”Lowalangi . . . iʼosi dawa hörö fefu ba höröra. Lö hadöi saʼae faʼamate, faʼabu dödö, fegeʼege, mazui fökhö, me no numalö ziföföna andrö.”​—Famaʼeleʼö 21:3, 4, Famoʼeluaha Gulidanö si Bohou.

Owua-wua dödöda ba halöwö nifaluada.​—Yesaya 65:21-23.

Lö fökhö ma famakao tanö böʼö.​—Yesaya 25:8; 33:24.

Tasöndra waʼohahau dödö sagötö faʼara si fao ba nösi nomoda hegöi si fahuwu khöda.​—Sinunö 37:11, 29.

Tola. Si löʼö-löʼönia so dombua mbörö wa faduhu dödöda:

• Tola ifalua Lowalangi nifabuʼunia. Ba Zura Niʼamoniʼö ha Yehowa nifotöi ”Lowalangi Fondrege Zabölö”, me lö ola waʼabölönia. (Famaʼeleʼö 15:3) Börö zimanö, sindruhu-ndruhu wa tola ifalua zi no ifabuʼu, wa ifuli iʼaʼazökhi dania gulidanö andre tobali sökhi, simane niwaʼö ba Zura Niamoniʼö, ”Si tebai ba niha, ba tola khö Lowalangi.”​—Mataiʼo 19:26.

• Omasi sibai Lowalangi ba wamalua si no ifabuʼu. Duma-dumania, omasi sibai Yehowa ba wangorifi niha si no mate.​—Yobi 14:14, 15.

  Sura Niʼamoniʼö zangombakha wa no irai ifadöhö zofökhö Yesu. Hana wa ifalua daʼö? Börö waʼomasinia. (Mareko 1:40, 41) Simane Lowalangi, omasi sibai Yesu itolo niha sangarö-ngarö.​—Yohane 5:19.

  Andrö wa faduhu dödöda wa omasi sibai Yehowa hegöi Yesu na so khöda waʼohahau dödö ba zi so föna!​—Sinunö 72:12-14; 145:16; 2 Fetero 3:9.