FAMAHAʼÖ 17
Hewisa Zindruhunia Gamuata Yesu Andrö?
Na tafahaʼö ita ba wehede hegöi ba nifalua Yesu sagötö feʼasonia ba gulidanö, tola aboto ba dödöda gamuatania. Amuatania si sökhi andrö, daʼö zamarou tödöda enaʼö fahuwu ita khönia hegöi khö Namania sotöi Yehowa. Hadia manö gamuata Yesu? Ba hewisa lalada ba woloʼö yaʼia?
1. Hezo oroma wa fakhili gamuata Yesu khö Namania?
Fatua lö möi Yesu ba gulidanö, no miliaran fakhe auri ia ba zorugo. Börö daʼö, inehe-nehegö Yesu hadia nifalua Namania ba ifahaʼö ia moroi ba daʼö. Andrö wa fagölö lala wangera-ngera Yesu, nifaluania hegöi nirasoinia simane Amania safönu faʼomasi. (Baso Yohane 5:19.) Fakhili-khili sibai gamuata Yesu khö Namania, irege imane, ”Dozi si no mangila yaʼo ba no göi iʼila Nama.” (Yohane 14:9) Börö daʼö, na öforege ba wangiʼila amuata Yesu, tatu itugu aboto göi ba dödöu sanandrösa khö Yehowa. Duma-dumania, börö me iʼameʼegö tödö niha böʼö Yesu, tola göi faduhu dödöu wa iʼameʼegö tödö sibai ndraʼugö Yehowa.
2. Hewisa wangoromaʼö Yesu wa iʼomasiʼö Yehowa?
Me so Yesu ba gulidanö, iforomaʼö wa iʼomasiʼö sibai Namania yaʼia me iʼoʼö fefu niwaʼö Namania hewaʼae na alua gabula dödö. Börö daʼö, imane Yesu, ”Enaʼö aboto ba dödö niha gulidanö wa uʼomasiʼö Nama, ufalua niwaʼö Nama khögu.” (Yohane 14:31) Baero daʼö, omasi Yesu idunö-dunö sanandrösa khö Namania ba itolo niha enaʼö tobali si fahuwu khö Namania.—Yohane 14:23.
3. Hewisa wangoromaʼö Yesu wa iʼomasiʼö niha gulidanö?
Itutunö khöda Sura Niʼamoniʼö wa ’omasi sibai Yesu niha gulidanö’. (Amaedola 8:31) Oroma waʼomasi Yesu moroi ba nifaluania. Itolo niha böʼö ba lö ifatou deʼalania. Wa ifalua dandra sahöli-höli dödö, tenga sibai börö me so khönia waʼabölö hizaʼi daʼö zangoromaʼö wa ihakhösi tödö niha böʼö. (Mareko 1:40-42) Lö ebua dödö zambuana ia. Ifalua zi sökhi ba niha fefu. Turia somuso dödö nifaʼemania, daʼö zameʼe fondrara dödö hegöi fanötöna ba niha samondrondrongo yaʼia. Itehegö tefakao ba mate ia börö me iʼomasiʼö niha gulidanö. Hizaʼi, abölö iʼomasiʼö niha samalua famahaʼönia.—Baso Yohane 15:13, 14.
ODÖDÖGÖ NASA WANGALUI
Tatutunö nasa dania sanandrösa ba gamuata Yesu, ba hewisa enaʼö tola tobali ita niha safönu faʼomasi ba soböwö simane nifaluania.
4. Iʼomasiʼö Namania Yesu
Moroi ba duma-duma Yesu, tola tafahaʼö ita lala ba wangoromaʼö faʼomasi khö Lowalangi. Baso Luka 6:12 hegöi Yohane 15:10; 17:26. Na no aefa öbaso ayati andrö, beʼe wanema li ba wanofu-nofu daʼa:
-
Hewisa wangoromaʼöda faʼomasi khö Yehowa simane nifalua Yesu?
Iʼomasiʼö sibai Namania andrö Yesu ba asese fahuhuo ia khö Namania ba wangandrö
5. Iʼameʼegö tödö zoguna ba niha böʼö Yesu
Abölö iʼofönaiʼö zoguna ba niha böʼö Yesu moroi ba zoguna khönia. Hewaʼae marase ia, ibeʼe ginötönia hegöi faʼabölönia ba wanolo niha böʼö. Baso Mareko 6:30-44, ba beʼe wanema li ba wanofu-nofu daʼa:
-
Moroi ba ayati daʼa, hadia zangoromaʼö wa iʼameʼegö tödö zoguna ba niha böʼö Yesu?—Faigi ayati 31, 34, 41, ba 42.
-
Hadia zamarou tödö Yesu ba wanolo niha böʼö?—Faigi ayati 34.
-
Börö me fakhili gamuata Yesu khö Yehowa, hadia wamahaʼö si tola öhalö moroi ba waö-waö daʼa sanandrösa khö Yehowa?
-
Hadia manö zi tola tafalua ba woloʼö Yesu, soʼameʼegö tödö niha böʼö?
6. Oböwö sibai Yesu
Hewaʼae na tenga niha sebua okhöta Yesu, hizaʼi oböwö sibai ia ba niha böʼö. Ifarou ita göi enaʼö oböwö ita ba niha. Baso Halöwö Zinenge 20:35, ba beʼe wanema li ba wanofu daʼa:
-
Moloʼö Yesu, hadia zameʼe khöda faʼomuso dödö?
Futa VIDEO, ba beʼe wanema li ba wanofu daʼa:
-
Hewaʼae na lö ebua gefeda, hadia manö zi tola tabeʼe ba niha böʼö?
Hadia öʼila?
Ifahaʼö ita Sura Niʼamoniʼö enaʼö mangandrö ita khö Yehowa ba tafaʼema wangandröda andrö ba döi Yesu. (Baso Yohane 16:23, 24.) Na tafalua daʼö, no taforomaʼö wa taʼameʼegö tödö nifalua Yesu ba wanolo yaʼita enaʼö tobali ita si fahuwu khö Yehowa.
SO ZANGUMAʼÖ: ”Lö iʼameʼegö tödö gabula dödöda Lowalangi.”
-
Börö me fakhili gamuata Yesu khö Namania, hewisa wa tola oroma moroi ba nifalua Yesu wa iʼameʼegö tödö ita Yehowa?
RAHU-RAHU WAMAHAʼÖ
Iʼomasiʼö niha gulidanö Yesu ba iʼomasiʼö göi Yehowa. Fakhili sibai Yesu khö Namania. Na itugu aboto ba dödöu sanandrösa khö Yesu, itugu aboto göi ba dödöu haniha Yehowa andrö.
Hadia Wamahaʼö si Tola Öhalö?
-
Simane Yesu, hewisa wangoromaʼöda faʼomasi khö Yehowa?
-
Hewisa göi wangoromaʼöda faʼomasi ba niha böʼö simane nifalua Yesu?
-
Hadia gamuata Yesu sabölö adöni dödöu?
ALUI NASA DANÖ BÖʼÖ
Hadia manö gamuata Yesu si tola taʼoʼö?
”Oʼö Yesu ba Yatobali Ndraʼugö Niha . . .” (Yesus—Jalan, Kebenaran, Kehidupan, ngaʼörö 317)
Hana wa moguna tafaʼema wangandröda ba döi Yesu?
”Hana Wa Moguna Tafaʼema Wangandröda ba Döi Yesu?” (Menara Pengawal, 1 Mbaŵa si Dua 2008)
Hadia itutunö khöda Sura Niʼamoniʼö hewisa zikhala Yesu?
Hadia wamahaʼö si tola tahalö moroi khö Yesu me iʼameʼegö tödö ndra alawe?
Te Göi Adöni Dödöu
SASESE LASOFU NIHA
Hewisa Wamahaʼö Zura Niʼamoniʼö Nifaʼema Ndra Samaduhuʼö Yehowa?
Lö muʼandrö gefe ba program daʼa. Tola öʼogunaʼö gofu hadia manö wamoʼeluaha Zura Niʼamoniʼö somasiʼö. Tola göi ökaoni nawöu mazui ösi nomou ba wefao khöu.
