FAMAHAʼÖ 32
No Tohare Wamatörö Lowalangi Iadaʼa!
Me döfi 1914, tebörögö Wamatörö Lowalangi ba zorugo. Ba ndröfi daʼö göi, tebörögö ngaluo safuria ba wamatörö niha gulidanö. Hezo taʼila? Tafatunö dania hewisa wamaʼeleʼö Zura Niʼamoniʼö sanandrösa ba daʼa. Tafatunö göi hadia zalua ba gulidanö ba hewisa gamuata niha iʼotarai me döfi 1914.
1. Hadia zi no ifaʼeleʼö Sura Niʼamoniʼö?
Itutunö khöda buku Danieli wa tebörögö Wamatörö Lowalangi ba gangohorita götö ”zi fitu fakhe”. (Danieli 4:16, 17) Ba zi hauga ngaotu fakhe aefa daʼö, iwaʼö Yesu wa daʼö ”ginötö si no mutatugöi ba soi böʼö”. Me so Yesu ba gulidanö, itutunö wa lö nasa sawai ginötö daʼö. (Luka 21:24) Me döfi 1914, ba daʼö awai götö zi fitu fakhe andrö, simane nitutunöda ba wamahaʼö daʼa dania.
2. Hadia zalua ba gulidanö ba hewisa gamuata niha iʼotarai me döfi 1914?
Manofu ndra nifahaʼö Yesu, ”Hadia dandra weʼasomö hegöi tandra gamozua götö daʼa?” (Mataiʼo 24:3) Ibeʼe wanema li Yesu yaʼia me ifaʼeleʼö ngawalö zalua na no ibörögö mamatörö ia ba zorugo tobali Razo ba Wamatörö Lowalangi. Duma-dumania, alua wasuwöta, faʼolofo hegöi duru danö. (Baso Mataiʼo 24:7.) Itutunö khöda Sura Niʼamoniʼö wa ’abua wanaögö’ salua iadaʼa börö gamuata niha ba ”ngaluo safuria andre”. (2 Timoteo 3:1-5) Iʼotarai me döfi 1914, itugu lö sökhi zalua ba gulidanö hegöi amuata niha simane si no tefaʼeleʼö.
3. Hana wa itugu lö sökhi gulidanö me tebörögö Wamatörö Lowalangi?
Lö ara me no mamatörö Yesu tobali Razo ba Wamatörö Lowalangi, ibörögö wasuwöta ba zorugo ba wolawa Satana hegöi ira malaʼika si lö sökhi. Kala Zatana, ba imane Sura Niʼamoniʼö, ”Tetiboʼö [ia] ba gulidanö. . . . Tetiboʼö göi ndra malaʼikania awönia.” (Famaʼeleʼö 12:9, 10, 12) Mofönu sibai Zatana börö me iʼila wa lö ara tö tehori ia irege iʼasogö gabula dödö hegöi famakao ba gulidanö. Daʼö mbörö wa itugu lö sökhi zalua ba gulidanö. Hewaʼae simanö, Famatörö Lowalangi dania zangeheta abula dödö andrö.
ODÖDÖGÖ NASA WANGALUI
Tatutunö dania wamaʼeleʼö sangoromaʼö wa no tohare Wamatörö Lowalangi iʼotarai 1914. Tafatunö göi dania, hewisa wangoromaʼöda faʼafaduhu dödö wa no tohare Wamatörö Lowalangi.
4. Fangerai moloʼö Sura Niʼamoniʼö zangoromaʼö wa no alua Wamatörö Lowalangi me döfi 1914
Ibeʼe wangifi Lowalangi khö Razo Nebukanesa moroi ba Mbabilona. Fangifi daʼö, manandrösa ia ba zalua ba zi so miföna. Ba Zura Niʼamoniʼö, tola tabaso sanandrösa ba wangifi daʼö hegöi eluahania nitutunö Danieli. Ba daʼö taʼila wa famaʼeleʼö si so ba wangifi andrö alua ia ba wamatörö Nebukanesa hegöi ba Wamatörö Lowalangi.—Baso Danieli 4:17. a
Baso Danieli 4:20-26, ba ogunaʼö bagan si no tehenaigö ba wameʼe fanema li ba wanofu-nofu daʼa:
-
(A) Hadia niʼila Nebukanesa ba wangifinia?—Faigi ayati 20 ba 21.
-
(B) Hadia zalua ba döla geu andrö?—Faigi ayati 23.
-
(C) Hadia zalua ba gangohorita zi ”fitu fakhe”?—Faigi ayati 26.
Fangifi Sanandrösa ba Döla Geu Moʼamakhaita Ia ba Wamatörö Lowalangi
FAMAʼELEʼÖ (Danieli 4:20-36)
Famatörö
(A) Sageu döla geu sebua
Tebato sabata wamatörö
(B) ”Obö ba fufu geu daʼö,” ba röi ”sagötö zi fitu fakhe”
Ifuli zui tebörögö wamatörö
(C) ”Ifuli zui tobali ndraʼugö razo”
Me alua wamaʼeleʼö daʼa ba ziföföna sibai . . .
-
(D) Haniha niʼamaedolagö geu?—Faigi ayati 22.
-
(E) Hewisa wa tebato sabata wamatörö andrö?—Baso Danieli 4:29-33.
-
(F) Hadia zalua khö Nebukanesa ba gangohorita ”zi fitu fakhe”?—Baso Danieli 4:34-36.
FAʼALUANIA SIFÖFÖNA
Famatörö
(D) Razo Nebukanesa moroi ba Mbabilona
Tebato sabata wamatörö
(E) Me no aefa ndröfi 606 SM, owöhö Nebukanesa, ba lö saʼae mamatörö ia sagötö zi fitu fakhe
Ifuli zui tebörögö wamatörö
(F) Lö saʼae owöhö Nebukanesa ba ibörögö zui mamatörö ia
Me alua wamaʼeleʼö daʼa ba zi mendrua kali . . .
-
(G) Haniha niʼamaedolagö geu?—Baso 1 Ngaʼötö 29:23.
-
(H) Hamega tebato wamatöröra andrö ba zi sabata? Hezo taʼila wa lö nasa samatörö ira mangawuli me so Yesu ba gulidanö?—Baso Luka 21:24.
-
(I) Hawaʼara tefangawuli wamatörö andrö ba hezo mamatörö ia?
FAʼALUANIA BA ZI MENDRUA KALI
Famatörö
(G) Razo-razo ngaʼötö Gizaraʼeli si tobali salahi ba wamatörö Lowalangi
Tebato sabata wamatörö
(H) Tedudugö Yeruzalema ba lö hadöi razo ngaʼötö Gizaraʼeli sagötö zi 2.520 fakhe
Ifuli zui tebörögö wamatörö
(I) Ibörögö mamatörö Yesu ba zorugo ba tobali ia Razo ba Wamatörö Lowalangi
Hawaʼara zi fitu fakhe (götö) andrö?
Tola taʼila geluaha zi sambua ayati na tahaogö tafareso ayati tanö böʼö bakha ba Zura Niʼamoniʼö. Duma-dumania, itutunö khöda ba mbuku Wamaʼeleʼö wa tölu götö a matonga mazui tölu fakhe a matonga fagölö ira zi 1.260 hari. (Famaʼeleʼö 12:6, 14) Ba wamaʼeleʼö Zura Niʼamoniʼö andre, si döfi fagölö ira zi 360 hari. Na simanö, fitu fakhe fagölö ira zi 2.520 hari. Ba Zura Niʼamoniʼö, si sahari tola mufagölösi ia ba zi döfi. (Hezekieli 4:6) Börö daʼö, si fitu fakhe nitutunö ba mbuku Danieli, alua ia ba zi 2.520 fakhe.
5. Faböʼö zalua ba gulidanö iʼotarai me döfi 1914
No ifaʼeleʼö Yesu hadia zalua ba gulidanö na no tefataro ia tobali Razo. Baso Luka 21:9-11, ba beʼe wanema li ba wanofu daʼa:
-
Moroi ba ngawalö zalua nitutunö ba ayati daʼö, hadia zi no irai öʼila mazui örongo?
Itutunö Faulo hewisa gamuata niha ba ngaluo safuria ba gangohorita wamatörö niha gulidanö. Baso 2 Timoteo 3:1-5, ba beʼe wanema li ba wanofu daʼa:
-
Hadia so niha niʼilamö samalua amuata daʼö iadaʼa?
6. Foromaʼö waʼafaduhu dödöu wa no tohare Wamatörö Lowalangi
Baso Mataiʼo 24:3, 14, ba beʼe wanema li ba wanofu-nofu daʼa:
-
Hadia halöwö sabölö moguna sangoromaʼö wa no tohare Wamatörö Lowalangi?
-
Hewisa enaʼö tola fao ndraʼugö ba wamalua halöwö daʼa?
No alua Wamatörö Lowalangi iadaʼa, ba lö ara tö mamatörö ia ba zi sagörö ulidanö. Baso Heberaiʼo 10:24, 25, ba beʼe wanema li ba wanofu daʼa:
-
Hadia nifaluada me no ”taʼila wa no ahatö ginötö andrö”?
Na so niʼilamö zi tola möi fanolo ba niha böʼö mazui si möi fangorifira, hadia nifaluamö?
TE SO ZANOFU: ”Hana wa asese ladunö-dunö ira Samaduhuʼö Yehowa sanandrösa ba ndröfi 1914?”
-
Hewisa wameʼeu fanema li?
RAHU-RAHU WAMAHAʼÖ
Famaʼeleʼö hegöi fangerai inötö moloʼö Sura Niʼamoniʼö awö zalua ba gulidanö, daʼö zangoromaʼö wa no tohare Wamatörö Lowalangi. Tola taforomaʼö waʼafaduhu dödöda na taturiaigö Wamatörö Lowalangi hegöi na möi ita ba gangowuloa.
Hadia Wamahaʼö si Tola Öhalö?
-
Hadia zalua ba gangohorita zi fitu fakhe si no tefaʼeleʼö ba mbuku Danieli?
-
Hadia mbörö wa faduhu dödöu wa no tohare Wamatörö Lowalangi me döfi 1914?
-
Hewisa wangoromaʼöu faʼafaduhu dödö wa no tohare Wamatörö Lowalangi?
ALUI NASA DANÖ BÖʼÖ
Baso hadia niwaʼö ndra sejarawan hegöi niha tanö böʼö sanandrösa ba waʼafaböʼö zalua ba gulidanö iʼotarai me döfi 1914.
”Itugu Monönö Waʼalösökhi Gamuata Niha” (Sedarlah! Baŵa si Öfa 2007)
Baso hewisa wamaʼeleʼö si no tesura ba mbuku Mataiʼo 24:14 möi fombulöʼö lala waʼauri zi samösa ira matua.
”Uʼomasiʼö Bisbol moroi ba Danö Böʼö!” (Manuriaigö No. 3 2017)
Hadia dandra sangoromaʼö wa famaʼeleʼö nisura ba Danieli faza 4 moʼamakhaita ia ba Wamatörö Lowalangi?
”Hamega Tohare Wamatörö Lowalangi? (Faosatö 1)” (Menara Pengawal, 1 Mbaŵa si Fulu 2014)
Hadia dandra sangoromaʼö wa no ahori ginötö ”zi fitu fakhe” nitötöi ba mbuku Danieli faza 4 me döfi 1914?
”Hamega Tohare Wamatörö Lowalangi? (Faosatö 2)” (Menara Pengawal, 1 Mbaŵa si Felezara 2014)
a Faigi zi dombua artikel safuria ba faosatö Alui Nasa Danö Böʼö ba wamahaʼö daʼa.
Te Göi Adöni Dödöu
SASESE LASOFU NIHA
Hewisa Wamahaʼö Zura Niʼamoniʼö Nifaʼema Ndra Samaduhuʼö Yehowa?
Lö muʼandrö gefe ba program daʼa. Tola öʼogunaʼö gofu hadia manö wamoʼeluaha Zura Niʼamoniʼö somasiʼö. Tola göi ökaoni nawöu mazui ösi nomou ba wefao khöu.
