Börö me mohanu-hanu nasa ita, tola tarasoi ba tafalua ngawalö hadia ia zi möi fangomuso dödöda. Hewaʼae göna ita abula dödö, tola nasa tarasoi waʼomuso dödö. Hewisa wangoromaʼöda wa taʼandrö saohagölö ba mbuala faʼauri? Hadia mbörö wa tafalua daʼö?

1. Hana wa taʼameʼegö tödö waʼauri?

Moguna taʼameʼegö tödö waʼauri börö me faʼauri andrö buala moroi khö Namada sebua faʼomasi yaʼia daʼö Yehowa. Yaʼia andrö ’umbu waʼauri’ börö me yaʼia zomböi fefu hadia ia. (Sinunö 36:9) ”Yaʼia zameʼe faʼauri ba niha, hanu-hanu hegöi ngawalö hadia ia.” (Halöwö Zinenge 17:25, 28) Iʼasogö zoguna khöda Yehowa enaʼö tola auri ita. Hizaʼi, tenga ha daʼö manö. Oya ngawalö nibeʼenia khöda enaʼö tola tasöndra waʼohahau dödö ba waʼauri.—Baso Halöwö Zinenge 14:17.

2. Hewisa wangoromaʼöda khö Yehowa wa taʼameʼegö tödö mbuala faʼauri nibeʼenia?

Iʼotarai me so ita ba dalu ninada, no aboto ba dödö Yehowa ita. Ba Zura Niʼamoniʼö, samösa genoni Lowalangi sotöi Dawido, no irai mangandrö ia imane, ”Anehe ndraʼugö me tanömö niha nasa ndraʼo.” (Sinunö 139:16) Ebua sibai mböli waʼaurida ba wamaigi Yehowa. (Baso Mataiʼo 10:29-31.) Abu sibai dödö Yehowa na so zangodödögö wamunu awönia niha mazui ibunu ia samösa. a (2 Moze 20:13) Abu dödö Yehowa göi na so nifaluada hadia ia si tola mamaʼala faʼaurida mazui na lö taʼameʼegö tödö waʼauri niha böʼö. Na tarorogö waʼaurida ba taʼameʼegö tödö waʼauri niha böʼö, no taforomaʼö wa taʼandrö sibai saohagölö ba mbuala faʼauri nibeʼenia khöda.

 ODÖDÖGÖ NASA WANGALUI

3. Rorogö ndraʼugö enaʼö lö mofökhö

Niha Keriso si no molulu faʼaurira khö Yehowa, laʼogunaʼö waʼaurira ba wamosumange yaʼia. Amaedola zi no labeʼe sumange nitunu mbotora khö Lowalangi. Baso Roma 12:1, 2, ba beʼe wanema li ba wanofu-nofu daʼa:

• Hadia mbörö wa örorogö enaʼö lö mofökhö ndraʼugö?

• Hadia manö nifaluamö enaʼö lö mofökhö ndraʼugö?

 5. Böi dudugö nono si so ba dalu

Itutunö Dawido wa anehe Yehowa waʼauri hegöi faʼatedou nono si so ba dalu. Baso Zinunö 139:13-17, ba beʼe wanema li ba wanofu daʼa:

• Ba wamaigi Yehowa, hamega tebörögö waʼauri zi samösa niha? Hadia me so ia bakha ba dalu mazui me no tumbu?

Ba götö föna, ibeʼe goroisa Yehowa ba ndraono Gizaraʼeli, ba wolumöʼö ira alawe sanabina hegöi ono si so ba dalu. Baso 2 Moze 21:22, 23, ba beʼe wanema li ba wanofu-nofu daʼa:

• Hewisa dödö Yehowa na so niha si lö mangodödögö ba wamunu ono si so ba dalu?

• Hewisa göi dödö Yehowa na so niha sangodödögö ba wamalua daʼö? b

• Hadia fao dödöu ba niwaʼö Lowalangi andrö? Hadia mbörö?

Futa VIDEO.

Hewaʼae iʼameʼegö tödö waʼauri andrö si samösa ira alawe, hizaʼi tola manö börö gabula dödö salua khönia, tumbu ba dödönia wa fanudugö ono ba dalu, daʼö zi tola mangasiwai abula dödönia. Baso Yesaya 41:10, ba beʼe wanema li ba wanofu-nofu daʼa:

• Na lafaso zi samösa ira alawe ba wanudugö ononia, haʼökhö zinangeania iʼandrö wanolo? Hadia mbörö?

 RAHU-RAHU WAMAHAʼÖ

Ifahaʼö ita Sura Niʼamoniʼö enaʼö taʼomasiʼö, taʼameʼegö tödö ba tarorogö waʼaurida, faʼauri niha böʼö hegöi faʼauri nono si so ba dalu, börö me faʼauri andrö buala sebua böli moroi khö Yehowa.

Hadia Wamahaʼö si Tola Öhalö?

• Hadia mbörö wa ebua sibai mböli waʼauri niha ba wamaigi Yehowa?

• Hewisa dödö Yehowa na so niha sangodödögö wamunu yaʼia samösa mazui ibunu niha böʼö?

• Hadia mbörö wa öʼandrö sibai saohagölö ba mbuala faʼauri andrö?