FAMAHAʼÖ 21
Haniha Zanuriaigö Turia Somuso Dödö Iadaʼa?
Ba zi lö ara tö, iʼogunaʼö Wamatörönia Yehowa ba wangeheta fefu abula dödöda. Fefu niha moguna larongo duria somuso dödö andre. No iwaʼö Yesu khö ndra nifahaʼönia enaʼö laturiaigö duria somuso dödö andre ba niha fefu! (Mataiʼo 28:19, 20) Iadaʼa, hewisa wamalua ndra Samaduhuʼö Yehowa halöwö nibeʼe Yesu andre?
1. Hewisa wa tola alua nisura ba Mataiʼo 24:14 iadaʼa?
No ifaʼeleʼö Yesu: ”Teturiaigö dania Wamatörö Lowalangi andrö, turia somuso dödö ba zi sagörö ulidanö misa.” (Mataiʼo 24:14) Omuso dödö ndra Samaduhuʼö Yehowa ba wamalua halöwö sabölö sökhi andre. Ba zi sagörö ulidanö, maturiaigö duria somuso dödö ba zi töra 1.000 ngawalö li! Börö me halöwö sebua daʼa, oya zinangea mufalua ba moguna muföföʼö wamalua daʼö. Tola mafalua ia börö wanolo moroi khö Yehowa.
2. Hadia nifaluama enaʼö abölö ato niha nifalukhaisima?
Gofu hezo manö so niha, maturiaigö khöra duria somuso dödö. Simane niha Keriso ba götö siföföna, maturiaigö duria somuso dödö andre ”ba nomo-omo misa”. (Halöwö Zinenge 5:42) Börö me möiga ba nomo-omo misa, andrö wa zuta niha si tola mafalukhaisi ero röfi. Hizaʼi, börö me itaria lö hadöi niha ba nomora, andrö wa maturiaigö duria somuso dödö andre ba nahia sato niha. Maʼalui lala enaʼö tola mafatunö ba niha böʼö sanandrösa khö Yehowa hegöi ohitö dödönia.
3. Haʼökhö tebeʼe halöwö ba wanuriaigö turia somuso dödö?
Fefu niha Keriso sindruhu, moguna laturiaigö duria somuso dödö ba niha böʼö. Moloʼö yaʼaga, moguna sibai halöwö andre. Daʼö mbörö wa maforege ba wanuriaigö turia somuso dödö ba niha fefu börö me maʼila wa möi fangorifira duria andre. (Baso 1 Timoteo 4:16.) Lö lagazi ndraʼaga ba wamalua halöwö daʼa börö me imane Sura Niʼamoniʼö, ”Lö nibeʼemi böli me mitema, andrö na mibeʼe göi böi miʼandrö mböli.” (Mataiʼo 10:7, 8) Lö fefu niha omasi ira wanema turia si sökhi andre. Hewaʼae simanö, lö maböhöli wanuriaigö turia somuso dödö andre börö me omasiga maʼoʼö niwaʼö Yehowa ba maʼomusoiʼö dödönia.
ODÖDÖGÖ NASA WANGALUI
Tatutunö nasa dania hadia nifalua ndra Samaduhuʼö Yehowa ba wanuriaigö turia somuso dödö ba zi sagörö ulidanö, ba hadia nifalua Yehowa ba wanolo yaʼaga.
Manuriaigö turia somuso dödö ba zi sagörö ulidanö: (A) Kosta Rika, (B) Amerika Serikat, (C) Benin, (D) Thailand, (E) Yap, (F) Swedia
4. Maforege ba wamalukhaisi niha fefu
Laforege ira Samaduhuʼö Yehowa ba wanuriaigö turia somuso dödö ba niha fefu gofu hezo so ira. Futa VIDEO, ba beʼe wanema li ba wanofu daʼa:
-
Hadia zadöni dödöu ba nifalua ndra Samaduhuʼö Yehowa ba wanuriaigö turia somuso dödö?
Baso Mataiʼo 22:39 hegöi Roma 10:13-15, ba beʼe wanema li ba wanofu-nofu daʼa:
-
Hewisa halöwö nifaluama tobali tandra wa maʼomasiʼö niha böʼö?
-
Hewisa dödö Yehowa me iʼila niha si möi manuriaigö turia somuso dödö?—Faigi ayati 15.
5. Si falulu fohalöwö ndraʼaga khö Lowalangi
Oya duma-duma sangoromaʼö wa Yehowa zameʼe fanuturu lala khöma ba wanuriaigö turia somuso dödö. Duma-dumania, faigi zalua khö dalifusöda Paul si toröi ba Selandia Baru. Ba zi laluo, me möi ia manuriaigö ba nomo-omo misa, falukha ia khö zi samösa ira alawe. Sihulö wongi daʼö mangandrö ndra alawe andrö khö Lowalangi, itötöi döi Yehowa. Iʼandrö enaʼö so niha sanolo yaʼia ba wangokhögö faʼaboto ba dödö. Imane Paul, ”Tölu za aefa daʼö, utoko mbawandruhö nomonia.”
Baso 1 Korindro 3:9, ba beʼe wanema li ba wanofu daʼa:
-
Hadia zalua ba Selandia Baru sangoromaʼö wa Yehowa zameʼe khöma fanuturu lala ba halöwö nifaluama?
Baso Halöwö Zinenge 1:8, ba beʼe wanema li ba wanofu daʼa:
-
Hana wa moguna khöma wanolo moroi khö Yehowa ba wamalua halöwö daʼa?
Hadia öʼila?
Ba gangowuloa barö migu, lafahaʼö ndraʼaga enaʼö monönö waʼonekhema ba wanuriaigö turia somuso dödö. Na no irai möiʼö ba gangowuloa andrö, hewisa dödöu me öʼila duma-duma wamadumaisi nifalua ba daʼö?
6. Maʼoʼö goroisa Lowalangi ba wanuriaigö turia somuso dödö
Ba götö siföföna, laforege ira niha si fatuwu ba duria somuso dödö enaʼö laböhöli wamalua halöwö daʼö ira nifahaʼö Yesu. Hizaʼi, laforege ira niha Keriso ba wangogunaʼö ”huku ba wamaduhuʼö turia somuso dödö”. (Filifi 1:7) Daʼö göi nifalua ndra Samaduhuʼö Yehowa irugi iadaʼa. a
Baso Halöwö Zinenge 5:27-42, ba beʼe wanema li ba wanofu daʼa:
TE SO ZANOFU: ”Hadia mbörö wa möi ndra Samaduhuʼö Yehowa ba nomo-omo misa?”
-
Hadia öbeʼe fanema li?
RAHU-RAHU WAMAHAʼÖ
Ibeʼe goroisania Yesu khö ndra nifahaʼönia ba wanuriaigö turia somuso dödö ba ngawalö soi. Itolo nono mbanuania Yehowa ba wamalua halöwö daʼa.
Hadia Wamahaʼö si Tola Öhalö?
-
Hewisa wa tola teturiaigö duria somuso dödö ba zi sagörö ulidanö?
-
Hewisa halöwö nifaluama tobali tandra wa maʼomasiʼö niha böʼö?
-
Moloʼö yaʼugö, hadia tola tasöndra waʼomuso dödö na tafalua halöwö fanuriaigö? Hadia mbörö wa öwaʼö zimanö?
ALUI NASA DANÖ BÖʼÖ
Enaʼö öʼila hadia nifalua ndra Samaduhuʼö Yehowa ba wanuriaigö turia somuso dödö ba mbanua segebua, faigi video daʼa.
Hadia nifalua ndra Samaduhuʼö Yehowa ba wanuriaigö turia somuso dödö ba niha si fatewu?
Manolo Niha Sowökhi Tödö ba Wamati ba Gotalua Ndra Pengungsi (5:59)
Faigi zi no irai alua khö dalifusöda ira alawe sorasoi faʼomuso dödö börö me tobali ia sanuriaigö safönu inötö.
Baso duma-duma sebua nihalö ndra sangetuʼö huku irege lö si tobali taha-tahama ba wanuriaigö turia somuso dödö.
”Laʼohe Farakarora Ira Sanuriaigö Föna Zanguhuku” (Mamatörö Mbanua Lowalangi!, faza 13)
a Lowalangi zameʼe khöma halöwö ba wanuriaigö turia somuso dödö. Börö daʼö, lö hadöi famatörö niha gulidanö si tola manaisi yaʼaga ba wamalua halöwö daʼa.
Te Göi Adöni Dödöu
SASESE LASOFU NIHA
Hewisa Wamahaʼö Zura Niʼamoniʼö Nifaʼema Ndra Samaduhuʼö Yehowa?
Lö muʼandrö gefe ba program daʼa. Tola öʼogunaʼö gofu hadia manö wamoʼeluaha Zura Niʼamoniʼö somasiʼö. Tola göi ökaoni nawöu mazui ösi nomou ba wefao khöu.
