FAOSATÖ 1
Hewisa Wamondrondrongoda Li Lowalangi?
Iʼodela Zura Niʼamoniʼö Lowalangi ba wahuhuosania khöda. 2 Timoteo 3:16
So ösa ndra matua nibeʼe Yehowa wanuturu lala ba wanura mbua gera-erania ba mbuku niʼamoniʼö. Buku daʼö yaʼia Zura Niʼamoniʼö. Bakha ba mbuku andre, so duria somasi Lowalangi enaʼö öʼila.
Iʼila Lowalangi hadia zi sökhi khöda. Na tafondrondrongo linia, ba tedou waʼatua-tuada.—Amaedola 1:5.
Omasi Lowalangi na fefu niha ba zi sagörö ulidanö labaso Zura Niʼamoniʼö. Iadaʼa, no tehenaigö Zura Niʼamoniʼö ba ngawalö li.
Na omasiʼö öfondrondrongo li Lowalangi, moguna öbaso ba aboto ba dödöu nösi Zura Niʼamoniʼö.
Ato niha ba zi sagörö ulidanö lafondrondrongo linia. Mataiʼo 28:19
Ira Samaduhuʼö Yehowa, tola latolo ndraʼugö enaʼö aboto ba dödöu Sura Niʼamoniʼö.
Ba zi sagörö ulidanö, lafahaʼö niha ba zindruhu sanandrösa khö Lowalangi.
Lö moguna öbeʼe gefe na öfahaʼö ndraʼugö ba Zura Niʼamoniʼö. Tola göi öfahaʼö ndraʼugö sanandrösa khö Lowalangi ba Balai Mbanua Lowalangi khö ndra Samaduhuʼö Yehowa sahatö ba zi so yaʼugö.
Te Göi Adöni Dödöu
ESSENTIAL BIBLE TEACHINGS
Hana Faduhu Dödöda Wa Sindruhu Nösi Zura Niʼamoniʼö?
Na sindruhu buku daʼa moroi khö Lowalangi, Sura Niʼamoniʼö lö tola löʼö faböʼö ia moroi ba mbuku tanö böʼö.
ESSENTIAL BIBLE TEACHINGS
Haniha Bua Gera-eraʼö Daromali Lowalangi andrö?
Na niha zanura, hadia tola lafotöi ia Daromali Lowalangi? Haniha bua gera-eraʼö zi so ba Zura Niʼamoniʼö?
SANANDRÖSA KHÖMA
Hewisa Halöwö Famahaʼö ba Zura Niʼamoniʼö Nifaluama?
Ba zi sagörö ulidanö, labeʼe wamahaʼö moroi ba Zura Niʼamoniʼö ira Samaduhuʼö Yehowa ba lö laʼandrö gefe. Faigi hewisa wamalua yaʼia. Ogunaʼö Zura Niʼamoniʼö si so khöu.
BUKU & BUKU SIDE-IDE
Hewisa Moloʼö Yaʼugö Zura Niʼamoniʼö?
Hadia ha buku nisura niha Zura Niʼamoniʼö mazui Taromali Lowalangi?
