MUFULI MUFALUKHAISI
FAMAHAʼÖ 8
Faʼebolo Dödö
Goi-goi: ”Faʼomasi andrö ba no sebolo tödö.”—1 Ko. 13:4.
Hadia Nifalua Yesu?
1. Faigi VIDEO, mazui baso Yohane 7:3-5 hegöi 1 Korindro 15:3, 4, 7. Aefa daʼö, angeragö wanofu-nofu daʼa:
Hadia Wamahaʼönia Khöda?
2. Moguna so khöda waʼebolo dödö börö me so ösa niha sara manemaʼö sindruhu.
Oʼö Yesu
3. Tandraigö falua lala tanö böʼö. Böi faso ia na lö iʼanemaiʼö omasi ifahaʼö ia ba Zura Niʼamoniʼö. Na tola, futa khönia video mazui bokai artikel sangoromaʼö hewisa wamalua famahaʼö ba Zura Niʼamoniʼö ba hadia gunania khönia.
4. Böi faedo-faedogö. No faböʼö-böʼö niha ero zamösana. Na so nösi nomoda mazui niha si no irai tafalukhaisi saombö tödö ba wanemaʼö sindruhu mazui famahaʼö moroi ba Zura Niʼamoniʼö, alui hadia mbörö wa simane daʼö ia. Hadia so zi faduhu dödönia si tebai iröi? Hadia so wanaisi moroi ba zi faola omo khönia mazui moroi ba nösi nomonia? Beʼe khönia ginötö ba woʼangerönusi hadia zi no midunö-dunö hegöi ba wangiʼila wa sindruhunia atulö niwaʼö Zura Niʼamoniʼö.
5. Angandrö. Andrö wanolo khö Yehowa enaʼö tola öʼokhögö lala wangera-ngera si sökhi ba öhalö gangetula si fao faʼatua-tua. Andrö waʼatua-tua moroi khö Yehowa enaʼö öʼila hadia adöni dödö zi samösa niha ba zindruhu ba hadia moguna öfuli öfalukhaisi ia.—1 Ko. 9:26.
