LALA BA WAMÖRÖGÖ FAHUHUOSA
FAMAHAʼÖ 4
Fangide-ngideʼö
Goi-goi: ”Miʼide-ideʼö ami, enaʼö alawa niha böʼö miwaʼö tödömi.”—Fil. 2:3.
Hadia Nifalua Waulo?
1. Faigi VIDEO, mazui baso Halöwö Zinenge 26:2, 3. Aefa daʼö, angeragö wanofu-nofu daʼa:
-
Hewisa Waulo wangoromaʼönia fangide-ngideʼö me fahuhuo ia khö Razo Agerifa?
-
Hewisa Waulo wondrönisi tödö niha khö Yehowa hegöi ba Daromali, tenga khönia samösa?—Faigi Halöwö Zinenge 26:22.
Hadia Wamahaʼönia Khöda?
2. Na fahuhuo ita si fao fangide-ngideʼö, itugu adöni dödö niha ba wamondrondrongo turia nifaʼemada.
Oʼö Waulo
3. Böi aohasi ba dödö niha böʼö. Böi foromaʼö wa hulö abölö atua-tua ndraʼugö moroi ba niha si fahuhuo khöu. Haogö wahuhuosa.
4. Foromaʼö wa moroi ba Zura Niʼamoniʼö duho nitutunömö khönia. Tola tofakha ba dödö niha Daromali Lowalangi. Na taʼogunaʼö daʼö, no taʼotomosi wamatira ba dane-dane saro.
5. Haogö wahuhuosa. Böi fabuʼa-buʼa ha ba wangoromaʼö wa atulö fefu niwaʼömö. Foromaʼö wangide-ngideʼö ba taha dödöu. Faigi ginötö hawaʼara öbato wahuhuosa. (Amd. 17:14; Tit. 3:2) Na tahaogö-haogö wehededa, tola manö lafondrondrongo duria nifaʼemada ba ginötö tanö böʼö.
