FAMAHAʼÖ 47
Hadia No Öfaʼanö Ndraʼugö Enaʼö Tebayagö Idanö?
Sagötö öfahaʼö ndraʼugö ba Zura Niʼamoniʼö, no oya niʼilamö sanandrösa khö Yehowa. Te so ösa göi zi no öbulöʼö ba waʼaurimö enaʼö tola öfalua hadia zi no öfahaʼö yaʼugö. Hizaʼi, te so nasa zaombö dödöu irege lö ölulu waʼaurimö khö Yehowa ba tebayagö ndraʼugö idanö. Ba wamahaʼö daʼa dania, tatutunö hadia manö zi tobali taha-taha irege lö nasa ilulu waʼaurinia si samösa niha, ba hewisa lala wangasiwai daʼö.
1. Hawaʼoya waʼaboto ba dödö sinangea öʼokhögö enaʼö tola tebayagö idanö ndraʼugö?
Enaʼö tola tebayagö idanö ndraʼugö moguna öʼokhögö ”waʼaboto ba dödö si tefaudu sanandrösa ba zindruhu”. (1 Timoteo 2:4) Tenga daʼö geluahania wa lö tola löʼö öʼila öbeʼe wanema li ba ngawalö wanofu-nofu niha sanandrösa ba Zura Niʼamoniʼö. Hadia mbörö? Hewaʼae no ara tebayagö idanö zi samösa niha Keriso, lö aetu nasa ifahaʼö ia ba Zura Niʼamoniʼö. (Kolose 1:9, 10) Hizaʼi, moguna öʼokhögö waʼaboto ba dödö sanandrösa ba dane-dane wamahaʼö moroi ba Zura Niʼamoniʼö. Latolo ndraʼugö ira satua sokubaloi ba mbanua niha Keriso enaʼö öʼila hadia no tobönö waʼaboto ba dödö si no öʼokhögö.
2. Hadia manö zinangea öfalua enaʼö tola tebayagö idanö ndraʼugö?
Enaʼö tola tebayagö idanö ndaʼugö, moguna ’öfalalini gera-eramö ba öfuli ndraʼugö khö Lowalangi’. (Baso Halöwö Zinenge 3:19.) Eluahania, sindruhu-ndruhu maniasa ndraʼugö ba zala si no irai öfalua ba zilalö ba öʼandrö khö Yehowa enaʼö iʼefaʼö zalamö andrö. Moguna göi ötimbagö fefu gamuata si lö sökhi ba öfaudugö waʼaurimö ba lala sangomusoiʼö tödö Lowalangi. Baero daʼö, moguna göi möiʼö ba gangowuloa, ba faoʼö khö ndra talifusöda ba mbanua niha Keriso ba wanuriaigö turia somuso dödö.
3. Hana wa lö moguna aombö dödöu?
So ösa zaombö tödö alai na tebai lafalua hadia zi no lafabuʼu khö Yehowa. Sindruhu sa wa tola manö öfalua zala, simane salua khö ndra matua hegöi ira alawe si lö faröi nitutunö ba Zura Niʼamoniʼö. Hizaʼi, törö tödöu wa lö itötöna Yehowa ba nono mbanuania enaʼö moʼahonoa wamaluara daʼö. (Baso Zinunö 103:13, 14.) Omuso sibai dödö Yehowa na öbeʼe khönia wondrege zi sökhi. Hasambalö itolo ndraʼugö! Ifaduhuʼö khöda Yehowa wa lö hadöi si tola ’mamabali yaʼita moroi ba waʼomasinia’.—Baso Roma 8:38, 39.
ODÖDÖGÖ NASA WANGALUI
Tatutunö dania hadia mbörö wa tola ölawa waʼaombö-aombö dödöu ba wamayagö yaʼugö idanö na no itugu aboto ba dödöu sanandrösa khö Yehowa ba ötema wanolo moroi khönia.
4. Forege enaʼö monönö waʼaboto ba dödöu sanandrösa khö Yehowa
Fatua lö tebayagö idanö ndraʼugö, moguna aboto ba dödöu sanandrösa khö Yehowa enaʼö tola öʼomasiʼö ba öʼomusoiʼö dödönia. Futa VIDEO enaʼö öʼila hewisa ndra niha nifahaʼö ba Zura Niʼamoniʼö ba zi sagörö ulidanö wamaluara daʼö. Aefa daʼö, beʼe wanema li ba wanofu daʼa:
-
Hadia zanolo niha si so ba video daʼö mege, irege tefaʼanö ira enaʼö tebayagö idanö?
Baso Roma 12:2, ba beʼe wanema li ba wanofu-nofu daʼa:
-
Hadia so zaombö dödöu ba wamahaʼö moroi ba Zura Niʼamoniʼö mazui hadia ambö faduhu dödöu wa sindruhu nifahaʼö ndra Samaduhuʼö Yehowa?
-
Na simanö, hadia zi tola öfalua ba wolawa faʼaombö dödö andrö?
5. Forege ba wolawa faʼaombö- aombö dödöu sanandrösa ba wamayagö idanö
Na tahalö gangetula ba wolulu faʼaurida khö Yehowa ba tebayagö ita idanö, hasambalö wa göna ita abula dödö. Enaʼö öʼila duma-dumania, futa VIDEO, ba beʼe wanema li ba wanofu-nofu daʼa:
-
Ba video andrö, hadia gabula dödö salua khö Narangerel irege abua khönia wangai angetula ba wamosumange Yehowa?
-
Hewisa waʼomasinia khö Yehowa möi fanolonia ba wolawa abula dödö?
Baso Gamaedola 29:25 hegöi 2 Timoteo 1:7, ba beʼe wanema li ba wanofu daʼa:
-
Hadia zameʼe khöda faʼabarani ba wolawa fanandraigö?
6. Yafaduhu dödöu wa itolo ndraʼugö Yehowa
Itolo ndraʼugö Yehowa ba wamalua ngawalö zangomusoiʼö tödönia. Futa VIDEO, ba beʼe wanema li ba wanofu-nofu daʼa:
-
Ba video andrö mege, hadia mbörö wa itaha-taha ia si samösa niha nifahaʼö ba Zura Niʼamoniʼö ba wamayagö idanö?
-
Hadia zameʼe khönia faʼafaduhu dödö wa hasambalö itolo ia Yehowa?
Baso Yesaya 41:10, 13, ba beʼe wanema li ba wanofu daʼa:
-
Hadia mbörö wa faduhu dödöu wa tola öfalua zi no öfabuʼu me ölulu waʼaurimö khö Lowalangi?
7. Forege ba wangoromaʼö fangandrö saohagölö ba waʼomasi Yehowa
Na öʼangerönusi hawaʼebua waʼomasi Yehowa khöu, itugu monönö wangandröu saohagölö ba öhalö gangetula ba wamosumange yaʼia sagötö faʼara. Baso Zinunö 40:5, ba beʼe wanema li ba wanofu daʼa:
-
Moroi ba ngawalö howu-howu si no ötema moroi khö Yehowa, hadia howu-howu sabölö öʼandrö saohagölö?
Samaʼeleʼö sotöi Yeremia, iʼomasiʼö sibai Yehowa hegöi taromalinia. Iʼandrö saohagölö me no tobali ia salahi Yehowa. Imane, ”Taromalimö andrö zameʼe khögu faʼomuso dödö. Börö me no uʼotöigö döimö Yehowa Lowalangi.” (Yeremia 15:16) Beʼe wanema li ba wanofu-nofu andre:
-
Hana wa no töi sebua na tobali Samaduhuʼö Yehowa?
-
Hadia omasi ndraʼugö tebayagö idanö tobali Samaduhuʼö Yehowa?
-
Hadia so nasa zaombö-aombö dödömö irege lö omasiʼö tebayagö idanö?
-
Moloʼö yaʼugö, hadia nasa zinangea öfalua enaʼö tola tebayagö idanö ndraʼugö?
SO ZANGUMAʼÖ: ”Ataʼudo na tebayagö ndraʼo idanö, alai dania na tebai ufalua zi no ufabuʼu khö Yehowa.”
-
Hadia simane daʼö nirasoimö?
RAHU-RAHU WAMAHAʼÖ
Börö wanolo moroi khö Yehowa, tola ölawa ngawalö daha-taha sanaisi yaʼugö enaʼö tebayagö idanö.
Hadia Wamahaʼö si Tola Öhalö?
-
Hawaʼoya waʼaboto ba dödö sinangea öʼokhögö sanandrösa ba Zura Niʼamoniʼö enaʼö tola tebayagö ndraʼugö idanö?
-
Hadia manö zinangea öbulöʼö enaʼö tola tebayagö ndraʼugö idanö?
-
Hana wa tebai talafo öʼaombösi tödö ba wangai angetula enaʼö tebayagö ndraʼugö idanö?
ALUI NASA DANÖ BÖʼÖ
Baso hadia zinangeania gohitö dödöu siföföna wa tebayagö ndraʼugö idanö.
”Hadia No Sinangea Tebayagö Ndraʼugö Idanö?” (Manuriaigö, Baŵa si Tölu 2020)
Baso hewisa lala wangasiwai taha-taha irege lö nasa öbayagö ndraʼugö idanö.
”Hadia Daha-tahagu Wa Lö Ubayagö Ndraʼo Idanö?” (Manuriaigö, Baŵa si Tölu 2019)
Faigi zi no irai alua khö zi samösa ira matua si no mofozu ba wolawa ngawalö daha-taha irege tola tebayagö ia idanö.
So samösa ndra matua sotöi Ataa, aombö dödönia ba wamobörö wa tola tebayagö ia idanö. Hadia zangaʼaroʼö tödönia ba gafuriata irege ihalö gangetula tebayagö ia idanö?
Te Göi Adöni Dödöu
SASESE LASOFU NIHA
Hewisa Wamahaʼö Zura Niʼamoniʼö Nifaʼema Ndra Samaduhuʼö Yehowa?
Lö muʼandrö gefe ba program daʼa. Tola öʼogunaʼö gofu hadia manö wamoʼeluaha Zura Niʼamoniʼö somasiʼö. Tola göi ökaoni nawöu mazui ösi nomou ba wefao khöu.
