FAMAHAʼÖ 22
Hewisa Enaʼö Tola Fao Ndraʼugö ba Wanuriaigö Turia Somuso Dödö?
Me no öfahaʼö ndraʼugö ba zindruhu ba Zura Niʼamoniʼö, te ömane tödöu, ’Moguna larongo niha böʼö daʼa!’ Atulö daʼö. Hizaʼi, te so khöu waʼalawö-lawö mazui ataʼu ndraʼugö ba wamatunö ba niha böʼö hadia zi no öfahaʼö yaʼugö. Datatutunö hewisa enaʼö lö khöu faʼataʼu mazui faʼaila ba wanutunö turia somuso dödö moroi ba Zura Niʼamoniʼö.
1. Hewisa enaʼö öʼila ödunö-dunö ba niha si faʼila khöu hadia zi no öfahaʼö yaʼugö?
Lamane ira nifahaʼö Yesu, ”Tebai mabato wangombakha sanandrösa ba zi no maʼila hegöi si no marongo.” (Halöwö Zinenge 4:20) Omasi sibai ira wamahaʼö nitemara moroi khö Yesu irege terou dödöra ba wanutunö ba niha sato. Hadia simanö göi ndraʼugö? Na yaʼia, alui lala ba wanutunö ba nösi nomou hegöi khö ndra awöu hadia göi zi no öfahaʼö yaʼugö. Hizaʼi, haogö wamatunö khöra.—Baso Kolose 4:6.
Lala si tola öfalua ba wamörögö fanuriaigö turia somuso dödö
-
Na fahuhuo ndraʼugö ba nösi nomou, tutunö khöra sambua duho moroi ba Zura Niʼamoniʼö ömane, ”So zadöni dödögu ba wamahaʼö yaʼo ba Zura Niʼamoniʼö barö migu daʼa.”
-
Baso sambua ayati si möi famarou dödö nawöu si göna fökhö mazui abula dödö tanö böʼö.
-
Na so nawöu wohalöwö sanofu khöu hadia nifaluamö barö migu andre, tola ötutunö hadia zi no öfahaʼö yaʼugö moroi ba Zura Niʼamoniʼö mazui me möiʼö ba gangowuloa.
-
Foromaʼö situs web jw.org khö ndra awöu.
-
Kaoni nösi nomou mazui ira awöu enaʼö fao ira ba wamahaʼö ba Zura Niʼamoniʼö. Tola göi öfatunö khöra hewisa lala enaʼö tola laʼandrö wamahaʼö yaʼira ba Zura Niʼamoniʼö ba jw.org.
2. Hana wa öʼodödögö enaʼö fao ndraʼugö ba mbanua niha Keriso ba wanuriaigö turia somuso dödö?
Laturiaigö duria somuso dödö ira nifahaʼö Yesu tenga ha ba niha si faʼila khöra. ’Ifatenge ira Yesu daru-darua ba weʼamöi ero sambu-sambua banua’ ba wanuriaigö turia somuso dödö. (Luka 10:1) Börö me lafalua daʼö, andrö wa itugu ato niha samondrondrongo turia somuso dödö. Aefa daʼö, halöwö fanuriaigö andre zameʼe khöra faʼomuso dödö. (Luka 10:17) Hadia öforege göi wefao ba mbanua niha Keriso weʼamöi manuriaigö turia somuso dödö?
ODÖDÖGÖ NASA WANGALUI
Tatutunö dania hewisa enaʼö lö hadöi khöu faʼataʼu mazui faʼaila irege ösöndra waʼomuso dödö ba ginötö möiʼö manuriaigö.
3. Yehowa zi fao khöu
So ösa niha somasi manuriaigö turia somuso dödö, te ataʼu ia na teʼailasi ia mazui ataʼu ia na so niha si lö omasi manema turia nifaʼemania.
-
Hadia ataʼu ndraʼugö wanutunö hadia zi no öfahaʼö yaʼugö? Hana wa öwaʼö zimanö?
Futa VIDEO, ba beʼe wanema li ba wanofu daʼa:
-
Ba video andrö mege, hadia nifalua ndra si bohou ebua si no tobali Samaduhuʼö Yehowa ba wolawa faʼataʼu?
Baso Yesaya 41:10, ba beʼe wanema li ba wanofu daʼa:
-
Na so khöu waʼataʼu ba wanuriaigö turia somuso dödö, hana wa moguna mangandrö ndraʼugö?
Hadia öʼila?
Ba wamobörö, ato ba gotalua ndra Samaduhuʼö Yehowa sataʼu ba wanuriaigö turia somuso dödö ba niha böʼö. Duma-dumania, samösa dalifusöda sotöi Sergey. Ba zilalö yaʼia andre niha saila-aila ba abua khönia fahuhuo ba niha böʼö. Hizaʼi ba gafuriata, ifahaʼö ia ba Zura Niʼamoniʼö. Imane, ”Hewaʼae ataʼu ndraʼo, uforege wanutunö ba niha böʼö hadia zi no ufahaʼö yaʼo. Sindruhu-ndruhu wa sahöli-höli dödö mbuania. Me ututunö nösi Zura Niʼamoniʼö ba niha böʼö, itugu so khögu waʼabarani. Ba monönö göi waʼafaduhu dödögu hadia zi no ufahaʼö yaʼo.”
4. Haogö wahuhuosa
Fatua lö ötutunö duria somuso dödö ba niha böʼö, moguna öʼangeragö hadia zinangea öfaʼema. Moguna göi öʼangeragö hewisa wamaʼemamö turia andrö. Baso 2 Timoteo 2:24 hegöi 1 Fetero 3:15, ba beʼe wanema li ba wanofu-nofu daʼa:
-
Hewisa woloʼöu mene-mene si so ba ayati daʼö ba ginötö öfatunö zindruhu ba niha böʼö moroi ba Zura Niʼamoniʼö?
-
Te so ösa nösi nomomö mazui ira awöu si lö fao tödö ba zi no öwaʼö. Na simanö, hadia nifaluamö? Hadia zi tebai öfalua?
-
Hana wa abölö sökhi öʼogunaʼö wanofu si tefaudu moroi na öfatunö khöra hadia zinangea lafaduhusi tödö?
5. Tola tasöndra waʼomuso dödö na möi ita manuriaigö
Yehowa zameʼe halöwö khö Yesu ba wanuriaigö turia somuso dödö. Hewisa wamaigi Yesu halöwönia andrö? Baso Yohane 4:34, ba beʼe wanema li ba wanofu-nofu daʼa:
-
Taʼa gö si sökhi ba sami enaʼö lö göna ita fökhö ba omuso dödöda. Na simanö, hana wa iwaʼö Yesu ohitö dödö Lowalangi farahu ba daʼö wanuriaigö turia somuso dödö fagölö simane ö?
-
Moloʼö yaʼugö, hadia mbörö wa omuso dödöda na tafalua halöwö fanuriaigö?
Lala si tola öfalua
-
Ba gangowuloa barö migu, fahaʼö ndraʼugö hadia manö lala sinangea öfalua ba wamörögö fahuhuosa.
-
Na tola, fasuraʼö döimö enaʼö tola fao ndraʼugö na so wamadumaisi nifalua ba gangowuloa barö migu. Daʼö zameʼe fanolo khöu enaʼö tola ötutunö ba niha böʼö hadia zi no öfahaʼö yaʼugö.
-
Ba mbuku daʼa so faosatö ”So Zangumaʼö” mazui ”Te So Zanofu”. Ogunaʼö daʼö ba wamahaʼö yaʼugö ba wameʼe fanema li na so niwaʼö mazui sasese lasofu-sofu niha.
TE SO ZANOFU: ”Hewisa ndraʼugö?”
-
Hewisa wangogunaʼömö inötö daʼö ba wanutunö hadia zi no öfahaʼö yaʼugö ba Zura Niʼamoniʼö?
RAHU-RAHU WAMAHAʼÖ
Na öturiaigö duria somuso dödö ba niha böʼö, tola örasoi waʼomuso dödö. Lö abua wamalua yaʼia, tenga simane si no ökhalaigö.
Hadia Wamahaʼö si Tola Öhalö?
-
Hana wa moguna taturiaigö duria somuso dödö ba niha böʼö?
-
Hewisa wamaluamö daʼö?
-
Hewisa wolawamö faʼataʼu hegöi faʼaila ba wanuriaigö turia somuso dödö?
ALUI NASA DANÖ BÖʼÖ
So öfa lala si tola öfalua ba wanuriaigö turia somuso dödö ba wangogunaʼö kartu kontak jw.org.
Hadia zi öfa ngawalö gamuata si tobali fanolomö ba wanuriaigö turia somuso dödö?
”Hadia No Tefaʼanö Ndraʼugö Tobali Samaʼuʼu Niha?” (Manuriaigö, Baŵa si Siwa 2020)
Faigi waö-waö nisura ba Zura Niʼamoniʼö si tobali fanolo khöda fefu, satua hegöi iraono enaʼö barani ita ba wanuriaigö turia somuso dödö.
Lala si tola öfalua enaʼö tola ödunö-dunö zindruhu ba nösi nomou si lö faʼaboto ba dödö sanandrösa khö Yehowa.
”Enaʼö Adöni Dödö Nösi Nomo si Tenga si Sara Lala Wamati” (Manuriaigö, 15 Mbaŵa si Tölu 2014)
Te Göi Adöni Dödöu
SASESE LASOFU NIHA
Hewisa Wamahaʼö Zura Niʼamoniʼö Nifaʼema Ndra Samaduhuʼö Yehowa?
Lö muʼandrö gefe ba program daʼa. Tola öʼogunaʼö gofu hadia manö wamoʼeluaha Zura Niʼamoniʼö somasiʼö. Tola göi ökaoni nawöu mazui ösi nomou ba wefao khöu.
