FAMAHAʼÖ 25
Hadia Gohitö Dödö Lowalangi Khöda?
Ifatunö khöda Sura Niʼamoniʼö wa ’lö arara waʼaurida andre ba afönu fangarö-ngarö’. (Yobi 14:1) Hadia daʼö gohitö dödö Lowalangi khöda? Na tenga, hadia gohitö dödö Lowalangi ba waʼaurida? Hadia tola alua daʼö fefu? Datatutunö hadia wanema linia moroi ba Zura Niʼamoniʼö si möi fondrara dödöda.
1. Hewisa zomasi Yehowa waʼaurida?
Omasi Yehowa na tasöndra waʼomuso dödö ba waʼaurida. Me ifazökhi niha siföföna Adamo ba Khawa, ibeʼe ira ba waradaiso si sökhi sibai yaʼia daʼö Kabu Edena. Aefa daʼö, ”ifahowuʼö ira Lowalangi ba imane khöra, ’Miʼoʼono ba miʼoyaʼö ami, mifoʼösi gulidanö ba mifatörö ia.’” (1 Moze 1:28) Omasi Yehowa na mongaʼötö ira, labaliʼö faradaiso zi sagörö ulidanö ba larorogö fefu gurifö. Omasi ia na moʼahonoa fefu niha ba lasöndra waʼauri si lö aetu.
Hewaʼae na tenga simane daʼö zalua ba waʼaurida iadaʼa, a hizaʼi lö tebulö gohitö dödö Lowalangi. (Yesaya 46:10, 11) Omasi ia enaʼö fefu niha soloʼö niwaʼönia lasöndra waʼauri si lö aetu ba soʼahonoa.—Baso Wamaʼeleʼö 21:3, 4.
2. Hewisa enaʼö tasöndra waʼohahau dödö ba waʼaurida iadaʼa?
Me iwöwöi ita Yehowa, no itanögö ba dödöda ba wangalui ”soguna ba wamati” enaʼö aboto ba dödöda haniha ia, ba ha yaʼia nifosumangeda. (Baso Mataiʼo 5:3-6.) Omasi ia na aro wahuwusada khönia, ’tatörö lalania, taʼomasiʼö ia’ ba ’tafosumange ia soroi ba dödöda’. (5 Moze 10:12; Sinunö 25:14) Na tafalua daʼö, tola taʼokhögö waʼomuso dödö sindruhu hewaʼae na so gabula dödöda. Na tafosumange Yehowa soroi ba dödö, itugu sökhi waʼaurida börö me taʼila wa no tafaudugö waʼaurida ba zomasi ia.
ODÖDÖGÖ NASA WANGALUI
Tatutunö dania hewisa wangoromaʼö Yehowa faʼomasinia sebua me iwöwöi gulidanö. Tafatunö göi nasa hadia lua-lua waʼaurida andre moloʼö Taromali Lowalangi.
3. Omasi Yehowa na tasöndra waʼomuso dödö sagötö faʼara
Futa VIDEO, ba beʼe wanema li ba wanofu daʼa:
-
Hadia mbörö wa ifazökhi Lowalangi gulidanö si sökhi andre?
Baso Zangombakha 3:11, ba beʼe wanema li ba wanofu daʼa:
-
Moloʼö ayati daʼa, hadia gohitö dödö Yehowa khöda ba hadia wamahaʼö nihalömö moroi ba daʼö?
4. Lö irai tebulö gohitö dödö Yehowa
Baso Zinunö 37:11, 29 hegöi Yesaya 55:11, ba beʼe wanema li ba wanofu daʼa:
-
Hezo tola taʼila wa lö irai tebulö gohitö dödö Yehowa khöda?
Simane omo si no tekiko, tola mufazökhi mangawuli. Simane daʼö göi gulidanö si no tekiko andre tola ifuli ifazökhi Lowalangi ba ibeʼe ba niha sangomasiʼö yaʼia
5. Tasöndra waʼomuso dödö na tafosumange Yehowa
Na taʼila hadia lua-lua waʼaurida andre, tola tasöndra waʼomuso dödö. Futa VIDEO, ba beʼe wanema li ba wanofu daʼa:
-
Hadia mbua nitema Terumi me no ifahaʼö ia sanandrösa ba gohitö dödö ba waʼauri?
Baso Zangombakha 12:13, ba beʼe wanema li ba wanofu daʼa:
-
Börö me oya zi no ifalua Yehowa khöda, hadia zinangea tafalua ba wangoromaʼö wa taʼandrö khönia saohagölö?
TE SO ZANOFU: ”Hewisa enaʼö tola tasöndra waʼomuso dödö ba waʼauri andre?”
-
Hewisa wameʼemö fanema li?
RAHU-RAHU WAMAHAʼÖ
Omasi Yehowa na auri ita sagötö faʼara ba gulidanö soʼahonoa. Na tafosumange ia soroi ba dödö, tola tasöndra waʼomuso dödö sindruhu iadaʼa hegöi ba zi so miföna.
Hadia Wamahaʼö si Tola Öhalö?
-
Hadia gohitö dödö Yehowa me iwöwöi Gadamo ba Khawa?
-
Hezo tola öʼila wa lö tebulö gohitö dödö Lowalangi ba niha gulidanö?
-
Hewisa enaʼö tola ösöndra gohitö dödö sindruhu ba waʼauri?
ALUI NASA DANÖ BÖʼÖ
Faigi atö hadia manö dandra sangoromaʼö wa sindruhu-ndruhu so Kabu Edena.
”Kabu Edena—Hadia Ha Manö-Manö mazui Sindruhu-ndruhu So Ia?” (Menara Pengawal, 1 Mbaŵa si Sara 2011)
Fahaʼö ndraʼugö hadia mbörö wa tola faduhu dödöu wa lö tedudugö gulidanö andre.
Hadia gohitö dödöda ba waʼauri andre moloʼö Sura Niʼamoniʼö?
Faigi duma-duma salua khö zi samösa ira matua sorasoi ba gafuriata wa so zambö ba waʼaurinia.
a Ba wamahaʼö aefa daʼa, tatutunö dania hana wa tenga simane ohitö dödö Lowalangi andrö zalua ba waʼaurida iadaʼa.
Te Göi Adöni Dödöu
SASESE LASOFU NIHA
Hewisa Wamahaʼö Zura Niʼamoniʼö Nifaʼema Ndra Samaduhuʼö Yehowa?
Lö muʼandrö gefe ba program daʼa. Tola öʼogunaʼö gofu hadia manö wamoʼeluaha Zura Niʼamoniʼö somasiʼö. Tola göi ökaoni nawöu mazui ösi nomou ba wefao khöu.
