Me iwöwöi ita Yehowa, no ibeʼe khöda mbuala sabölö sökhi yaʼia daʼö tola fahuhuo ita. Hadia iʼameʼegö tödö lala wangogunaʼöda buala andrö? Tatu manö! (Baso Yakobo 1:26.) Börö daʼö, hewisa enaʼö möi fangomuso dödö Yehowa lala wangogunaʼöda buala nibeʼenia andrö?

1. Hewisa zinangeania wangogunaʼöda buala wahuhuosa?

Imane Sura Niʼamoniʼö, ”Böi miböhöli wangaʼaroʼö hegöi ba wamarou tödö.” (1 Tesalonika 5:11) Hadia so nawöu mazui ösi nomomö sinangea murara tödö? Hadia nifaluamö enaʼö terara dödöra? Fatunö khöra wa öʼameʼegö tödö ira. Te tola öfatunö khöra hadia gamuata si sökhi niʼokhögöra sadöni dödöu. Hadia lö olifu ndraʼugö ayati si tola öʼogunaʼö ba wamarou tödö si faʼila khöu? Oya sibai ayati si tola öʼogunaʼö. Törö tödöu, tola möi famarou dödö zi samösa niha lagu wahuhuosamö. Andrö, moguna öhaogö wahuhuosa ba enaʼö si fao faʼasökhi dödö.—Amaedola 15:1.

2. Hadia manö wehede si tebai tawaʼö?

Imane Sura Niʼamoniʼö, ”Böi alua ba mbewemi wehede si lö sökhi.” (Baso Efeso 4:29.) Eluahania, tebai taʼogunaʼö wehede si lö baga mazui fehede sabeʼe ba si tola möi fangafökhö dödö niha böʼö. Tebai tafatou-tou manö niha böʼö mazui taböbögö khöra zi lö duhu.—Baso Gamaedola 16:28.

3. Hadia zi tola manolo yaʼita enaʼö tefarou dödö niha böʼö ba wehededa?

Si toʼölönia, hadia zasese tafadunö-dunö daʼö zangoromaʼö ösi dödöda hegöi fangera-ngerada. (Luka 6:45) Baero daʼö, moguna göi taʼosambuaʼö dödöda ba ngawalö zi sökhi yaʼia daʼö ngawalö zomasi Lowalangi, sohau-hau, sondrouʼö faʼomasi ba hadia ia nisuno. (Filifi 4:8) Enaʼö tola taʼosambuaʼö dödöda ba daʼö, moguna tafili hiburan si sökhi hegöi si fahuwu khöda. (Amaedola 13:20) Baero daʼö, moguna öʼangeragö sakali fatua lö fahuhuoʼö. Angeragö hadia lua-luania wehedemö andrö ba niha böʼö. Imane Sura Niʼamoniʼö, ”Hulö nikhu gari wehede si lö fakhamö muʼangeragö, hizaʼi lela niha satua-tua tobali dalu-dalu.”—Amaedola 12:18.

 ODÖDÖGÖ NASA WANGALUI

4. Angenanöi wehedemö

Itaria, na no aefa tawaʼö niwaʼöda, awena tumbu ba dödöda waniasa. (Yakobo 3:2) Baso Galatia 5:22, 23, ba beʼe wanema li ba wanofu-nofu daʼa:

• Angandrö khö Yehowa enaʼö tola itolo ndraʼugö ba wondrouʼö amuata si sökhi andrö. Moloʼö yaʼugö, hadia manö gamuata si möi fanolomö enaʼö tola öʼangenanöi wehedemö? Hadia mbörö?

Baso 1 Korindro 15:33, ba beʼe wanema li ba wanofu daʼa:

• Moroi ba hiburan nifilida hegöi awöda fariawö, hadia lua-luania ba lagu wahuhuosada?

Baso Zangombakha 3:1, 7, ba beʼe wanema li ba wanofu daʼa:

• Hawaʼara zi bagania lö hede-hededa mazui tabaloi ginötö si sökhi awena fahuhuo ita?

 5. Böi dunö-dunö niha böʼö

6. Haogö na fahuhuo ndraʼugö ba nösi nomomö

 RAHU-RAHU WAMAHAʼÖ

Tola möi fanolo niha wehededa ba tola göi möi fangafökhö dödöra. Moguna taʼangeragö hadia zinangea tawaʼö, hawaʼara ginötönia ba hewisa lala wamaʼema yaʼia.

Hadia Wamahaʼö si Tola Öhalö?

• Hewisa enaʼö tefarou dödö niha böʼö ba wehedemö?

• Hadia manö wehede somasiʼö ötimbagö?

• Hadia zi möi fanolo khöda enaʼö tahaogö wahuhuosa ba tafarou dödö niha böʼö?