Ma’andrö saohagölö me no mibe’e ginötömi ba wombaso buku andre irege tola mi’ila haniha zi ndruhunia ndra Samaduhu’ö Yehowa, hadia halöwöma, ba mi’ila hadia halöwö nifalua ba gangowuloama. Matötöna wa tetolo ami ba wangi’ila wa ya’aga samalua somasi Yehowa ba ginötö andre. Mafarou dödömi ena’ö so khömi wa’anau gölö ba wangalui fa’aboto ba dödö sanandrösa khö Lowalangi, ba ena’ö ötutunö hadia zi no öfaha’ö ya’ugö ba nösi nomou, khö nawöu, ba lö öböhöli fariawö ba gangowuloa niha keriso khöma.—Heberai’o 10:23-25.

Na itugu öfaha’ö ndra’ugö sanandrösa khö Yehowa, ba itugu tedou wa’aboto ba dödöu wa i’omasi’ö sibai ndra’ugö. Börö zimanö, tefarou dödöu ba wamalua somasi ia si tobali sulö wa’omasinia. (I Yohane 4:8-10, 19) Tobali, hewisa wa tola öfalua da’ö ba wa’auriu ero ma’ökhö? Hana wa moguna khöu goi-goi Lowalangi andrö? Ba hadia zango’ou ya’ugö wefao khöma ba wamalua somasi Lowalangi? Samaha’ö ya’ugö ba Zura Ni’amoni’ö omasi ia ifatunö khöu hegöi ba nösi nomou ena’ö ’te’aro’ö ami ba wa’omasi Lowalangi, ba tadöna-döna wa’auri si lö aetu’.—Yuda 21.

Ena’ö tedou ndra’ugö ba lala si ndruhu andrö, ma’andrö khöu ena’ö ötohugö wamaha’ö ya’ugö ba mbuku ”Tetaplah Berada dalam Kasih Allah”.