Böi tafaso wanutunö tuho si no tafaʼanö. Börögö huhuomö ba duho sadöni dödö niha ba zi maʼökhö daʼö. Sofu khöu samösa:

ʼHadia duria salua barö-barö daʼa?’
ʼHadia zasese ladunö-dunö si falazi omo khögu, awögu wohalöwö mazui awögu ba zekola?’

4. Haogö nehegö. Sofu khöu samösa:

ʼHadia nifaluania? Hadia niʼangeragönia?’
ʼNa önehegö lagu wonukhania, sikhalania, omonia, hadia nifaduhusinia tödö ba hezo moroi mbanuania?’
ʼHadia tefaudu ginötönia na fahuhuodo khönia iadaʼa?’

5. Fondrondrongo.

Böi talafo oya huhuomö.
Beʼe khönia wamarou dödö enaʼö itutunö khöu nösi dödönia. Na tola, beʼe khönia wanofu.

FAʼOMASI BA NIHA—MUBALIʼÖ NIFAHAʼÖ

Nias

Angeragö Hadia Zadöni Dödö Niha Böʼö

https://cms-imgp.jw-cdn.org/img/p/1102023301/univ/art/1102023301_univ_sqr_xl.jpg

lmd famaha’ö 1