Hewisa Moloʼö Yaʼugö Zura Niʼamoniʼö?
Moloʼö yaʼugö hadia . . .
-
buku manö-manö?
-
tenga buku Niʼamoniʼö?
-
ma Taromali Lowalangi?
HADIA NIWAʼÖ DAROMALI LOWALANGI
”Fefu nösi Mbuku Niʼamoniö andrö ba eheha Lowalangi zameʼe ba dödö niha.”—2 Timoteo 3:16, Famoʼeluaha Gulidanö si Bohou.
HADIA GUNANIA KHÖDA
Tesöndra wanema li si tefaudu ba ngawalö wanofu-nofu sanandrösa ba waʼauri.—Amaedola 2:1-5.
Sanuturu lala ba waʼaurida sero maʼökhö.—Sinunö 119:105.
So wanötöna saro ba zi so föna.—Roma 15:4.
HADIA TOLA TAFADUHUSI TÖDÖ NIWAʼÖ DAROMALI LOWALANGI?
Tola. Si löʼö-löʼönia so tölu mbörö wa faduhu dödöda:
-
Fefu nösi Zura Niʼamoniʼö oi moʼamakhaita. So mato 1.600 fakhe ginötö niʼogunaʼö ba wanura Sura Niʼamoniʼö, ba 40 niha zanura. Ato ba gotaluara zi lö mangila awöra. Hewaʼae simanö, fefu nösinia oi moʼamakhaita ba fagölö tuhonia!
-
Lö falimo zanura yaʼia. So zanura buku tanö böʼö, si toʼölönia lö ladunö-dunö na kala soira. Hizaʼi, sanura Sura Niʼamoniʼö latutunö zalara samösa hegöi soira.—2 Ngaʼötö 36:15, 16; Sinunö 51:1-4.
-
Tola mufaduhusi tödö nifaʼeleʼönia. Mato 200 fakhe fatua lö adudu mbanua Babilona me föna, no ifaʼeleʼö Taromali Lowalangi. (Yesaya 13:17-22) Iʼombakhaʼö hewisa waʼadudu, ba haniha zamakiko yaʼia!—Yesaya 45:1-3.
Oya nasa danö böʼö zi no alua nifaʼeleʼö Daromali Lowalangi, iʼotarai ba wondrege zide-ide ofeta ba wondrege zebua. Hadia tenga daʼö zangoromaʼö wa Sura Niʼamoniʼö andre moroi khö Lowalangi?—2 Fetero 1:21.
SINANGEA MUʼANGERAGÖ
Hewisa wa tola itugu sökhi waʼaurimö börö Daromali Lowalangi?
Taromali Lowalangi zangombakha khöda hadia wanema li ba zura YESAYA 48:17, 18 ba 2 TIMOTEO 3:16, 17.
Te Göi Adöni Dödöu
ESSENTIAL BIBLE TEACHINGS
Hana Faduhu Dödöda Wa Sindruhu Nösi Zura Niʼamoniʼö?
Na sindruhu buku daʼa moroi khö Lowalangi, Sura Niʼamoniʼö lö tola löʼö faböʼö ia moroi ba mbuku tanö böʼö.
SANANDRÖSA KHÖMA
Hana Wa Moguna Tafahaʼö Ita ba Zura Niʼamoniʼö?
No ihenaigö Sura Niʼamoniʼö wanema li ba wanofu-nofu sabölö moguna ba waʼauri niha si zuta faʼato ba zi sagörö ulidanö. Hadia omasi öʼila wanema linia?
SANANDRÖSA KHÖMA
Falukhaisi Ndraʼo
Omasido ufahaʼö ndraʼo ba Zura Niʼamoniʼö, mazui uʼalui nasa danö böʼö sanandrösa khö ndra Samaduhuʼö Yehowa.
