FAMAHAʼÖ 46
Hana Wa Moguna Ölulu Waʼaurimö ba Tebayagö Ndraʼugö Idanö?
No ölulu waʼaurimö khö Yehowa me öfabuʼu khönia ba wangandrö wa ha yaʼia öfosumange ba öʼofönaiʼö wamalua ohitö dödönia ba waʼaurimö. (Sinunö 40:8) Aefa daʼö, tebayagö ndraʼugö idanö. Me tebayagö ndraʼugö idanö, no öforomaʼö föna niha sato wa no ölulu waʼaurimö khö Lowalangi. Angetulamö ba wolulu faʼaurimö khö Yehowa, no angetula si tohude fondrege zi sökhi ba sombulöʼö faʼaurimö. Hadia zamarou yaʼugö ba wangai angetula daʼö?
1. Hadia zamarou si samösa niha ba wolulu faʼaurinia?
Börö waʼomasida khö Yehowa, andrö wa talulu waʼaurida khönia. (1 Yohane 4:10, 19) Ifarou ita Sura Niʼamoniʼö, ”Omasiʼö Yehowa Lowalangiu moroi siʼaikö ba dödöu, nosou maʼasambua, era-erau ba faʼabölöu maʼafefu.” (Mareko 12:30) Na taʼomasiʼö Yehowa, taforomaʼö daʼö ba gamuatada tenga ha ba wehede. Börö waʼomasi, andrö wa mangowalu zi samösa ira matua khö zi samösa ira alawe. Simane daʼö göi, wa talulu waʼaurida khö Yehowa ba tebayagö ita idanö, börö me taʼomasiʼö ia.
2. Hadia manö howu-howu nibeʼe Yehowa ba nono mbanuania si no tebayagö idanö?
Me tebayagö idanö ndraʼugö, no tobali ndraʼugö ösi nomo Yehowa sowua-wua tödö. Öʼila samösa dania hadia dandra sangoromaʼö wa Yehowa andrö Ama sangomasiʼö yaʼugö, ba itugu aro wahuwusamö khönia. (Baso Maleakhi 3:16-18.) Baero daʼö, öʼokhögö göi nösi nomo ba wamati, yaʼia daʼö ira talifusöda ba zi sagörö ulidanö, sangomasiʼö Lowalangi ba sangomasiʼö yaʼugö. (Baso Mareko 10:29, 30.) Hizaʼi, so zinangea öfalua enaʼö tola tebayagö ndraʼugö idanö. Moguna öfahaʼö ndraʼugö sanandrösa khö Yehowa, öʼomasiʼö ia ba mamati ndraʼugö khö Nononia. Aefa daʼö, lö tola löʼö ölulu waʼaurimö khö Yehowa. Na öfalua daʼö fefu ba tebayagö ndraʼugö idanö, tebeʼe khöu ginötö ba wanöndra faʼohahau dödö sagötö faʼara. Imane Taromali Lowalangi, ’Famayagö idanö zangorifi yaʼami.’—1 Fetero 3:21.
ODÖDÖGÖ NASA WANGALUI
Tatutunö dania hadia mbörö wa ölulu waʼaurimö khö Yehowa ba tebayagö ndraʼugö idanö.
3. Fefu ita moguna tatatugöi haniha nifosumangeda
Me föna, so ösa ndraono Gizaraʼeli sangumaʼö wa tola lafosumange Yehowa ba lafosumange göi Mbaʼali. Hizaʼi, ifatenge zamaʼeleʼö khönia Yehowa sotöi Elia ba wangatulöʼö lala wangera-ngerara si fasala andrö. Baso 1 Razo 18:21, ba beʼe wanema li ba wanofu daʼa:
-
Hadia zinangea lafili iraono Gizaraʼeli?
Simane iraono Gizaraʼeli, moguna göi tafili haniha nifosumangeda. Baso Luka 16:13, ba beʼe wanema li ba wanofu-nofu daʼa:
-
Hana wa tebai tafosumange Yehowa ba tafosumange göi Lowalangi tanö böʼö?
-
Hewisa wangoromaʼöda khö Yehowa wa no tafili ba wamosumange yaʼia?
4. Angerönusi waʼomasi Yehowa khöu
Oya sibai mbuala sebua böli si no ibeʼe khöda Yehowa. Hadia göi zi tola tabeʼe khönia? Futa VIDEO.
Hadia manö zi no ifalua Yehowa ba wangoromaʼö faʼomasinia khöu? Baso Zinunö 104:14, 15 hegöi 1 Yohane 4:9, 10, ba beʼe wanema li ba wanofu-nofu daʼa:
-
Moroi ba mbuala si no ibeʼe khöu Yehowa, hadia manö mbuala sabölö öʼandrö saohagölö?
-
Me no ötema fefu mbuala andrö, hewisa dödöu khö Yehowa?
Ba ginötö tatema mbuala sabölö omasi ita, tatu omasi sibai göi ita wangoromaʼö fangandrö saohagölö ba niha sameʼe buala andrö. Baso 5 Moze 16:17, ba beʼe wanema li ba wanofu daʼa:
-
Ba wangoromaʼö fangandrö saohagölö ba zi no ifalua khöu Yehowa, hadia göi mbuala sabölö ebua somasiʼö öbeʼe khö Yehowa?
5. Oya ibeʼe khöu howu-howu Yehowa na ölulu waʼaurimö khönia
Ato zangumaʼö wa faʼatehöngö, halöwö sebua mazui kefe, daʼö zameʼe khöra faʼomuso dödö. Hadia sindruhu daʼö? Futa VIDEO, ba beʼe wanema li ba wanofu-nofu daʼa:
-
Hewaʼae na omasi sibai fabola niha nitutunö ba video andrö, hadia mbörö wa iröi daʼö?
-
Ihalö gangetula ba wolulu faʼaurinia khö Yehowa tenga fabola. Moloʼö yaʼugö, hadia tefaudu gangetula nihalönia? Hadia mbörö wa öwaʼö zimanö?
Fatua lö tobali niha Keriso zinenge sotöi Faulo, sindruhunia so ginötö khönia ba wangokhögö halöwö si sökhi. Ifahaʼö ia ba huku niha Yahudi khö zi samösa samahaʼö si tehöngö. Hizaʼi, iröi daʼö fefu enaʼö tola tobali ia niha Keriso. Hadia maniasa Waulo ba gangetula nihalönia? Baso Wilifi 3:8, ba beʼe wanema li ba wanofu-nofu daʼa:
-
Hadia mbörö wa iwaʼö Faulo fefu zi no iröi andrö amaedola ’zasao’?
-
Hadia nitema Waulo me no tobali ia niha Keriso?
-
Moloʼö yaʼugö, hadia abölö sökhi waʼaurimö na öhalö gangetula ba wamosumange Yehowa? Hadia mbörö wa öwaʼö zimanö?
Me no tobali niha Keriso Waulo, abölö oya howu-howu nitemania moroi ba ngawalö zi no iröi
SO ZANGUMAʼÖ: ”Uʼila wa sindruhu daʼa, hizaʼi lö omasido tebayagö idanö.”
-
Moloʼö yaʼugö, hana wa moguna talulu waʼaurida khö Yehowa?
RAHU-RAHU WAMAHAʼÖ
Na taʼomasiʼö Yehowa, daʼö zamarou yaʼita irege talulu waʼaurida khönia ba tafabayagöʼö ita idanö.
Hadia Wamahaʼö si Tola Öhalö?
-
Hana wa sinangea na tafosumange ba taʼomasiʼö Yehowa soroi ba dödö?
-
Hadia manö howu-howu nibeʼe Yehowa ba nono mbanuania si no tebayagö idanö?
-
Hadia omasiʼö ölulu waʼaurimö khö Yehowa?
ALUI NASA DANÖ BÖʼÖ
Hadia mbörö wa tola ilulu waʼaurinia khö Yehowa si samösa ira alawe sanunö hegöi ira matua si fabola?
Manofu zi Bohou Ebua—Hadia Nigohigu ba Waʼauri?—Ifuli Itörö Tödö (6:54)
Baso hadia manö mbörö wa moguna ölulu waʼaurimö khö Yehowa.
”Hadia Mbörö Wa Ölulu Waʼaurimö khö Yehowa?” (Menara Pengawal, 15 Mbaŵa si Sara 2010)
Ba video musik andre, faigi hewisa waʼomuso dödö nirasoi niha si no molulu faʼaurira khö Yehowa.
Faigi hadia zangoʼou si samösa ira alawe ba woʼangerönusi hadia zabölö moguna ba waʼaurinia. Tuhonia, ”Asese Manofu-nofu Ndraʼo, ’Hadia Guna Waʼaurida Andre?’”
”Sura Niʼamoniʼö Zombulöʼö Faʼauri” (Menara Pengawal, 1 Mbaŵa si Felezara 2012)
Te Göi Adöni Dödöu
SASESE LASOFU NIHA
Hewisa Wamahaʼö Zura Niʼamoniʼö Nifaʼema Ndra Samaduhuʼö Yehowa?
Lö muʼandrö gefe ba program daʼa. Tola öʼogunaʼö gofu hadia manö wamoʼeluaha Zura Niʼamoniʼö somasiʼö. Tola göi ökaoni nawöu mazui ösi nomou ba wefao khöu.
