Nifotöi ”Mbetieli” moroi ba li Heberai’o ”Omo Lowalangi”. (I Moze 28:17, 19) Tefaudu sibai döi da’e ba nahia nifasindro ndra Samaduhu’ö Yehowa ba zi sagörö ulidanö ni’oguna’ö ba wondrou’ö halöwö fanuriaigö. Satua Sangai Halöwö mohalöwö ira ba gödo si so ba mbanua New York, AS, ba lafaigi-faigi halöwö nifalua ba ngawalö soi. Fefu zohalöwö ba gödo andre lafotöi ira ösi nomo Mbetieli. Amaedola zi sambua omo ira falulu fohalöwö, fao ira wemanga, ba faoma lafaha’ö ira ba Zura Ni’amoni’ö, ba so khöra wahasara dödö.—Zinunö 133:1.

Nahia si sökhi ba zi sambua omo sohalöwö si lö gazi. Ira matua ba ira alawe sohalöwö ba Mbetieli no latehegö ginötöra ba wamalua somasi Lowalangi ba halöwö nifaluara si tefaudu ba gohitö dödö Lowalangi. (Matai’o 6:33) Lö hadöi mugazi ira hiza’i lahenaigö nahia wemörö, ni’a, ba so ma’ifu wanolo ba wombönökhi soguna khöra. Niha si so ba Mbetieli so halöwöra zamösana, so zohalöwö ba gödo, so göi zondrino gö, so zohalöwö ba wamazökhi buku, ba wama’anö, so göi zohalöwö ba wangehaogö nahia, sanasa nukha, ba oya nasa danö bö’önia

Oya halöwö ba nahia andrö ba wondrou’ö halöwö fanuriaigö. Si föföna gohitö dödö ero sambua Mbetieli ya’ia da’ö ba wangombakha si ndruhu ba Zura Ni’amoni’ö ba niha fefu. Sa mbua duma-duma mbuku andre. Me no latehegö Satua Sangai Halöwö ba wosura, awena lafa’ohe’ö ba niha samo’eluaha ba zi töra ngaotu wa’atora ba zi sagörö ulidanö, la’oguna’ö fakake salio ba wamazökhi ya’ia, ba awena lafa’ohe’ö ba zi 110.000 angowuloa. Fefu nifalua no mege, so halöwö ba Mbetieli la lului halöwö fondrege zaösö andrö —manuriaigö turia somuso dödö.—Mareko 13:10.

• Haniha zohalöwö ba Mbetieli, ba hadia zi no lahenaigö khöra?

• Hadia halöwö saösö ni lului zohalöwö ba Mbetieli