Ba niha sangomasiʼö Lowalangi Yehowa hegöi Taromalinia, Sura Niʼamoniʼö:

”Aboto ba dödömi zindruhu, ba sindruhu andrö zangefaʼö yaʼami”, iwaʼö Yesu. (Yohane 8:32) Angeragö hewisa dödöu me awena öʼila zindruhu moroi ba Zura Niʼamoniʼö! Adöni dödöda me taʼila wa ba gulidanö safönu falimosa andre, tola tafahaʼö ita ba zindruhu.​—2 Timoteo 3:1.

Omasi Lowalangi Yehowa na aboto ba dödöda zindruhu. Ba börö me taʼomasiʼö niha böʼö, andrö wa omasi ita wangombakha khöra daʼa. Hizaʼi, sabölö moguna yaʼia daʼö famosumange Lowalangi. Moguna taforege enaʼö taʼokhögö mbua-bua niha Keriso börö me sindruhu-ndruhu tafosumange goi-goi Yehowa. Itutunö Yesu wa sabölö moguna taforomaʼö khö Lowalangi yaʼia daʼö faʼomasida khönia. Imane, ”Na miʼoʼö goroisagu, ba lö tebulö ami ba waʼomasigu andrö. Hulö simane yaʼo me ufalua goroisa Nama ba lö tebulö ndraʼo ba waʼomasinia.”​—Yohane 15:10.

Sindruhu-ndruhu iʼomasiʼö Namania Yesu, ba ifalua gofu hadia ia niʼandrö Namania. Na taʼoʼö Yesu ba waʼaurida, hasambalö iʼomasiʼö ita Yehowa ba sindruhu-ndruhu ohahau dödöda. Simane niwaʼö Yesu, ”no aboto ba dödömi daʼa fefu, ba abölö ohahau dödömi na mifalua”.​—Yohane 13:17.

Matötöna enaʼö publikasi andre möi fanolou ba wamahaʼö yaʼugö ba wangoʼaurifagö zindruhu ba Zura Niʼamoniʼö ba tobali ndraʼugö si fahuwu khö Lowalangi. Mangandröga salahiu enaʼö tedou ndraʼugö ba waʼomasiu khö Lowalangi ba lö tebulö so ndraʼugö ʼba lumö waʼomasi Lowalangi solohe yaʼugö ba waʼauri si lö aetuʼ.​—Yuda 21.