Hadia Lala ba Wanöndra Faʼohahau Dödö ba zi Sambua Fongambatö?
Moloʼö yaʼugö hadia . . .
-
faʼomasi?
-
kefe?
-
ma tanö böʼönia?
HADIA NIWAʼÖ DAROMALI LOWALANGI
”Nifahowuʼö yaʼia daʼö, samondrongo ba samalua taromali Lowalangi!”—Luka 11:28, Famoʼeluaha Gulidanö si Bohou.
HADIA GUNANIA KHÖDA
Tasöndra waʼomasi si lö tebulö.—Efeso 5:28, 29.
Tafosumange nawöda soroi ba dödö.—Efeso 5:33.
Sindruhu-ndruhu tarasoi waʼohahau dödö.—Mareko 10:6-9.
HADIA TOLA TAFADUHUSI TÖDÖ NIWAʼÖ DAROMALI LOWALANGI?
Tola. Si löʼö-löʼönia so dombua mbörö wa faduhu dödöda:
-
Lowalangi zamobörö fongambatö. Sura Niʼamoniʼö zango-mbakha ”fefu nösi nomo . . . moʼömö töi ira” khö Yehowa. (Efeso 3:14, 15) Atulö, Yehowa zamazökhi fongambatö. Na simanö hadia nifaluada?
Angeragö tödöu: Na taʼa gö sami ba omasi ita taʼila hewisa wondrino yaʼia, haʼökhö tasofu? Tatu manö ba niha sondrino yaʼia.
Simanö göi, enaʼö taʼila hadia lala ba wanöndra faʼohahau dödö ba zi sambua fongambatö, tatu manö taʼandrö wanuturu lala moroi khö Yehowa, samobörö fongambatö.—1 Moze 2:18-24.
-
Iʼosinangegö ita Lowalangi. Fefu zongambatö moguna laʼandrö mene-mene khö Yehowa, si so ba Daromalinia. Hadia mbörö? ”So so sa dödönia [ita].” (1 Fetero 5:6, 7) Omasi Yehowa ifalua zi sökhi khöda—mene-menenia saekhu ba waʼohahau dödö!—Amaedola 3:5, 6; Yesaya 48:17, 18.
SINANGEA MUʼANGERAGÖ
Hewisa enaʼö tobali ndraʼugö foʼomo ira matua, foʼomo ira alawe, ma satua si sökhi?
Taromali Lowalangi zangombakha khöda hadia wanema li ba zura EFESO 5:1, 2 ba KOLOSE 3:18-21.
Te Göi Adöni Dödöu
FAOSO!
Mene-Mene Sanandrösa ba Wongambatö
Hadia zinangea ifalua foʼomo ira matua, foʼomo ira alawe hegöi iraono enaʼö larasoi waʼohahau dödö ba wongambatö?
SANANDRÖSA KHÖMA
Hana Wa Moguna Tafahaʼö Ita ba Zura Niʼamoniʼö?
No ihenaigö Sura Niʼamoniʼö wanema li ba wanofu-nofu sabölö moguna ba waʼauri niha si zuta faʼato ba zi sagörö ulidanö. Hadia omasi öʼila wanema linia?
SANANDRÖSA KHÖMA
Falukhaisi Ndraʼo
Omasido ufahaʼö ndraʼo ba Zura Niʼamoniʼö, mazui uʼalui nasa danö böʼö sanandrösa khö ndra Samaduhuʼö Yehowa.
