FAMAHAʼÖ 5
Hadia Gohitö Dödö Lowalangi ba Gulidanö?
1. Hadia gohitö dödö Lowalangi wa ifazökhi gulidanö?
Noʼibeʼe gulidanö Yehowa ba niha. Daʼö nahiada. Tobali, niha si föföna, Adamo ba Khawa, ifazökhi ira Lowalangi tenga enaʼö auri ba zorugo. Noʼifazökhi ndra malaʼika Lowalangi ösi zorugo. (Yobi 38:4, 7) Ifataro niha si föföna Lowalangi ba waradaiso si sökhi, sotöi Kabu Edena. (I Moze 2:15-17) Ibeʼe khöra Yehowa hegöi khö ngaʼötönia waʼauri si lö aetu ba gulidanö sagötö faʼara.—Baso Zinunö 37:29; 115:16.
Me föna, ha Kabu Edena zimane faradaiso. Mongaʼötö Gadamo ba Khawa lanönöi gulidanö. Aefa daʼö, yaʼira zamatörö ulidanö ba tobali faradaiso. (I Moze 1:28) Lö tefakiko gulidanö, tobali nahia niha sagötö faʼara.—Baso Zinunö 104:5.
Faigi video Hadia Gohitö Dödö Lowalangi Wa Ifazökhi Gulidanö?
2. Hana wa tenga faradaiso gulidanö iadaʼa?
Me lö laʼoʼö li Yehowa ira Adamo ba Khawa, andrö wa ifofanö ira Yehowa moroi ba kabu Edena. Tobali taya waradaiso, ba lö niha si tola mangaʼazökhi mangawuli. Imane Sura Niʼamoniʼö, ”Ulidanö no mubeʼe ba danga zebua horö.”—Yobi 9:24.—Baso I Moze 3:23, 24.
Hadia lö alua gohitö dödö Yehowa ba gulidanö? Alua! Yaʼia si lö ambö faʼabölö. Lö irai löʼaʼozu gohitö dödönia. (Yesaya 45:18) Ifangawuli niha gulidanö simane ohitö dödönia ba mböröta.—Baso Zinunö 37:11, 34.
3. Hewisa wa ifuli so Waradaiso?
Tobali faradaiso gulidanö ba ginötö mamatörö Yesu si no ifataro Lowalangi. Ba luo wasuwöta nifotöi Hamagedo, Iʼohe ndra malaʼika Yesu ba wamakiko fefu niha solawa Lowalangi. Ba irate Gafökha 1.000 (saribu) fakhe waʼara. Teʼorifi zoloʼö khö Lowalangi moroi ba wamakiko andrö börö me Yesu zolohe ba solumöʼö yaʼira. Ohahau dödöra waʼauri ba gulidanö faradaiso.—Baso Famaʼeleʼö 20:1-3; 21:3, 4.
4. Ha waʼara aheta gabula dödö?
Hawaʼara iheta ngawalö zi lö sökhi andre Lowalangi ba gulidanö? Iʼombakhaʼö Yesu ”dandra” wa no ahatö ginötö andrö. Tekiko fefu niha na si mane-mane daʼa manö gulidanö. Daʼö zangoromaʼö wa yaʼita no so ba ”ginötö safuria”.—Baso Mataiʼo 24:3, 7-14, 21, 22.
Ba ginötö mamatörö Yesu ba gulidanö ba zi 1.000 fakhe waʼara, iheta fefu ngawalö gabula dödö. (Yesaya 9:6, 7; 11:9) Yesu zangeheta horö niha sangomasiʼö Lowalangi. Tobali, iʼogunaʼö Yesu Lowalangi ba wangeheta fökhö, faʼatua, ba faʼamate.—Baso Yesaya 25:8; 33:24.
5. Haniha zangokhögö faradaiso andrö dania?
Ba Nahia Gorahua ndra Samaduhuʼö Yehowa, Falukha ndraʼugö niha sangomasiʼö Lowalangi, ba niha somasi mangomusoiʼö tödönia
Dozi soloʼö somasi Lowalangi auri ira ba waradaiso. (I Yohane 2:17) Ifatenge ndra nifahaʼönia Yesu ba wangalui niha sangataʼufi Lowalangi ba wamahaʼö yaʼira enaʼö iʼomasiʼö ira Lowalangi. Ba ginötö iadaʼa, Yehowa zanuturu lala ba niha somasi auri ba gulidanö faradaiso dania. (Zefania 2:3) Ba Nahia Gorahua ndra Samaduhuʼö Yehowa, tefahaʼö niha hewisa enaʼö tobali satua ba ama si sökhi ba ina si sökhi sebua faʼomasi. Iraono ba satua fagölö-gölö laʼoʼö zomasi Lowalangi ba lafalua waʼaboto ba dödö moroi ba Zura Niʼamoniʼö enaʼö lasöndra waʼauri si sökhi.—Baso Mikha 4:1-4.
