FAMAHAʼÖ 28
Foromaʼö Wangandrö Saohagölö ba zi No Ifalua Yehowa hegöi Yesu Khöu
Hewisa dödöu na so zi fahuwu khöu sameʼe khömö buala? Tatu omuso sibai dödöu ba öforomaʼö wangandrö saohagölö ba mbuala si no labeʼe andrö. Simanö göi Yehowa hegöi Yesu, no ibeʼe mbuala fondrege zebua sibai. Hadia mbuala andrö ba hewisa wangoromaʼöda wa taʼandrö sibai saohagölö mbuala si no labeʼe andrö?
1. Hadia lala sinangea tafalua ba wangoromaʼö fangandrö saohagölö ba zi no ifalua Lowalangi hegöi Keriso khöda?
Ifabuʼu khöda Sura Niʼamoniʼö wa ”dozi samati khö [Yesu]”, lasöndra waʼauri si lö aetu sagötö faʼara. (Yohane 3:16) Hadia geluahania mamati ita khö Yesu? Tenga ha asala faduhu dödöda khö Yesu, hizaʼi taforomaʼö daʼö ba gangetula hegöi ba nifaluada. (Yakobo 2:17) Na taforomaʼö wamati ba nifaluada hegöi ba wehededa, itugu aro wahuwusada khö Yesu hegöi khö Namania, Yehowa.—Baso Yohane 14:21.
2. Hadia ginötö si tefaudu ba wangoromaʼöda fangandrö saohagölö ba zi no ifalua Yehowa hegöi Yesu?
Ba mbongi fatua lö mate ia, ifatunö Yesu khö ndra nifahaʼönia hewisa lala ba wangoromaʼöra fangandrö saohagölö ba höli si no ibeʼe. Ifatunö khöra sambua gowasa si tohude si no tesura ba Zura Niʼamoniʼö yaʼia daʼö ’Bongi Watomesa Zoʼaya’ mazui sasese lawaʼö niha Fanörö Tödö Faʼamate Yesu. (1 Korindro 11:20) Manötöna Yesu khö ndra sinengenia hegöi khö ndra niha Keriso sindruhu maʼafefu enaʼö latörö tödöra höli si no ibeʼe khöda. Me no aefa ifatunö khöra gowasa andrö, imane Yesu, ”Böi miböhöli wamalua daʼa ba wanörö tödö yaʼo.” (Luka 22:19) Na möi ndraʼugö ba Wanörö Tödö Faʼamate Yesu, no öforomaʼö wangandrö saohagölö börö waʼomasi sebua nifalua Yehowa hegöi Yesu khöda.
ODÖDÖGÖ NASA WANGALUI
Tatutunö nasa dania hewisa lalada ba wangoromaʼö fangandrö saohagölö ba waʼomasi sebua nifalua Yehowa hegöi Yesu. Tafatunö göi hadia mbörö wa moguna sibai Tatörö Tödö Waʼamate Yesu.
3. Hadia zi tola tafalua ba wangoromaʼö fangandrö saohagölö?
Khalaigö hewisa na so samösa zanolo yaʼugö na ahöndrö ndraʼugö ba nidanö. Hadia olifu ndraʼugö nifalua niha daʼö? Mazui hadia öforege wangalui lala ba wangandrö saohagölö khönia?
Tebeʼe khöda ginötö ba wangokhögö faʼauri si lö aetu börö waʼasökhi dödö Yehowa. Baso 1 Yohane 4:8-10, ba beʼe wanema li ba wanofu-nofu daʼa:
-
Hana wa buala fondrege zi sökhi höli nibeʼe Yesu?
-
Me no öʼila nifalua Yehowa hegöi Yesu, hewisa dödömö?
Hewisa wangoromaʼöda fangandrö saohagölö ba zi no ifalua Yehowa hegöi Yesu? Baso 2 Korindro 5:15 hegöi 1 Yohane 4:11; 5:3. Me no aefa mibaso ero sambua ayati, beʼe wanema li ba wanofu daʼa:
-
Moloʼö ayati daʼö, hadia zi tola tafalua ba wangoromaʼö fangandrö saohagölö?
4. Oʼö Yesu
Lala si tola tafalua ba wangoromaʼö fangandrö saohagölö yaʼia daʼö na taʼoʼö Yesu. Baso 1 Fetero 2:21, ba beʼe wanema li ba wanofu daʼa:
-
Hadia manö lala si tola öfalua ba wanara lahe Yesu?
Roti nifaehagö ba wanörö tödö, daʼö zi no amaedola mboto Yesu soʼahonoa nitehegönia salahida. Agu, daʼö zi no amaedola ndro Yesu
5. Ondrasi Wanörö Tödö Faʼamate Yesu
Hewisa me awena mufalua Mbongi Watomesa Zoʼaya? Baso Luka 22:14, 19, 20, ba beʼe wanema li ba wanofu-nofu daʼa:
-
Hadia nifalua ba Mbongi Watomesa Zoʼaya siföföna sibai?
-
Hadia niʼamaedolagö roti faoma agu?—Faigi ayati 19 ba 20.
Iʼandrö Yesu khö ndra nifahaʼönia enaʼö lafalua Mbogi Watomesa Zoʼaya sakali ba zi döfi moloʼö tanggal waʼamatenia. Börö daʼö, lafalua göi waʼowulo ira Samaduhuʼö Yehowa sakali ba zi döfi ba wanörö tödö faʼamate Yesu moloʼö si no iʼoroisi. Enaʼö öʼila hadia nifalua ba gangowuloa andrö, futa VIDEO, ba beʼe wanema li ba wanofu daʼa:
-
Hadia manö nifalua ba Wanörö Tödö andrö?
Omasi sibai Yesu Daromali Lowalangi, owölö-ölö ia ba wanuriaigö turia somuso dödö ba omasi ia ba wanolo niha böʼö
SO ZANGUMAʼÖ: ”Asala mamati ita khö Yesu, hasambalö teʼorifi ita.”
-
Hewisa wangogunaʼömö Yohane 3:16 hegöi Yakobo 2:17 ba wangoromaʼö wa lö tobönö na ha asala mamati ita khö Yesu?
RAHU-RAHU WAMAHAʼÖ
No taforomaʼö wangandrö saohagölö ba höli si no ibeʼe Yesu na mamati ita khönia ba taʼondrasi Wanörö Tödö Faʼamatenia.
Hadia Wamahaʼö si Tola Öhalö?
-
Hadia geluahania mamati khö Yesu?
-
Hadia zinangea öfalua ba wangoromaʼö fangandrö saohagölö ba zi no ifalua Yehowa hegöi Yesu?
-
Hadia mbörö wa moguna sibai taʼondrasi Wanörö Tödö Faʼamate Yesu?
ALUI NASA DANÖ BÖʼÖ
Börö me no mate Keriso salahida, hadia zinangea tafalua?
Hadia geluaha wamati ba hewisa wangoromaʼöda wa mamati ita?
”Foromaʼö Wamatimö ba Nifabuʼu Yehowa” (Manuriaigö, Baŵa si Fulu 2016)
Baso waö-waö zi samösa ira alawe me no iʼangerönusi höli nibeʼe Keriso. Tuhonia ”Lö Saʼae Itegu-tegu Ndraʼo Tödögu ba Usöndra Waʼohahau Dödö ba Waʼauri”.
”Sura Niʼamoniʼö Zombulöʼö Faʼauri” (Menara Pengawal, 1 Mbaŵa si Walu 2011)
Hana wa lö ato zi manga roti hegöi samadu agu ba Wanörö Tödö Faʼamate Yesu?
Te Göi Adöni Dödöu
SASESE LASOFU NIHA
Hewisa Wamahaʼö Zura Niʼamoniʼö Nifaʼema Ndra Samaduhuʼö Yehowa?
Lö muʼandrö gefe ba program daʼa. Tola öʼogunaʼö gofu hadia manö wamoʼeluaha Zura Niʼamoniʼö somasiʼö. Tola göi ökaoni nawöu mazui ösi nomou ba wefao khöu.
