Moguna tofakha ba dödömö zinangea öfaʼema andrö. Ba ginötö öfaʼanö ndraʼugö, angeragö hawaʼamoguna duria nifaʼemamö. Moguna aboto ba dödöu irege öʼila lala wamaehagö yaʼia soroi ba dödö.

Angeragö niha samondrongo. Angerönusi hewisa lala enaʼö moguna ba niha böʼö hadia nibasomö mazui nifahaʼömö. Alui lala si tefaudu ba wamaʼema yaʼia irege fatema ba dödö zamondrongo ba laʼameʼegö tödö duria nifaʼemamö.

Enaʼö soroi ba dödöu wahuhuosa mazui ba wamahaʼö. Moguna fahuhuo ndraʼugö si fao faʼaterou dödö. Enaʼö si toʼölö manö ngaha-ngaha mboto hegöi sikhalamö irege tefaudu daʼö ba nirasoimö.