FAOSATÖ 5
Ba Götö Noʼakhi—Haniha Zamondrondrongo Li Lowalangi? Ba Haniha zi Löʼö?
Ato niha ba götö Noakhi lafalua zi lö sökhi. 1 Moze 6:5
Tumbu ndraono khö Gadamo ba Khawa, ba itugu ato niha ba gulidanö. Ba gafuriata, ato ndra malaʼika si fao khö Zatana ba wolawa Lowalangi.
Möi ira ba gulidanö laʼoboto ngaʼeu niha enaʼö tola mangowalu ira ba nono alawe ba gulidanö. Ba moʼono ndra alawe andrö niha sagamuʼi ba niha sagabölö.
Afönu gulidanö niha si lö sökhi. Imane Sura Niʼamoniʼö, ”Itugu lö sökhi zalua ba gulidanö. Oi si lö sökhi manö gera-era awö nikhoi dödöra.”
Ifazökhi nowo Noakhi, iʼoʼö niwaʼö Lowalangi khönia. 1 Moze 6:13, 14, 18, 19, 22
Noakhi andrö niha si sökhi amuata. Iʼombakhaʼö Yehowa khö Noakhi wa Inönöi Danö Idanö ba wangohori niha si lö sökhi.
Ifarou Noakhi Yehowa wamazökhi owo sebua, ba iʼohe yawa zoroi yomonia awö ngawalö gurifö.
Ifangelama niha sato Noakhi wa lö ara tö Anönö Danö Idanö, tobali, lö faduhu dödöra. So zangoʼaya Noakhi; ba so göi zi fatuwu khönia.
Me no awai ifazökhi nowo Noakhi, iʼohe yawa fefu ngawalö gurifö.
Te Göi Adöni Dödöu
SURA NI’AMONI’Ö—HADIA NÖSINIA?
Te’orifi Niha Moroi ba Wa’anönö Danö Idanö
Hewisa wa’alösökhi tedou ba gulidanö? Hewisa wangoroma’ö Noakhi wa lö faröi ia?
