Lala enaʼö oya mbua nitemau moroi ba wamahaʼö ba Zura Niʼamoniʼö andre
Si oföna tutunö faosatö daʼa, aefa daʼö futa VIDEO.
FAOSATÖ SIFÖFÖNA
Ba wamaʼanö yaʼugö ero sambua famahaʼö, baso faosatö daʼa. Fanofu (A) hegöi ayati (B) si no muʼaitöni, daʼö zangabakhaiʼö tuho siföföna. Na so ayati niwaʼönia ”baso”, eluahania mibaso ayati daʼö na mifalua wamahaʼö.
FAOSATÖ SI DUA
Ngawua wehede si so ba (C) duho Odödögö Nasa Wangalui, daʼö zangombakha khöda hadia nasa nitutunöda. Tuho side-ide (D) daʼö zangabakhaiʼö khöda hadia duho siföföna. Na mifalua wamahaʼö, baso fefu ayatinia, beʼe wanema li ba wanofu, ba faigi videonia.
Ba kotak VIDEO, tola öbokai link ba video hegöi rekaman audio soʼamakhaita ba wamahaʼö nitutunömi. So ösa video andrö sindruhu-ndruhu no alua. So göi nifadumaisi, hizaʼi fefu nitutunö ba video andrö fagölö ia ba zalua ba waʼaurida.
Nehegö fefu gambara hegöi nisura ba gambara andrö (E), ba angeragö hewisa enaʼö tola öbeʼe wanema li ba duho So Zangumaʼö (F).
FAOSATÖ SAFURIA
Rahu-Rahu Wamahaʼö hegöi Hadia Wamahaʼö si Tola Öhalö? (G) daʼö zi tobali fangasiwai ba wamahaʼö. Sura hamega awai mitutunö wamahaʼö andrö. Ba duho Tandraigö Falua Daʼa (H) itutunö hadia manö zi tola öfalua enaʼö monönö waʼaboto ba dödöu ba öfalua zi no öfahaʼö yaʼugö. Ba duho Alui Nasa Danö Böʼö (I) so gonönöta si tola öbaso mazui si tola öfaigi.
Lala wanöndra ayati Zura Niʼamoniʼö
Sura Niʼamoniʼö teʼowuloi moroi ba zi 66 buku sigide-ide. No mubagi dombua faosatö Zura Niʼamoniʼö: Buku Niʼamoniʼö Heberaiʼo-Garamo (”Amabuʼula Li Siföföna”) hegöi Buku Niʼamoniʼö Yunani Niha Keriso (”Amabuʼula Li si Bohou”).
Simane daʼa na so ayati sinangea mubaso: Toi mbuku (A), faza (B), hegöi ayati (C).
Duma-dumania, Yohane 17:3 eluahania buku Yohane, faza 17, ayati 3.
Te Göi Adöni Dödöu
SASESE LASOFU NIHA
Hewisa Wamahaʼö Zura Niʼamoniʼö Nifaʼema Ndra Samaduhuʼö Yehowa?
Lö muʼandrö gefe ba program daʼa. Tola öʼogunaʼö gofu hadia manö wamoʼeluaha Zura Niʼamoniʼö somasiʼö. Tola göi ökaoni nawöu mazui ösi nomou ba wefao khöu.
