Hadia Tola Ifuli Auri Niha si No Mate?
Hewisa moloʼö yaʼugö?
-
Tola.
-
Tebai.
-
Lö uʼila.
HADIA NIWAʼÖ DAROMALI LOWALANGI
”So wanusugi niha si no mate.”—Halöwö Zinenge 24:15, Famoʼeluaha Gulidanö si Bohou.
HADIA GUNANIA KHÖDA
Tola terara dödöda na mate niha niʼomasiʼöda.—2 Korindro 1:3, 4.
Lö ataʼu ita faʼamate.—Heberaiʼo 2:15.
So khöda wanötöna tola ifuli falukha ita ba niha niʼomasiʼöda si no mate.—Yohane 5:28, 29.
HADIA TOLA TAFADUHUSI TÖDÖ NIWAʼÖ DAROMALI LOWALANGI?
Tola. Si löʼö-löʼönia so tölu mbörö wa faduhu dödöda:
-
Lowalangi andrö Zomböi faʼauri. Sura Niʼamoniʼö zangombakha wa Yehowa ”gumbu waʼauri”. (Sinunö 36:9; Halöwö Zinenge 17:24, 25) Yaʼia zameʼe faʼauri ba ngawalö niwöwöi. Andrö wa so khönia waʼabölö ba wangorifi.
-
No irai isusugi niha Lowalangi. Sura Niʼamoniʼö zangombakha so dawalu niha si no irai isusugi—iraono, satua, ira alawe, ba ira matua—ifuli auri ira ba guli danö. So zawena mate, ba so göi zi no öfa wongi ba lewatö!—Yohane 11:39-44.
-
Omasi nasa Lowalangi ba wamalua daʼö. Fatuwu khö Yehowa waʼamate; amaedola zi faʼudu khönia daʼö. (1 Korindro 15:26) Omasi ia ba wokalaisi nudunia, andrö wa isusugi niha si no mate. Omasi ia ba wanusugi niha nitörö tödönia hegöi ba wamaigi yaʼira na ifuli auri ba gulidanö.—Yobi 14:14, 15.
SINANGEA MUʼANGERAGÖ
Hana wa atua ita ba mate?
Taromali Lowalangi zangombakha khöda hadia wanema li ba zura 1 MOZE 3:17-19 ba ROMA 5:12.
Te Göi Adöni Dödöu
ESSENTIAL BIBLE TEACHINGS
Hewisa Niha si No Mate?
Ifabuʼu Sura Niʼamoniʼö wa so ginötönia dania tesusugi niha si no mate, simane salua khö Lazaro.
SANANDRÖSA KHÖMA
Hana Wa Moguna Tafahaʼö Ita ba Zura Niʼamoniʼö?
No ihenaigö Sura Niʼamoniʼö wanema li ba wanofu-nofu sabölö moguna ba waʼauri niha si zuta faʼato ba zi sagörö ulidanö. Hadia omasi öʼila wanema linia?
FAMAHA’Ö ZURA NI’AMONI’Ö
Tandraigö Wamaha’ö Nifaluama
Faha’ö ndra’ugö ba Zura Ni’amoni’ö khö zi samösa samaha’ö, lö mu’andrö gefe.
