MUBALIʼÖ NIFAHAʼÖ
FAMAHAʼÖ 10
Fangodödögö
Goi-goi: ”Mahalö gangetula ba wamaʼema turia somuso dödö khömi moroi khö Lowalangi, ba matehegö waʼaurima börö waʼomasima khömi.”—1 Te. 2:8.
Hadia Nifalua Yesu?
1. Faigi VIDEO, mazui baso Yohane 3:1, 2. Aefa daʼö, angeragö wanofu-nofu daʼa:
-
Moloʼö yaʼugö, hadia mbörö wa ba zi bongi möi Nikodemo ba wangondrasi Yesu?—Faigi Yohane 12:42, 43.
-
Moroi ba waö-waö daʼa, hewisa wangoromaʼö Yesu famoregenia ba wombaliʼö nifahaʼö?
Hadia Wamahaʼönia Khöda?
2. Börö waʼomasida ba niha, andrö taforege wanolo yaʼira enaʼö tobali ira nifahaʼö Yesu.
Oʼö Yesu
3. Tatugöi nahia hegöi inötö si tefaudu ba niha nifahaʼöu ba Zura Niʼamoniʼö. Tola manö omasi ia na ifahaʼö ia ba ngaluo mazui inötö somasi ia. Hadia abölö omasi ia na ba nahia wohalöwönia, ba nomonia, mazui ba nahia sato niha? Na tola, faudugö ginötömö ba zomasi ia.
4. Falua wamahaʼö ero inötö si no mutatugöi. Na lö molala ndraʼugö, böi anemaiʼö waʼö wa lö möiʼö. Sökhi na öʼangeragö sakali:
5. Angandrö enaʼö öʼokhögö wangera-ngera si sökhi. Na tebai ifahaʼö ia ero inötö niha nifahaʼöu mazui abua khönia wamalua mene-mene Zura Niʼamoniʼö, angandrö khö Yehowa enaʼö lö awuwu ndraʼugö ba wamahaʼö yaʼia. (Fil. 2:13) Tatu manö so gamuata si sökhi niʼokhögö niha nifahaʼömö andrö. Börö daʼö, angandrö enaʼö tola öʼosambua dödömö ba gamuatania si sökhi.
