FAMAHAʼÖ 34
Hewisa Wangoromaʼöda Faʼomasi khö Yehowa?
Me no öfahaʼö ndraʼugö ba Zura Niʼamoniʼö, hadia itugu monönö waʼomasiu khö Lowalangi? Hadia omasi ndraʼugö öʼaroʼö wahuwusamö khönia? Na omasiʼö, törö tödöu wa itugu iʼomasiʼö ba iʼameʼegö tödö ndraʼugö Yehowa na iʼila wa öʼomasiʼö göi ia. Hewisa wangoromaʼömö khö Yehowa wa öʼomasiʼö ia?
1. Hewisa wangoromaʼöda khö Yehowa wa taʼomasiʼö ia?
Tola taforomaʼö waʼomasida khö Yehowa na taʼoʼö niwaʼönia. (Baso 1 Yohane 5:3.) Lö irai ifaso niha ba woloʼö niwaʼönia. Hizaʼi, ibeʼe khöra ginötö ba wamili hadia laʼoʼö niwaʼönia mazui löʼö. Hadia mbörö? Omasi Yehowa na taʼoʼö niwaʼönia ”soroi ba dödö”. (Roma 6:17) Eluahania, omasi Yehowa na öʼoʼö ia börö waʼomasiu khönia tenga börö me nifaso ndraʼugö. Faosatö si 3 ba 4 moroi ba mbuku daʼa, daʼö dania zanolo yaʼugö ba wangoromaʼö faʼomasiu khö Yehowa yaʼia na öfalua zomasi ia ba öʼaröuʼö ndraʼugö ba zi fatuwu ia.
2. Hana wa itarai abua khöda ba wangoromaʼö wa taʼomasiʼö Yehowa?
”Oya gabula dödö niha satulö.” (Sinunö 34:19) Fefu ita taforege ba wolawa falömoʼahonoa. Tola manö göi alua khöda gabula dödö börö waʼambö-ambö soguna, falöʼatulö hegöi abula dödö tanö böʼö. Ba ginötö daʼö, te abua khöda woloʼö somasi Yehowa börö me abölö aoha khöda wamalua si lö omasi ia. Hizaʼi, na öforege wamalua somasi Yehowa, no öforomaʼö wa abölö öʼomasiʼö ia moroi ba danö böʼö ba lö faröi ndraʼugö khönia. Na öfalua daʼö, lö faröi Yehowa khöu ba lö göi iröi ndraʼugö.—Baso Zinunö 4:3.
ODÖDÖGÖ NASA WANGALUI
Tatutunö dania hadia mbörö wa omuso dödö Yehowa na öʼoʼö niwaʼönia ba hadia manö zanolo yaʼugö ba wondrorogö faʼalöfaröimö khönia.
3. Ifobahulu ndraʼugö Satana
Ba mbuku Yobi, ba daʼö taʼila wa so wamobahulu niböbögö Zatana khö Yobi. Sindruhunia famobahulu daʼö tenga ha khö Yobi, hizaʼi ifanandrösa fefu ba niha somasi mamosumange Yehowa. Baso Yobi 1:1, 6–2:10, ba beʼe wanema li ba wanofu-nofu daʼa:
-
Moloʼö Satana, hana wa iʼoʼö Yobi niwaʼö Yehowa?—Faigi Yobi 1:9-11.
-
Hadia niböbögö Zatana khöu hegöi ba niha gulidanö maʼafefu?—Faigi Yobi 2:4.
Baso Yobi 27:5b, ba beʼe wanema li ba wanofu daʼa:
-
Hewisa wangoromaʼö Yobi wa sindruhu-ndruhu iʼomasiʼö Yehowa?
Iforomaʼö Yobi waʼomasinia khö Yehowa yaʼia me lö faröi ia khö Yehowa
Taforomaʼö waʼomasida khö Yehowa yaʼia na lö faröi ita khönia
4. Omusoiʼö dödö Yehowa
Baso Gamaedola 27:11, ba beʼe wanema li ba wanofu-nofu daʼa:
-
Hewisa dödö Yehowa na atua-tua ndraʼugö ba öʼoʼö niwaʼönia? Hadia mbörö?
5. Tola örorogö waʼalöfaröimö khö Yehowa
Faʼomasida khö Yehowa zamarou yaʼita ba wanutunö ba niha böʼö sanandrösa khönia, ba faʼalöfaröida khönia zamarou yaʼita ba wamalua daʼö hewaʼae na itaria abua. Futa VIDEO, ba beʼe wanema li ba wanofu-nofu daʼa:
-
Hadia no irai örasoi wa abua sibai wamatunö ba niha böʼö sanandrösa khö Yehowa?
-
Ba video andrö mege, hadia zanolo Grayson ba wolawa faʼataʼu?
Aoha khöda ba wondrorogö faʼalöfaröida khö Yehowa na taʼomasiʼö hadia zomasi ia ba na fatuwu ita ba zi fatuwu ia. Baso Zinunö 97:10, ba beʼe wanema li ba wanofu-nofu daʼa:
-
Me no öfahaʼö ndraʼugö ba Zura Niʼamoniʼö, hadia manö niʼilamö somasi Yehowa? Hadia manö göi ngawalö zi fatuwu ia?
-
Hadia zanolo yaʼugö ba wangomasiʼö si sökhi ba hewisa enaʼö fatuwu ndraʼugö ba zi lö sökhi?
6. Tatema mbua na taʼoʼö niwaʼö Yehowa
Lö tebulö tatema mbua si sökhi na taʼoʼö niwaʼö Yehowa. Baso Yesaya 48:17, 18, ba beʼe wanema li ba wanofu-nofu daʼa:
-
Moloʼö yaʼugö, hadia sindruhu-ndruhu iʼila Yehowa hadia zabölö sökhi khöda? Hana wa öwaʼö zimanö?
-
Me no öfahaʼö ndraʼugö ba Zura Niʼamoniʼö hegöi khö Lowalangi sindruhu sotöi Yehowa, hadia manö mbuania khöu?
SO ZANGUMAʼÖ: ”Lö taʼila sibai tatatugöi hadia omuso dödö Lowalangi ba nifaluada mazui löʼö.”
-
Hadia ayati niʼogunaʼömö ba wangoromaʼö wa tola omuso dödö Lowalangi ba nifaluada?
RAHU-RAHU WAMAHAʼÖ
Tola öforomaʼö waʼomasimö khö Yehowa na öʼoʼö niwaʼönia ba lö faröi ndraʼugö khönia hewaʼae na so wanaisi.
Hadia Wamahaʼö si Tola Öhalö?
-
Hadia wamahaʼö nihalöu moroi ba duma-duma Yobi?
-
Hewisa wangoromaʼöu wa öʼomasiʼö Yehowa?
-
Hadia zanolo yaʼugö ba wondrorogö faʼalöfaröimö khö Yehowa?
ALUI NASA DANÖ BÖʼÖ
Hewisa wangoromaʼöu faʼalöfaröi khö Yehowa hegöi ba mbanua niha Keriso?
Baso nasa wamobahulu Zatana ba niha gulidanö.
”Lö Faröi Yobi khö Lowalangi” (Sura Niʼamoniʼö—Hadia Nösinia? faosatö 6)
Faigi hewisa ndraono sigide-ide tola laforomaʼö waʼomasira khö Yehowa.
Hewisa ndra si bohou ebua ba wondrorogöra faʼalöfaröi khö Lowalangi na so wanaisi moroi khö ndra awöra?
Te Göi Adöni Dödöu
SASESE LASOFU NIHA
Hewisa Wamahaʼö Zura Niʼamoniʼö Nifaʼema Ndra Samaduhuʼö Yehowa?
Lö muʼandrö gefe ba program daʼa. Tola öʼogunaʼö gofu hadia manö wamoʼeluaha Zura Niʼamoniʼö somasiʼö. Tola göi ökaoni nawöu mazui ösi nomou ba wefao khöu.
