FAOSATÖ 7
Haniha Yesu?
Yehowa zamatenge Yesu ba gulidanö. 1 Yohane 4:9
Na omasi ita taʼomusoiʼö dödö Yehowa, moguna tafondrondrongo li Yesu. Haniha ia? Fatua lö tewöwöi Gadamo, so mboto eheha sabölö nifazökhi Yehowa ba zorugo.
Aefa daʼö, ifatenge ia Yehowa ba gulidanö, tumbu ia ba Mbetilekhema khö nono alawe sotöi Maria. Labeʼe töinia Yesu.—Yohane 6:38.
Me so Yesu ba gulidanö, oroma moroi ba nifaluania gamuata Lowalangi. Sebua tödö ia, sebua faʼomasi, lö asiliawa. Lö ataʼu ia ba wamahaʼö niha sanandrösa khö Yehowa.
Si sökhi nifalua Yesu ba hizaʼi fatiu dödö niha khönia. 1 Fetero 2:21-24
Fatuwu ndra sondröniaʼö ba agama khö Yesu börö me idunö-dunö gamuata awö wamahaʼöra sofaya.
Ifadöhö wökhö niha Yesu, ba so ösa niha si no mate nisusuginia.
Ira sondröniaʼö ba agama lafarou dödö niha Roma ba wamözi hegöi ba wamunu Yesu.
Te Göi Adöni Dödöu
SURA NI’AMONI’Ö—HADIA NÖSINIA?
Tohare Mesia
Hewisa Yehowa wangoguna’ö mala’ika hegöi Yohane Samayagö Idanö ba wangombakha wa Yesu andrö Mesia? Hewisa wangombakha Yehowa wa Ononia Mesia?
SURA NI’AMONI’Ö—HADIA NÖSINIA?
Mamaha’ö Yesu sanandrösa ba Mbanua Lowalangi
Hadia duho wamaha’ö Yesu? Hewisa ia wangoroma’ö famatörönia te’odane-dane ba wa’omasi ba fa’atulö?
