FAMAHAʼÖ 48
Fili zi Fahuwu Khöu si Fao Faʼatua-tua
Ba ginötö tasöndra waʼomuso dödö ba waʼauri andre, tola göi lanönö waʼomuso dödöda ira niha si fahuwu khöda. Mendrua manö na göna ita abula dödö, tola labeʼe khöda wondrara dödö. Hizaʼi, ifangelama ita Sura Niʼamoniʼö wa lö dozi niha tola tobali ira si fahuwu si sökhi. Na simanö, hewisa enaʼö ösöndra zi fahuwu si sökhi? Angeragö atö wanofu-nofu daʼa.
1. Hadia lua-luania khöda nawöda fariawö?
Na so niha sasese fariawö khöda, he na falukha ita mazui ba media sosial, tola manö fagölö gamuatada khöra hegöi lala wangera-ngerada. Imane Sura Niʼamoniʼö, ”Niha si fao ba zatua-tua, ba atua-tua ia göi dania, hizaʼi niha si faʼawö ba niha si bodo [niha si lö mangomasiʼö Yehowa], ba falukha ia wamunu.” (Amaedola 13:20) Niha si fahuwu khöu sangomasiʼö Yehowa ba samosumange yaʼia, tobali fanolomö enaʼö ahatö ndraʼugö khö Yehowa ba itolo göi ndraʼugö ba wangai angetula si tefaudu. Hizaʼi, na niha si lö mangomasiʼö Yehowa zi fahuwu khömö, tola lafandröndröu ndraʼugö moroi khö Yehowa. Daʼö mbörö wa ifangelama ita Sura Niʼamoniʼö enaʼö tahaogö tafili zi fahuwu khöda si fao faʼatua-tua! Na laʼomasiʼö Yehowa ira niha si fahuwu khöda, so mbua nitemada ba simanö göi ira. Na tafalua daʼö, eluahania ’lö taböhöli ba wangaʼaroʼö hegöi ba wamarou tödö nawöda’.—1 Tesalonika 5:11.
2. Hewisa dödö Yehowa na tafili zi fahuwu khöda?
Lö fefu niha tola tobali si fahuwu khö Yehowa. Hizaʼi ”fahuwu sibai ia ba niha sadölö tödö”. (Amaedola 3:32) Hewisa dödö Yehowa na fahuwu ita ba niha si lö mangomasiʼö yaʼia? Tatu afatö sibai dödönia! (Baso Yakobo 4:4.) Hizaʼi, na taʼaröuʼö ita ba wariawösa si lö sökhi ba tahatöʼö ita khö Yehowa ba fahuwu ita ba niha sangomasiʼö yaʼia, omuso sibai dödö Yehowa ba omasi ia fahuwu khöda.—Sinunö 15:1-4.
ODÖDÖGÖ NASA WANGALUI
Tatutunö dania hadia mbörö wa moguna sibai tafili zi fahuwu si sökhi, ba tafatunö göi hewisa enaʼö ösöndra zi fahuwu khöu solohe yaʼugö ba zi sökhi.
3. Aröuʼö ndraʼugö moroi ba wariawösa si lö sökhi
-
Hewisa wa tola manö fariawö ita ba niha sondrönisi yaʼita ba wamalua si lö sökhi?
Baso 1 Korindro 15:33, ba beʼe wanema li ba wanofu-nofu daʼa:
-
Moloʼö yaʼugö, haniha manö zi tola tobali si fahuwu si lö sökhi khömö? Hadia mbörö?
Baso Zinunö 119:63, ba beʼe wanema li ba wanofu daʼa:
-
Hadia zangoromaʼö wa tola mubaliʼö si fahuwu si sökhi zi samösa niha andrö?
Hasambua apel sobou ba tola iʼobousi apel tanö böʼö. Hadia lua-luania na so zi fahuwu khöu si lö sökhi amuata?
4. Tola fahuwu ita ba niha si faböʼö waö-waö waʼauri moroi khöda
Itutunö khöda Sura Niʼamoniʼö sanandrösa khö Dawido hegöi Yonata, sauri ba götö ndraono Gizaraʼeli me föna. Faböʼö sibai waö-waö waʼaurira yaʼira si darua andrö ba aröu göi faböʼö ndröfira, hizaʼi fahuwu sibai ira. Baso 1 Samueli 18:1, ba beʼe wanema li ba wanofu daʼa:
-
Hadia mbörö wa ambö baga na ha ba daʼö fariawö ita ba niha si fagölö lala waʼauri mazui ba zi fagölö döfi khöda?
Baso Roma 1:11, 12, ba beʼe wanema li ba wanofu daʼa:
-
Hewisa enaʼö faoma tafarou dödö nawöda ba ginötö fariawö ita ba niha sangomasiʼö Yehowa?
Ba video andre, faigi hewisa zi samösa si bohou ebua wanöndra si fahuwu khönia hewaʼae lö itötöna daʼö ba zilalö. Futa VIDEO, ba beʼe wanema li ba wanofu-nofu daʼa:
-
Ba video daʼö mege, hadia mbörö wa aombö dödö zatua Akil me fahuwu ia khö ndra awönia ba zekola?
-
Hadia mbörö wa adöni dödö Akil fariawö khö ndra awönia andrö?
-
Me irasoi Akil wa hulö lö awö-awönia, hewisa wolawania fangera-ngera daʼö?
5. Lala ba wanöndra si fahuwu si sökhi
Hewisa enaʼö ösöndra zi fahuwu sindruhu? Hewisa lala enaʼö tobali ndraʼugö si fahuwu sindruhu? Futa VIDEO.
Baso Gamaedola 18:24 hegöi 27:17, ba beʼe wanema li ba wanofu-nofu daʼa:
-
Sindruhu zi fahuwu faoma latolo nawöra, hewisa wamaluara daʼö?
-
Hadia so zi fahuwu khöu simane daʼö? Na löʼö, hewisa enaʼö tola ösöndra zi fahuwu sindruhu?
Baso Wilifi 2:4, ba beʼe wanema li ba wanofu daʼa:
-
Enaʼö tasöndra zi fahuwu si sökhi, moguna tobali ita si fahuwu si sökhi. Hewisa enaʼö tola tobali ndraʼugö si fahuwu si sökhi?
Enaʼö tasöndra zi fahuwu si sökhi, moguna tobali ita si fahuwu si sökhi
SO ZANGUMAʼÖ: ”Na talafo tafili-fili zi fahuwu khöda, lua-luania lö hadöi si fahuwu khöda.”
-
Hewisa moloʼö yaʼugö mbua gera-era simane daʼö?
RAHU-RAHU WAMAHAʼÖ
Na tahaogö wamili si fahuwu khöda, no taʼomusoiʼö dödö Yehowa ba sökhi lua-luania ba waʼaurida.
Hadia Wamahaʼö si Tola Öhalö?
-
Hadia mbörö wa omasi Yehowa na tafili zi fahuwu si sökhi?
-
Haʼökhö tebai fariawö ita?
-
Hewisa ndraʼugö ba wamakhai fahuwusa si sökhi khö ndra awö-awöu?
ALUI NASA DANÖ BÖʼÖ
Baso hewisa zi fahuwu si sökhi tobali fanoloda ba ginötö göna ita abula dödö.
”Okhögö Wahuwusa Saro Fatua Lö Alua Wamakao Sabölö-bölö” (Manuriaigö, Baŵa si Felezara 2019)
Hadia manö zinangea öfalua enaʼö ösöndra zi fahuwu si sökhi?
Hadia manö zi tebai öʼolifugö na öʼogunaʼö media sosial?
Baso hadia mbörö wa ihalö gangetula si samösa ira matua enaʼö isöndra zi fahuwu sabölö sökhi, tuhonia ”Omasido Sibai na So Bapagu”.
”Sura Niʼamoniʼö Zombulöʼö Faʼauri” (Menara Pengawal, 1 Mbaŵa si Öfa 2012)
Te Göi Adöni Dödöu
SASESE LASOFU NIHA
Hewisa Wamahaʼö Zura Niʼamoniʼö Nifaʼema Ndra Samaduhuʼö Yehowa?
Lö muʼandrö gefe ba program daʼa. Tola öʼogunaʼö gofu hadia manö wamoʼeluaha Zura Niʼamoniʼö somasiʼö. Tola göi ökaoni nawöu mazui ösi nomou ba wefao khöu.
